Subscribe:

Saturday, February 28, 2009

သာကီမျိုးဟေ့ဒို့မြန်မာ

ဗုဒ္ဓဘာသာသည် မြန်မာလူမျိုးတို့ အသက်ပေး ကိုးကွယ်ခဲ့သော ဘာသာဖြစ်ပါတယ်။ ဤကမ္ဘာတွင် ကိုးကွယ်ရာ ဘာသာဝါဒများ ရှိကြပါတယ်။ အချို့ ဘာသာဝါဒ တို့ဟာ “ဣဿရနိမ္မာန၀ါဒ” ခေါ် “ဖန်ဆင်းရေး ၀ါဒ” များသာဖြစ်ပါတယ်။ ထိုကဲ့သို့ရှိသော ဘာသာရေး ၀ါဒတို့ဟာ ဖန်ဆင်းရှင်ကို ယုံကြည်ရပါတယ်။ အားကိုးရပါတယ်။ကယ်တင်တယ်၊ ချမ်းသာသုခ ကိုပေးတယ်၊ ကောင်းမွန်သည့်ဘုံသို့ ခေါ်ဆောင်မည်ဟု ယုံကြည်ပြီး ဆုတောင်း ၀တ်တွားရပါတယ်။

မိမိဘ၀ ချမ်းသာကြီးပွားရေး အတွက် ကယ်တင်ရှင်ကိုသာ ပုံလွဲပြီး ယုံကြည်မှု အဓိက ဘာသာဝါဒ များဖြစ်ပါတယ်။ ထိုဘာသာ ၀ါဒတို့တွင် သဒ္ဓါ ယုံကြည်မှုသာ ပဲရှိပါတယ်။ ပညာလို့ ခေါ်တဲ့ ဟုတ်မဟုတ် မှန်မမှန် ဖြစ်နိုင်၏ မဖြစ်နိုင်၏ ဆန်းစစ်မှု မပါရှိပါ။ ဒုက္ခမှ လွတ်မြောက်ရန်အတွက် ကျင့်ကြံကြိုးကုတ် အားထုတ်မှု လို့ခေါ်တဲ့ စရဏတရား မပါရှိပါ။ သို့ဖြစ်၍ ထိုဘာသာ ၀ါဒတို့၏ အဓိက အခြေခံမှာ သဒ္ဓါတရားသာ ဖြစ်ပါသည်။

ထို့အပြင် သိပ္ပံပညာ ရပ်များကို လေ့လာ ဆန်းစစ်ရန်လည်း လိုအပ်ပါတယ်။ Philosophy ခေါ် ဒဿနိက ဗေဒဘာသာရပ်နှင့် ရုပ်ပိုင်းဆိုင်ရာ သိပ္ပံပညာ အားလုံးသည် အသိဥာဏ် ပညာ တိုးပွးရန် လေ့လာသော ဘာသာရပ်များသာ ဖြစ်ပါတယ်။ ပညာတစ်ခုထဲကိုသာ ဗဟိုပြုထားလို့ “သဒ္ဓါနှင့်စရဏ” မပါရှိသဖြင့် သိပ္ပံပညာ ရပ်သည်လည်း ဒုက္ခမှ လွတ်မြောက်မှုကို မပေးအပ်နိုင်ပါ။

ဗုဒ္ဓ၀ါဒမှာမှု သဒ္ဓါ နှင့် ပညာ ညီမျှစွာ တွဲဖက်ထားသော ဘာသာဖြစ်ပါတယ်။ ဘုရား တရား သံဃာ ရတနာမြတ် သုံးပါးတို့ ဂုဏ်ကို ပညာဖြင့် ခွဲခြမ်းစိတ်ဖြာ သုံးသပ်ပြီး စေတနာ သဒ္ဓါထက်သန်စွာ ကိုးကွယ်ရသော ဘာသာဖြစ်ပါတယ်။ ပညာဖြင့် ရှုမြင် စေတနာ သဒ္ဓါဖြင့် ယုံကြည်ရုံနှင့် အဆုံးမသတ်သေးပါ။ တကယ်တမ်း သံသရာ ၀ဋ်မှ ကျွတ်လွတ်လိုလျှင် လည်းကောင်း ဘ၀သံသရာ ကျင်လည်ရာဝယ် နေရာကောင်း ဘ၀ကောင်း ဖြစ်လိုလျှင် လည်းကောင်း စရဏ ခေါ် ကျင့်ကြံကြိုးကုတ် အားထုတ်မှု ရှိရပါမယ် လေနော်။

ထို့ကြောင့် ဘာသာခြား ၀ါဒတို့မှာ သဒ္ဓါသာ အဓိကဖြစ်ပြီး ပညာနှင့် စရဏ မပါသဖြင့် လိုအပ်သော ချမ်းသာမျိုးကို မရနိုင်ပါ။ သိပ္ပံ ပညာရပ်မှာလည်း ပညာသာ အဓိက ဖြစ်ပြီး သဒ္ဓါနှင့်စရဏ မပါပြန်သဖြင့် လမ်းမှန် နည်းမှန် စနစ်မှန် ထက်သန်သော အားထုတ်မှုမျိုး မဖြစ်နိုင်ပါ။ တကယ်တမ်း ခံစားရသည့် ဘ၀ဒုက္ခများမှ လည်းလွတ်မြောက်အောင် မဆောင်ရွက်နိုင်ပါ။ဗုဒ္ဓဘာသာမှာမှု “သဒ္ဓါ၊ပညာ၊စရဏ” စုံလင်စွာ ပါရှိသဖြင့် တောင့်တသည့်အတိုင်း မဆိုင်းမတွ သုခကျိုးကို ပေးအပ်နိုင်သည့် မှန်ကန်မှု အပြည့်ရှိသော ဘာသာဝါဒ ဖြစ်ပါသည်။ ထိုကဲ့သို့ မှန်ကန်သော ဘာသာဝါဒ တစ်ရပ်ကို ကိုးကွယ်နေကြရသဖြင့် ဗုဒ္ဓဘာသာဝင် စစ်မှန်သူတိုင်း အောင်မြင်မှု ပန်းတိုင်ကို လျှောက်လှမ်းနေကြ သူများဖြစ်ပါသည်။
လူတိုင်းလူုတိုင်း တစ်ဦးချင်း အနေနှင့် မှန်ကန်မှုရှိသော ဘာသာဝါဒကို ရွေးချယ်ကိုးကွယ်ကြသူများ ဖြစ်နေကြသဖြင့် ဘ၀သံသရာ တလျှောက်လုံး ကောင်းစားရေးအတွက် ဗုဒ္ဓဘာသာသည် လူတိုင်းလူတိုင်းအတွက် အရေးကြီးဆုံး ဘာသာဝါဒတစ်ခု ဖြစ်ပါသည်။ ဗုဒ္ဓ၀ါဒကို လက်ကိုင်ထား ကျင့်ကြံကြသော ဗုဒ္ဓဘာသာဝင် သူတော်စင်များအဖို့ မည်သည့်နိုင်ငံသား၊ မည်သည့်လူမျိုး၊ မည်သည့်ပုဂ္ဂိုလ် မည်သူမဆို လူတော်လူကောင်းများ ဖြစ်နေကြပြီးဖြစ်၍ လူဘ၀ကို အရတော်သူ ကံကောင်းသူများ ဖြစ်ခဲ့ကြပါပြီ။

သမိုင်းကြောင်းအရ မြန်မာပြည်ဖွား တိုင်းရင်းသားတို့မှာ သာကီဝင်မင်းသား မြတ်စွာဘုရားနှင့် ဆွေမျိုးရင်းခြာ တော်စပ်ကြသဖြင့် ကံကောင်းပြီးသားအပြင် နောက်ထပ်ကံကောင်းမှုတစ်ခု တိုးလာသည့် မြင့်မြတ်သည့် ကံထူးရှင်များ ဖြစ်လာပါသည်။
မြန်မာနှင့်ဗုဒ္ဓသည် ခွဲခြားမရ။ ဆွေတော်မျိုးတော်များ ဖြစ်ကြသဖြင့် ဗုဒ္ဓ ဘာသနာတော်ကို မြန်မာလူမျိုးတိုင်း ကိုးကွယ်ရေး ၊ မြန်မာမှန်သမျှ ဗုဒ္ဓသာသနာ့ အမွေ ဆက်ခံနိုင်ရေးသည် သမိုင်းပေး တာဝန်ကြီး ဖြစ်လာပါသည်။

မြန်မာနိုင်ငံကို ချစ်သောမြန်မာ လူမျိုးတိုင်း ဗုဒ္ဓဘာသာကို ချစ်ရပါမည်။ မြန်မာကို ကမ္ဘာက လေးစားနေသည်မှာ ဗုဒ္ဓဘာသာကြောင့် ဖြစ်ပါသည်။ မြန်မာနိုင်ငံသည် အကယ်၍ ဘာသာခြား ၀ါဒကြီးများ လွှမ်းမိုးသွားပြီ ဆိုပါက မြန်မာကို ကမ္ဘာက စဉ်းစားစရာ မလိုတော့ပါ။ ထိုထိုဘာသာဝါဒ ထွန်းကားရာ နိုင်ငံများသို့သာ လေ့လာရေး အတွက်ခရီး ဆက်ကြပါလိမ့်မည်။

ဗုဒ္ဓဘာသာ တိုးတက်လေသမျှ မြန်မာနိုင်ငံသည် ဤကမ္ဘာတွင် ဦးစားပေး နေရာ ရနေမည်မှာ မုချဖြစ်ပါသည်။”သာသနာ ကွယ်သောနေ့သည် မြန်မာကွယ်သော နေ့”ဖြစ်နိုင်ပါသည်။ ဗုဒ္ဓသာသနာ နှင့် မြန်မာလူမျိုးသည် အစဉ်ထာဝရ ဒွန်တွဲနေသဖြင့် မြန်မာကို ချစ်သောသူတိုင်း ဗုဒ္ဓဘာသာကို လေးစားရပါမည်။

ဗုဒ္ဓမြတ်စွာဘုရား သက်တော်ရှိတော် မူစဉ်ကတည်းက ဗုဒ္ဓကို မကိုးကွယ်သော အခြားဘာသာတို့ ရှိနေသဖြင့် အားလုံး ဗုဒ္ဓဘာသာဖြစ်ရမည်၊ ဗုဒ္ဓဘာသာသို့ မ၀င်မနေရဟု မဆိုလိုပါ။ မိမိတို့ ကြိုက်နှစ်သက်ရာကို လွတ်လပ်စွာ ကိုးကွယ်ခွင့်တော့ ရှိကြပါသည်။လူ့ဘ၀သည် ရခဲလှပါသည်။ ရခဲလှသည့် လူ့ဘ၀ကို ရသည့်အခိုက်ဝယ် ဗုဒ္ဓဘာသာကို စူးစမ်းလေ့လာ စေလိုပါသည်။ ဗုဒ္ဓဘာသာသည် ပစ္စက္ခ တမလွန် ကြီးပွားချမ်းသာရေးနှင့် သံသရာ ဆင်းရဲဒုက္ခမှ လွတ်မြောက်ရေးအတွက် နည်းပေးလမ်းပြ တိတိကျကျ ဖော်ပြနိုင်သော ဘာသာတစ်ခု ဖြစ်ပါသည်။ ကံကောင်းလှသဖြင့် မြန်မာပြည်တွင် လူဖြစ်ရပြီး ဗုဒ္ဓာသာကို အနီးကပ် လေ့လာခွင့် ရနိုင်သည်ဟု ဆိုနိုင်ပါသည်။ နိုင်ငံရပ်ခြား ဘာသာခြား ဖြစ်နေသူများ အဖို့လေ့လာရန် ခက်ခဲလှပါသည်။ ဗုဒ္ဓဘာသာတွင် လေ့လာရန် ပိဋကပ်များ လေ့လာစူးစမ်းရန် ဆရာများ အနီးဒေသမှာပင် ရှိနေပါသည်။ လေ့လာကြည့်ပြီးမှ ဆုံးဖြစ်ပါမှု ပို၍မှန်ကန် ပါလိမ့်မည်။ လက်တွေ့လေ့လာမှ ကိုယ်တွေ့ အသိပညာမှန် ရနိုင်ပါသည်။

အကယ်၍ ယုံကြည်ရန် မဖြစ်နိုင်ပါဟု ဆိုလျှင် သဘောကျ ကိုးကွယ်နိုင်ပါသည်။ သို့ပါသော်လည်း လူများစု ကိုးကွယ်သော မြန်မာတိုင်း ကိုးကွယ်သော ဗုဒ္ဓဘာသာကိုမှု မဆန့်ကျင်ကြဘဲ မြန်မာပြည်အတွက် မဖြစ်မနေ ဆောင်ရွက်ရမည့် အမျိုးသားရေး တာဝန်တစ်ရပ်အဖြစ် ပါဝင်လက်တွဲ ဆောင်ရွက်ကြရပါမည်။

ဗုဒ္ဓဘာသာ တိုးတက်လာသဖြင့် မည့်သည့်ဘာသာ ၀ါဒတို့ကိုမှ အန္တာရယ် ပေးမည်မဟုတ်ပါ။ ငြိမ်းချမ်းရေး အပြည့်ရှိသော ဘာသာဝါဒ ဖြစ်သဖြင့် မြန်မာ့မြေတွင်နေ မြန်မာ့ရေကိုသောက် မြန်မာ့ဆန်ကိုစား မိမိကိုယ်ကို မြန်မာဟု ခံယူထားသော မျိုးချစ်မြန်မာတိုင်းသည် အမျိုးသားရေး တာဝန်အသွင်ဖြင့် ဗုဒ္ဓဘာသာ ထာဝစဉ် တိုးတက်နေရန် ကာယအား ဥာဏအား ဓနအား ပညာအား စွမ်းပကား အားလုံး စုပေါင်းပြီး အစွမ်းကုန် ဆောင်ရွက်ကြ ရမည်မှာ မြန်မာတိုင်း၏ တာဝန်ဖြစ်ပါသည်။ စည်းကမ်းပျောက်လျှင် လူမျိုးပျောက်သွား လိမ့်မည်။ မြေမျိုသော် လူမျိုးမကုန် လူလူချင်း မျိုပါမှ လူမျိုးတုန်း လိမ့်မည်ဟု စာဆိုလည်း ရှိတယ်နော်။

မိမိတို့ မြန်မာလူမျိုးသည် ကမ္ဘာတည်ဦး လူဟူ၍ ပေါ်ပေါက်သည့် အချိန်ကပင် ပေါ်ပေါက်ခဲ့သည်။ လူမျိုးတစ်ခြား မရောနှောခဲ့။ ရောနှောမှုကိုလည်း လက်မခံခဲ့။ အခြားလူမျိုးများ၏ လွှမ်းမိုးမှုကိုလည်း လက်မခံခဲ့။ အမိမြေကို တကယ်ချစ် မြတ်နိုးလျှင် အသမ္ဘိန္နမှုကို မုချမသွေ လိုက်နာရမည်။ လူမျိုးခြားနှင့် ရောနှောခြင်းသည် မည်သို့ပင် အကြောင်းပြပြ မြန်မာမပီသရာ ရောက်သည်မှာ အမှန်ပင်ဖြစ်သည်။ မြန်မာသာကီဝင် ဟူသည် အမျိုးဂုဏ်ကို ထိန်းသိမ်းစောင့်ရှောက်ရာ၌ ထိပ်တန်းက နေရသော လူမျိုးဖြစ်ရမည်။
*အာဒိစ္စ၀ံသ= အရှေ့တိုင်းသားပီပီ မိမိယဉ်ကျေးမှု အမွေအနှစ် ဇာတိမာန် အမျိုးမာန်ထက်သန် ပြည့်ဝလိုက်နာကြပြီး မိမိလူမျိုးကို ချစ်မြတ်နိုးပါ။
*ခတ္တိယ= မိမိတို့ ပိုင်ဆိုင်သော ရေ၊မြေ၊ တော၊တောင် သဘ၀၊ သယံဇာတ ထာဝရ တိုးတက်အောင် ကြံဆောင်ပြီး အမိနိုင်ငံတော်ကို ချစ်မြတ်နိုးပါ။
*အသမ္ဘိန္န= လူမျိုးခြားသွေး ကင်းပါစေ ဗုဒ္ဓဘာသာ မြန်မာလူမျိုး စစ်စစ်ဖြစ်စေရန် လူမျိုးခြား ဘာသာခြား သွေးမနှောစေဘဲ အမျိုးဘာသာ သာသနာ စိတ်ဓာတ် အပြည့်အ၀ထားပြီး အမျိုးဂုဏ် မြင့်မားရေးနှင့် ယဉ်ကျေးမှု အမွေအနှစ်များ အမျိုးသားရေး လက္ခဏာများကို မပျောက်ပျက်အောင် ထိန်းသိမ်းစောင့်ရှောက်ရေး တာဝန်များသည် သာကီဝင် မြန်မာများ၏ သမိုင်းပေးတာဝန် အမျိုးသားရေး တာဝန်များ ဖြစ်ကြပါသည်။

မြန်မာလူမျိုး ဗုဒ္ဓ၏ သာသနာတော်ကြီး တည်တံ့ထွန်းကား ပြန့်ပွားရေး အတွက်သာသနာ ပြုရသည့် တာဝန်သည် မြန်မာပြည်ဖွား မြန်မာတိုင်းရင်းသား လူမျိုးများ၏ အမျိုးသားရေး တာဝန်ကြီး ဖြစ်ပေသည်။သွေးကပြောသော ဗုဒ္ဓသာသနာ တော်အတွက် သွေးတူသားတူ လူမျိုးတူတို့က အစဉ်ထာဝရ ကြိုးပမ်းလိုက်နာ အားထုတ်ကြမှသာ အဆွေတော်သည် တာဝန်ကျေသော နိုင်ငံသားကောင်း မျိုးချစ်ဘာမထီ အာဇာနည်ခေါ် သာကီမြန်မာ ပီသမည် ဖြစ်သဖြင့် အမျိုး ဘာသာ သာသနာ အတွက် ဦးထိပ်ရွက်ကာ သာသနာ့ရန်စွယ် အန္တရာယ် ဟူသမျှ ကာကွယ်ကြပြီး လောကသံသရာ ချမ်းသာသုခ ပေးဝေငှမည့် ဗုဒ္ဓသာသနာကြီး တိုးတက်စေရန် စိတ်ရည်သန်၍ ရန်သူဆို ဘာမထီ မြင့်မြတ်တဲ့ အာဇာနည် “သာကီမျိုးဟေ့ ဒို့မြန်မာ” ဟုဂုဏ်ယူ ၀င့်ကြွားစွာ ဟစ်ကြွေးပြီး သာသနာပြု သူရဲကောင်း ပုဂ္ဂိုလ်မွန်များ ဖြစ်နိုင်ကြ ပါစေဟု ဆန္ဒပြု ရေးသားလိုက်ပါတယ်။
ကိုးကား ….. ဗုဒ္ဓနှင့် မြန်မာလူမျိုး စာအုပ်မှ။

Monday, February 23, 2009

ဟာသဖြစ်လာတဲ့တစ်ခါတုန်းကဒုက္ခ


တူတော်မောင် တားရေးဂျယ်လီက မက်မက်ကို တစ်ခါကဒုက္ခ အခုတော့ ဟာသ ဆိုတဲ့ ခေါင်းစဉ်နဲ့ တက်ဂ်ထားတာကို ရေးခိုင်းပါတယ်။ အင်း...ဂျယ်လီကျွေးပြီး လက်ထိုးတာလဲ မရပါလားနော်။ ဟင့်...လူဆိုး...။ရေးပေးဆိုတော့လည်း အရင်ကျောင်းသူ ဘ၀လေးက အဖြစ်လေးကို အမှတ်ရ သွားစေခဲ့ပါတယ်။ အမှတ်တရလေးကို ပြန်သတိရအောင် လုပ်ပေးတဲ့ တူတော်မောင် ဂျယ်လီရေ ကျေးဇူးပါ။

ပြောရမယ် ဆိုရင်တော့ မက်မက်တို့ ငယ်ငယ်တုန်း ကပေါ့လေ။ ချော်လဲမှာ အရမ်းကြောက်တတ်တဲ့ ကလေးတစ်ယောက် အိမ်က အဖေ,အစ်ကို,အစ်မတွေက ဘယ်လိုပဲ စက်ဘီးစီး သင်ပေး၊သင်ပေး ဘယ်လိုမှ မတတ်မြောက်ခဲ့ဘူး။ ဒီလိုနဲ့ ရက်တွေလတွေ အလီလီ ပြောင်းလဲခဲ့ပြီး တစ်ခုသော နွေရာသီ ကျောင်းပိတ်ရက်မှာ မွေးရပ်မြေဖြစ်တဲ့ မေမြို့မဟုတ်တဲ့ ပြင်ဦးလွင်မြို့ကို အလည်အပတ် သွားရောက် ခဲ့ပါတယ်။

သိတဲ့အတိုင်းပေါ့ သူများတွေ စက်ဘီလေးတွေနဲ့ လေညင်းခံ ထွက်တဲ့အခါ ကိုယ်ကမစီးတတ်တော့ မြင်းလှည်းလေးနဲ့ တူပျော်ပျော်ပေါ့...အဟား။ အဲဒါကို သိတဲ့ မက်မက်အစ်ကိုက စက်ဘီးစီး သင်ချင်လာတဲ့ မက်မက်ကို ပြင်ဦးလွင်မှာပဲ စက်ဘီးစီး ထပ်သင်ပေး ခဲ့ပါတယ်။ ဒါပေမဲ့ အသားနာမှာ ကြောက်တတ်တဲ့ မက်မက်တစ်ယောက် စက်ဘီးပေါ်က ခဏခဏ ပြုတ်ကျပေမဲ့ မစီးတတ်ခဲ့ဘူး။ ဟင့်... :( ဒါနဲ့ အစ်ကိုကလည်း စိတ်ပျက်တော့ ထပ်မသင် ပေးတော့ဘူး။ အဟီး...စီးချင်ရင် သူ့နောက်ကပဲ ထိုင်စီးခဲ့ ရတော့တာပေါ့ :)

အဲဒီကမှ တစ်ဆင့် မန္တလေး အိမ်မှာလည်း သွားနေခဲ့ ပါသေးတယ်။ သိတဲ့အတိုင်း ကိုယ်ကလည်း ကလေးမဟုတ်လား။ ကိုယ့်ပတ်ဝန်းကျင် အိမ်နားက ကလေးက အိမ်ကို အမြဲစက်ဘီးစီးပြီး ရောက်ရောက်လာတယ်။ ကိုယ်ကလည်း စက်ဘီးနဲ့ အပြင်ထွက် လည်ချင်ရင် အဲဒီကလေးကပဲ ကိုယ့်ကို တင်ခေါ်သွား ပေးရတာပေါ့နော့်။ သိတဲ့အတိုင်း စက်ဘီးမြို့တော်မှာ ကလေးက ကိုယ့်ကိုနောက်ခုံ ကနေပြန်တင် စီးသွားတော့ ကိုယ်ကလည်း ကလေးလောက်တောင် ငါအသုံး မကျပါလားလို့ ထင်ပြီး စက်ဘီးစီး ထပ်သင်ချင်တဲ့ စိတ်လေးပြန် ဖြစ်လာပါတယ်။

ဒါနဲ့ အဲဒီကလေးကိုပဲ စက်ဘီးစီး သင်ပေးဖို့ ပြောရတော့တာပေါ့။ ကဲ..စပါပြီ..ဆရာမ ပေါက်စလေးရဲ့ အစွမ်း။ ဟဲဟဲ...မမ စက်ဘီးစီး သင်ရင် အရင်ဆုံး ဂျောက်ဂျက်ကနေ သင်ရတယ် မမရ ဆိုပြီး မက်မက်ကို သင်ပေးခဲ့ပါတယ်။ အဲဒီမှာ ဆရာကောင်းတပည့် ပန်းကောင်းပန် ဆိုသလို တစ်နေ့ထဲနဲ့ စီးတတ်သွား ခဲ့တယ်လေ။

ကိုယ့်ကိုပညာ သင်ပေးရင် ဆရာဆိုတာ အသက်ကြီးသည် ငယ်သည် မဟုတ်နော်၊ ကိုယ့်ရဲ့ဆရာ ဖြစ်ထိုက်တယ်။ မမေ့အပ်ပါဘူး။ မက်မက်ကို စက်ဘီးစီး သင်ပေးတာ အသက်အားဖြင့် ၈နှစ်လောက်ပဲ ရှိတဲ့ကလေးပါ။ သူ့ကို ယနေ့အထိ မေ့မရပါဘူး။ အသက်ငယ်ငယ် ကလေးတစ်ယောက်က ကိုယ့်ကိုပြန် သင်ပေးတာပါ။ ယနေ့အထိ သူ့ကိုကျေးဇူး တင်နေပါတယ်။ ယနေ့အချိန်ထိ မန္တလေး ရောက်ရင်လည်း သူ့ကို ရှာပါတယ်။ ဒါပေမယ့် သူ့ကို မတွေ့တော့ပါဘူး။ အခုဆို သူလည်း တော်တော် အရွယ်ရောက် နေရောပေါ့။ :)

ဟီး..ဟီး..အဲဒီတုန်းကဆို အရမ်းပျော်တာ ပဲသိလား။ ငါစက်ဘီးစီး တတ်သွားပြီကွ ဆိုပြီးတော့….ဟားဟား။ ကဲ…နောက်နေ့က စပြီး စပြီပေါ့။ အိမ်ကို လုံးဝ မကပ်တော့ဘူး။ ဟို….မျောက်ပန်းသီး စားရသလိုမျိုးပေါ့၊(အုန်းသီး မကြိုက်လို့ :P) တစ်ချက်မှကို အငြိမ်ကို မနေတော့တာ။ တစ်နေကုန် မိုးလင်းထဲက အပြင်စက်ဘီးစီး ထွက်တော့တာပဲ။

မန္တလေးမြို့ ရဲ့နေဆိုတာ အင်မတန် ပူတာနော်။ ဒါကိုတောင် ဂရုမစိုက် အပြင်ထွက် လမ်းသလားနေတော့ ဟို သီချင်းထဲ ကလိုမျိုးပေါ့ ဆရာနန်းတော်ရှေ့ ဆရာတင် ရေးတာလေ...ဘာတဲ့...~~~ကြံကြံဖန်ဖန်~~~~ရန်ကုန်သူ~~~~မန္တလာဒွင်းတို့~~ရန်ကုန်~~~သူ ~~မန္တလေး သွားလို့ အသားမည်း ပြန်သတဲ့သူ~~~အဲလိုကို ဖြစ်သွားတာ။ ဟိ...ဟိ.. ဒီလိုနဲ့ ကျောင်းဖွင့်ရက် ရန်ကုန်ကို ပြန်ရပါပြီ....


ရန်ကုန်ရောက်တော့ အိမ်ကလူကြီးတွေက စက်ဘီးထွက် စီးမယ်ဆိုရင် လုံးဝကိုမကြိုက် ၊ စ်ိတ်လည်းမချ။ ကားတွေ တ၀ှီဝှီနဲ့ဆိုတော့ ထွက်မစီးနဲ့ ဘာနဲ့ ညာနဲ့ပေါ့။ သွားချင်ရင် လမ်းလျှောက်သွားတဲ့၊ ဒါမှ မဟုတ်ရင် ဆိုက်ကားစီးသွားတဲ့။ ဟင့်.. :( အစ်ကိုတွေ စီးမှ သူတို့နောက်က လိုက်စီးတဲ့။ ဟင့်..ဟင့်….အဲ့လိုမျိုးကို ချုပ်ချုယ်တာလေ။ သိတဲ့အတိုင်းဘဲ စီးချင်ရင်တော့ အစ်ကိုတွေနဲ့ လိုက်သွားတယ် ပြီးရင်သူတို့စီက စက်ဘီးကို ယူပြီးလစ် တော့တာပဲ။

သူတို့ကလည်း လက္ဖက်ရည် ဆိုင်ထိုင်။ စော်ငေးပေါ့...ဟီး… :P ။ ကိုယ်ကလည်း အလယ်တန်း ကျောင်းသူ ဒီလိုလုပ်လို့ ဘယ်ရမလဲနော့်၊ ပျင်းသေးတယ် ပျင်းသေးတယ်...ဟေ့...ပျင်းတောင်ပျင်းသေးတယ်...ဟဲဟဲ...လူကြီးတွေ အရှေ့မှာတော့ မစီးဘူးပေါ့။ သိတယ်မလား၊ ဟဲဟဲ...သယ်ရင်းတွေ ရှိတယ်လေနော်။ သူတို့စက်ဘီးကို စီးတာပေါ့နော့်။

စက်ဘီးစီး တတ်သွားတော့ လမ်းလျှောက်ရမှာကို တော်တော်ဝန် လေးတာလေ။ လမ်းထိပ်နဲ့ လမ်းထဲတောင် လမ်းမလျှောက်သွား ချင်တော့ဘူး။ နေရာတကာ စက်ဘီးလေးနဲ့ပဲ လွင့်ချင်တော့တာ။ အိမ်က လူကြီးတွေက ကိုယ့်ကိုနဲနဲ ခိုင်းလိုက်ရင် စက်ဘီးနဲ့ဆို သွားပေးမယ်။ မဟုတ်ရင် မသွားဘူး ဆိုတော့ နဂိုထဲက စိတ်မချတတ်တဲ့ လူကြီးတွေက လုံးဝကို မခိုင်းတော့ဘူး....ဟီး..ဟီး..အေးရောပဲ.. : P

လူကြီးတွေ ရှေ့မှာတော့ အစ်ကိုတွေနဲ့ အိမ်ကနေ ထွက်သွားတယ်။ ပြီးရင် သူတို့ဆီက Pheasant ဘီးကိုယူပြီး ပေ၁၀၀ လမ်းမပေါ် ကိုယ်တစ်ယောက်ထဲ အစီးကျင့် တော့တာပေါ့။ ဒီလိုနဲ့ တစ်နေ့ ဇာတ်လမ်းက စပါပြီ စာမေးပွဲနား နီးလို့ ကျူရှင်ကနေ အချိန်ပို ခေါ်သင်တဲ့နေ့ မနက်ပိုင်းကပေါ့ အတန်းပြီးလို့ သယ်ရင်းတွေ နဲ့အိမ်ကို လမ်းလျှောက်ပြီး အပြန်မှာ မက်မက်ရဲ့ အစ်ကိုနဲ့ သူငယ်ချင်း တစ်စုကို ကောင်စီရုံး ဘေးမှာ ဖွင့်ထားတဲ့ လက္ဖက်ရည်ဆိုင်မှာ တွေ့လိုက်တယ်။ သူတို့ဘေးမှာလဲ စက်ဘီးတစ်စီး ကိုတွေ့တော့ ပျော်သွားတယ်လေ။ အဲဒီမှာ အစ်ကိုဆီကို သွားပြီး သူ့သူငယ်ချင်းဆီက စက်ဘီးကို ယူနင်းတော့တာပေါ့။

ဘီးလေးက သုံးလေးချက်ပဲ နင်းရသေးတယ် ပြသနာက စပြီ။ Pheasantဘီးပဲ စီးတတ်ခါစပဲ ရှိသေးတဲ့ မက်မက်တစ်ယောက် အစ်ကိုသူငယ်ချင်းရဲ့ Mountain Bikes ကိုမစီးတတ်ဘူးဗျ။ စက်ဘီးပေါ် တတ်ပြီး နှစ်ချက်၊ သုံးချက်ပဲ နင်းရသေးတယ် ဟန်ချက်မညီ စက်ဘီးကို မထိန်းနိုင်တော့ Handelက လည်ထွက်သွားပြီး အောက်ကိုပြုတ်ကျ သွားပါတယ်။ ပြုတ်ကျတာကလည်း အကျကောင်းလေ သိလား။

အဲဒီ ကောင်စီရုံး အရှေ့နားမှာ ကြက်သားတို့ ကြက်ခြေထောက်တို့ တုတ်ထိုးလုပ် ရောင်းနေတဲ့ ဗိုက်ကြီးသည် အဒေါ်ကြီးဆိုင်ကို ၀င်တိုက်တာပါ။ အဲဒီမှာ သူ့ဆိုင်ကို လာပြီး အားရပါးရ လာထိုင်စားနေတဲ့ သူကလည်း ဗိုက်ကြီးသည်ပါပဲ။ အဲ...နောက်ပြီး သူတို့ဘေးမှာ ၅နှစ် အရွယ် ၆နှစ်အရွယ် ကလေး နှစ်ယောက်လောက်ရှိမယ်။ ဆိုင်ရှင်အဒေါ်ကြီးရဲ့ ယောက်ျားကတော့ အနောက်ဘက်မှာပါ။

စက်ဘီးပေါ် ပြုတ်ကျတာကလည်း အဆန်းသား။ ရှေ့ဘီးက ဆိုင်ရှင်ဗိုက်ကြီးသည် အပေါ်မှာ ရောက်သွားတယ်။ စက်ဘီးနောက်ဘီးက သူရောင်းနေတဲ့ တုတ်ထိုးဗန်းကို လမ်းမပေါ် တစ်စစီ ဖြန့်ချလိုက်တယ်။ အဲ..မက်မက်ကတော့ စားသုံးသူ ဗိုက်ကြီးသည်ရဲ့ ပေါင်ပေါ်မှာ ထိုင်ရက်လေးနဲ့….အဟီး….လက်ကလည်း သူ့ဗိုက်ကို ထောက်မိထားသလို ဖြစ်သွားတယ်။ ကိုယ်ကပဲ ကံကောင်းတာလား ၊ သူတို့ကပဲ ကံဆိုးတာလားတော့ မသိဘူးလေနော်။ ဟတ်ဟတ် ... :P

လူအားလုံးကလည်း ကြောင်ကုန်တာပေါ့။ မထင်ထားတဲ့ ဖြစ်ရပ်လေးလေ။ အဲဒီမှာ လက္ဖက်ရည် ဆိုင်ထဲက အစ်ကိုနဲ့ သူငယ်ချင်းတွေ အကုန်ထွက် လာကြတယ်။ ဗိုက်ကြီးသည် အဒေါ်ကိုလည်း မှောက်သွားတဲ့ ကြက်သားတုတ်ထိုး တွေကိုလည်း ပြန်လျှော်ပေးပါ့မယ် ဆိုပြီးတော့ တောင်းပန်တာပေါ့၊ ပိုင်ရှင်အဒေါ်ကြီးနဲ့ သူ့ယျောင်္ားကတော့ ရတယ် ရတယ် မလျှော်နဲ့ ဘာမှမဖြစ်ဘူး ကိစ္စမရှိဘူးဆိုပြီး ကျောင်းသားတွေကို သနားတာပေါ့။ ကိုယ်ကလည်း တမင်လုပ်တာမှ မဟုတ်တာနော်။ အက်စီးဒင့် ဖြစ်သွားတာပါ။

အဲ....အဲဒီမှာဗျာ အပေါက်ဆိုးဆိုးနဲ့ ထိုင်စားနေတဲ့ ဗိုက်ကြီးသည်က လျှော်ရင်လည်း နဲနဲနဲ့ ပေးလို့ မရဘူး။ အထဲက ကလေး တစ်ခုခု ဖြစ်သွားရင် နင်တို့တော့ မလွယ်ဘူး ဘာဖြစ်တယ် ညာဖြစ်တယ်နဲ့ ရန်လုပ်တာကို ခံရတာပေါ့။ ကိုယ်တွေကလည်း သူမပြောလဲ သိတတ်ပါတယ်။လျှော်ပေးမှာ ပါပဲနော်။ ကိုယ့်ကို အပြစ်မယူဘဲ အားပြန်နာနေတဲ့ အဒေါ်ကြီးကို ကိုယ်ကလည်း သနားတော့ အဲဒီအချိန် ခေတ်တုန်းက ငွေ၅၀၀၀ ပေးခဲ့လိုက်ပါတယ်။ အစ်ကိုက ပိုက်ဆံ ပေးအပြီးမှာ မရဲတရဲနဲ့ မက်မက်တစ်ယောက်ထဲ အိမ်ကို ပြန်လာခဲ့ ရတာပေါ့။

စိတ်ထဲမှာတော့ အိမ်ကသိ သွားမှာကို လုံးဝကို လန့်နေတာ ။အစ်ကိုက အိမ်ကိုပြန်တိုင်ရင် မက်မက်ပဲ အရိုက်ခံ ရမှာလေ။ ပြီးတော့ ပတ်ဝန်းကျင်က လူတွေကလည်း မက်မက်စက်ဘီးမှောက်တာ မြင်တဲ့သူ ကြားတဲ့သူ ရှိတယ်လေ။ ကိုယ်ကအိမ်ကို မရောက်သေးဘူး ကိုယ့်သတင်းက ပေါက်ကြားပြီး အိမ်ကိုရောက်နေမှာ စိုးရိမ်ရတာပေါ့။ သူတို့သာ သိရင် အဆူခံ အရိုက်ခံ ရမှာလေ။ ဇောချွေးတွေကလည်း ပြန်နေပြီ။ တိုက်မိတာက သာမာန်လူတွေကို မဟုတ်ဘူး။ အဟီး..... ဗိုက်ကြီးသည် နှစ်ယောက်ကိုမှ တိုက်မိတာ။

အဲ.....ဒါကြောင့် အရိုက်ခံ အဆူခံ ရတော့မယ်ဆိုရင် ငယ်ငယ်ဘ၀ ကျောင်းသူ/ကျောင်းသား ကလေးလေးတွေရဲ့ အကျင့်အတိုင်း မြက်ပင်ကိုနှုတ် လက်ထဲမှာ ဆောင်ထားရင် အရိုက်ခံရတာ လွတ်တယ်လို့ ဘယ်စာဆိုထဲက မှန်းမသိတဲ့ အကျင့်အတိုင်း လုပ်သွားပြီး အိမ်ကိုပြန်ပါတယ်။ ဟီး.....ကံကောင်းချင်တော့ အိမ်ကို မန္တလေးက ဘုန်းကြီးကြွ နေတာနဲ့ တိုးတော့တာပေါ့။လူကြီးတွေလည်း ဘုန်းကြီးကို ဧည့်ခံနေရတော့ မက်မက်ကို လုံးဝမေ့ သွားသလို ဖြစ်နေတာ။နောက်တော့ ပြသနာက အေးသွားတော့ သူတို့လည်း ကိုယ့်ကို ဘယ်ဆူလို့ ကောင်းတော့မှာလဲနော်...အဟီး.... :)

ကဲ….ဗျာ….အဖြစ်လေးကတော့ အဲဒါပါပဲ။ ကလေးအတွေးနဲ့ ကျောင်းသား ကျောင်းသူတို့ရဲ့ ထုံးစံအတိုင်း မြက်ပင်ကိုဆောင်လို့ပဲ အရိုက်ခံ အဆူခံ ရခြင်းက လွတ်တာလား? ဒါမှမဟုတ် အိမ်ကို ဘုန်းကြီးဧည့်သည် ကြွနေတာကြောင့် လွတ်တာလား? ဒါတွေကို ပြန်ပြောင်းစဉ်းစားမိတော့ တစ်ချိန်က ဇောချွေးပြန်ပြီး ကြောက်ခဲ့ရတဲ့ ဒုက္ခက အခုတော့ ရယ်စရာ ဟာသအမှတ်တရ အဖြစ်လေးပေါ့လေ။

ကဲ... အခုလို အစအဆုံး ဖြစ်ပေးတာ ကျေးဇူးတင်ပါတယ်။ ကိုယ့်ရဲ့ အဖြစ်မှန်လေး တွေကိုလည်း ဟာသအဖြစ် ပြန်လည် တင်ဆက်ခွင့် ပေးလိုက်တဲ့ တူတော်မောင် ဂျယ်လီကိုလည်း ကျေးဇူးတင်ပါတယ်။ ကဲ…. တားတားရေး ဂျယ်လီရေ ဒီတက်ဂ်ပို့စ် ကိုဂျယ်လီလေး စားရင်း ကျေနပ်တော့နော့်။

Saturday, February 21, 2009

*အပြစ်လား*


ခင်ရုံပါဆိုပြီး

ရင်ခုန်စရာ တွေကိုဘာလို့ တွေးတာလဲ။

ရိုးရိုးသိယုံပါဆိုလဲ

ခိုးခိုးကြည့်နေစရာလားလို့  ။

ဖုံးဖိနေတာကို

အပြုံးအကြည့်တွေက သက်သေဘဲပေါ့။

အကြင်နာမပိုသေးရင်လဲ

အရင်လိုလေးပဲ ဆက်ဆံကြတာပေါ့။

တမင်တကာရှေ့ ဆက်တိုးလို့ 

ရင်ထဲမှာ ဒိုးဒိုးဒုတ်ဒုတ်ဖြစ်လာရင်တော့

တို့ အပြစ်မဟုတ်ပါဘူးနော်--------။
အဟား…. ဘယ်လိုလဲ ကဗျာလေးက လန်းတယ်နော်.. ..အထင်တွေ မကြီးနဲ့ မက်မက်ရေးတာ မဟုတ်ဘူး။: P ဒီကဗျာကို ရေးသားသူ အစစ်က မောင်မြတ်ပါ။ မက်မက်ရဲ့ ဘလော့ပေါ်မှာ တင်ခိုင်းတာပါ။ အားပေးလိုက် ပါဦးနော်။ စာရေးသူ အသစ်ကို … အဟီး… ရွှီး..ဖြောင်း…ဖြောင်း…တော်တယ်ဟေ့.... :P

Friday, February 20, 2009

ပရမတ္ဘအမှန်တရား(အပိုင်း-၂)

တီဒွင်း ပြောတဲ့ ကြောက်စရာ မရှိတာကို သိပြီး မကြောက်တတ် တဲ့စိတ်ဟာ ရဲရင့်တဲ့ စိတ်ပဲ ဆိုတာကို နားမလည်ဘူး တီဒွင်းရေ။ မက်မက်ကို ရှင်းပြပါဦး။

ဒီလိုသမီးရဲ့။ ဥပမာ ပြောရမယ်ဆိုရင် တီဒွင်းတို့ အပါအ၀င် လူအားလုံးက ကလေးဘ၀မှာ လူကြီးတွေက ကလေးတွေ အိပ်ချိန်တန် မအိပ်သေးရင် ဘာပြောလဲ။ ဒေဝေါကြီး လာကိုက်လိမ့်မယ်၊ ဖြူဖြူကြီး မဲမဲကြီးတွေ လာနေပြီး မြန်မြန်အိပ်တော့ ဆိုပြီး ချောက်လှန့်ပြီး ကလေးတွေကို သိပ်ကြတယ်လေ။

ဒါကိုပဲ ကလေးအရွယ် မှာဘာမှန်း၊ ညာမှန်း၊ မသိဘဲ ဒေဝေါတွေ ဖြူဖြူကြီး၊ မဲမဲကြီးတွေ ဆိုတာ ကြောက်စရာ ဆိုတဲ့ အသိနဲ့ ရောယောင်ပြီး ကိုယ့်အထင်မှားနဲ့ ကိုယ်ထိတ်လန့် နေရတာ ကြောက်နေရတာ မဟုတ်လား။ အဲ့လို အရင်တုန်းက ကြောက်စရာ မရှိတာကို ကိုယ့်အတ္တနဲ့ကိုယ် ပြန်လှည့်စားပြီး ကြောက်နေခဲ့ ကြတာလေ။

ဖြူဖြူကြီးတွေ မဲမဲကြီးတွေ ဆိုတာတကယ် ရှိတာလည်း မဟုတ်ဘဲ တကယ်မြင်လိုက် သိလိုက်တာလည်း မဟုတ်ဘဲ ကိုယ့်အထင်မှားနဲ့ ကိုယ်ဖန်းဆင်း လက်ခံထားတဲ့ အစွဲသိနဲ့ ကိုယ်ဟာကိုယ် ပြန်ကြောက်လှန့် နေရတာ မဟုတ်လား။

ဟော..အသက်တွေ ကြီးလာလို့ ဖြူဖြူကြီးတွေ မဲမဲကြီး တွေဆိုတာ ဘာမှ မဟုတ်မှန်း တကယ်တမ်း သိလာတော့ မကြောက်တော့ဘူးပေါ့။ တကယ်တော့ ကိုယ့်ကိုကိုယ် ဒုက္ခပေးနေတာ အဲ့ဒီ ဖြူဖြူတွေ မဲမဲတွေ မဟုတ်ဘူး သမီး။အဲ့ဒီ ဖြူဖြူကြီး မဲမဲကြီးတွေ မရှိတာကို ရှိတယ်လို့ ထင်နေတဲ့ ကိုယ့်ရဲ့အယူမှား၊ အမှတ်မှား၊ အသိမှားက ကိုယ့်ကိုပြန်ပြီး ဒုက္ခပေး နေတာပါ။

လူတွေဟာ အဲ့လို မရှိတာကို အရှိလုပ်လို့ ပူလောင်ရတာ။ဝေဒနာတွေ ဖြစ်ရတာပါ။ဒါကြောင့် ဆရာတော်ကလည်း ဘာရောဂါ ညာရောဂါ ဘာဖြစ်တယ် ညာဖြစ်တယ် ဆိုတာတွေကို လက်မခံဘဲ ကိုယ့်ကိုကိုယ် ရောဂါသည်အဖြစ် ခံယူထားတဲ့ အစွဲကို စွန့်ရမှာ လို့ပြောသာ အကြောင်းမဲ့ ပြောတာမဟုတ်ဘူး သမီး။ တကယ်မရှိလို့ မရှိဘူး ပြောတာပါ။

တကယ့် ပရမတ် အမှန်တရားမှာ စိတ်၊ စေတသိက်၊ ရုပ် တွေပဲရှိတယ် လူတွေ သတ္တ၀ါတွေ အိုးအိမ်တွေ ဘာရောဂါ ညာရောဂါ၊ ဘယ်မြို့ ဘယ်နေရာ ဘယ်နိုင်ငံ ၊ ဘယ်နှစ် ဘယ်လ ဘယ်ရက် လို့ဆိုတဲ့ ပညတ်ချက် တွေမဟုတ်ဘူး။ ရုပ်တွေ ဖောက်ပြန်ပျက်စီးတယ် ဆိုတာလည်း အကောင်အထည် လိုက်ဖြစ်ပြီး အကောင်အထည် လိုက် ချုပ်ပျောက် သွားတာမျိုး မဟုတ်ဘူးနော်။

သဘောလေး သက်သက် ဖြစ်ရုံဆိုရုံလေ သက်သက်ပဲ ဖြစ်နေတဲ့ ဓာတ်ကြီးလေးပါး စွမ်းအင်သတ္တိလေး အနေနဲ့ ဖောက်ပြန်ပျက်စီး နေတာကို ရုပ်လို့ ခေါ်တာ သမီးလေးရ။အဲ့ဒါကို မသိဘဲ ခန္ဓာကိုယ်ကြီး ရှိနေတယ်ထင်လို့ ညောင်းတာ ကိုက်တာ နာတာ ကျဉ်တာ တွေရှိတယ်လို့ ထင်နေတာ၊ တကယ်နာတာ ကျဉ်တာ ညောင်းတာ ကိုက်တာတွေ မဟုတ်ဘဲ နာတယ်၊ ကျဉ်တယ်လို့ ထင်ရလောက်အောင် ဓာတ်တခုခုက လွန်ကဲ ဖောက်ပြန်နေ နေတဲ့ ဓာတ်ကြီးလေးပါး စွမ်းအင်သတ္တိ အစုအဝေးလေး ပေါ်လာတာပါ သမီး။

နာတာကို စွဲနေရင် နာလိုက်တာနဲ့ နာလို့ ကိုဆုံးမှာ မဟုတ်ဘူး။ အစက တည်းကိုက တရစပ် ဖောက်ပြန်နေတာ အခုမှ ထူးခြားပြီး ဖောက်ပြန်လာတာ မဟုတ်ဘူးလေ။ ကိုယ့်အထင်မှားနဲ့ ကိုယ်ပြန်ပြီး မရှိတာကို အရှိလုပ်လို့ ဒုက္ခရောက်နေတာ။

တရစပ် ဖောက်ပြန်နေတဲ့ ဓာတ်ကြီးလေးပါးက ဖောက်ပြန်ရုံ လေးပါပဲ။ အဲ့ဒါကတော့ အတိတ်ဘ၀က အ၀ိဇ္ဇာ တဏှာနဲ့ ပြုလုပ်ခဲ့တဲ့ အကြောင်းတရား တွေကြောင့် အကျိုးတရား ဒုက္ခသစ္စာတွေပါ။ ကိုယ်ကရှောင် လွဲချင်လို့မှ မရတာ။ အဲ့ဒီ ဒုက္ခသစ္စာ အပေါ်မှာပဲ တငါ၊ ငါနဲ့ ဆက်သိမ်းပိုက်နေရင် အနာဂတ်မှာလဲ ဒီအကျိုးတရား ဒုက္ခသစ္စာက ဆက်ရလာဦး မှာပဲလေ။

အနတ္တကို အတ္တထင်ပြီး လိုက်ပြီးပြုပြင် ချယ်လှယ်နေရင် သင်္ခါရ အသစ်ထပ်လုပ် နေသလိုဖြစ်ပြီး ဖောက်ပြန်မှုတွေက ဖောက်ပြန်လို့ မဆုံးဖြစ်နေတာ။ မရှိတာကို အရှိလုပ်ပြီး လိုက်ခံစား နေလို့ကတော့ သမီးရေ ခံစားလို့ကို ဆုံးမှာ မဟုတ်ဘူး။ ငါရှိတယ် ထင်နေလို့ ငါပူရတာလေ။ ငါမရှိရင် ငါမပူရတော့ဘူး။ ငါလည်း မဟုတ်ဘူး ၊ သူလည်း မဟုတ်ဘူး ။ နင်လည်းမဟုတ်ဘူး။ ရောဂါလည်း မဟုတ်ဘူးလို့ အမှန်တရားလေးကို အားကိုးပြီး ဥာဏ်နဲ့ကြည့်လိုက် သမီး။

ရောဂါကို လက်ခံပြီး ကုသနေရင် ကုသလို့ကို ဆုံးမှာမဟုတ်ဘူးလေ။ ကုသတိုင်းသာ ပျောက်နေရင် ဆေးရုံတို့ ဆေးခန်းတို့ ဘယ်မှာ ရှိတော့မလဲ သမီးရယ်၊ ဟုတ်တယ်နော်။ ဖျားတယ်ဆိုတာ အဖျားပျောက်ဖို့ အတွက် ဖျားနေရတာ၊ ကောင်းနေတယ် ဆိုတာကလည်း ဆိုးမှာမို့လို့ ကောင်းနေတာ ။ဒါတွေက ဘာတွေလဲ ဆိုတော့ မတည်မြဲတဲ့ ပညတ်ချက်တွေ။ အစကတည်းက ကောင်းတယ်၊ ဆိုးတယ်၊ ဖျားတယ်၊ နာတယ်ဆိုတာ တကယ်မှ မရှိဘဲလေ၊ သင်္ခါရတရား ဖြစ်ရုံလေး ဖြစ်နေတာမလား။

ဟင်... ဒါဆို ပညတ်နဲ့ ပရမတ်တို့ကြောင့် ရလာတဲ့ အကျိုးလေးတွေကို ဘယ်လို ကွဲပြားအောင် သိရမလဲ တီတီဒွင်း။

အင်း...ဒီလိုရှိတယ် သမီးရဲ့။ ဥပမာပေါ့။ ငရုပ်သီးကို စပ်တယ်လို့ လက်ခံထား သူတွေအတွက် စပ်တယ် ဆိုတာလည်း ရှိနေမှာပဲ။ စပ်တယ်လို့ ထင်ရတဲ့ ပရမတ်(အမှန်တရား)လေးကိုပဲ ကောင်းတယ်လို့ လက်ခံထားတဲ့ သူတွေအတွက် ငရုပ်သီးဆိုတဲ့ သတ်မှက်ချက်(ပညတ်) အပေါ်မှာ နှစ်သက်တဲ့ သူအတွက် လောဘဖြစ်မယ်။ မကောင်းဘူးလို့ လက်ခံထားသူတွေ အတွက် ဒေါသဖြစ်မယ်။ တကယ်ဆို စပ်တယ်ဆိုတဲ့ သတ်မှတ်ချက်လေး တကယ်ကောင်းနေရင် လူအားလုံးအတွက် ကောင်းနေရမှာပေါ့။ ဟုတ်တယ်မလား သမီး။

ဒါကြောင့် တကယ်မဟုတ်တဲ့ သတ်မှတ်ချက် အပေါ်မှာ မစွဲပါနဲ့ သမီး။ အတ္တနဲ့ သိနေတာမှန်သမျှ အကုန်အမှားပဲ။ ဘယ်နေ့၊ ဘယ်ရက်လို့ သိနေတာတွေ၊ ဘယ်အချိန်၊ ဘယ်အခါလို့ သိနေတာတွေ ဘယ်နေရာ၊ ဘယ်ဒေသလုိ့ သိနေတာတွေ။ ဘယ်သူ၊ ဘယ်ဝါလို့ သိနေတာတွေ၊ ဘာပဲ၊ ညာပဲလို့ သိနေတာတွေက ဘယ်အရာမှ တကယ်မှန်တာ မဟုတ်ဘူးသမီး။ အဲ့ဒါတွေက သတ်မှတ်ချက်တွေ ပညတ်တွေပါ၊ ပညတ်တွေတာ သစ္စာဆိုက်တဲ့ အမှန်တရား တွေဆိုရင် အားလုံးအတွက် မှန်ကန်နေ ရမှာပေ့ါနော်။

ဟင်.....ဒါဆိုတီဒွင်း.....တကယ့် ပရမတ်မှာ တစ်ခုခု၊ တစ်နေရာရာ၊ တစ်ချိန်ချိန် ဆိုတာတွေ မရှိဘူးပေါ့ ဟုတ်လား တီတီဒွင်း။

ဟုတ်တယ်သမီး။မရှိဘူး။

ဘယ်လို့လဲ ဆိုတာ သမီးကို ရှင်းပြ။

မျက်စိတစ်မှိတ် အတွင်းမှာ ကုဋေပေါင်းများစွာ ဖြစ်ချုပ်နေ ပါတယ်ဆိုနေမှ ဘယ်ဟာကို အချိန်လို့ သတ်မှတ် နေမှာလဲ သမီးလေး။ တရစပ် ဖြစ်ချုပ် နေတယ် ဆိုတာတောင် ရှေ့က ချုပ်သွားတာနဲ့ နောက်က ချုပ်သွားတာက အမြဲအကျိုး ပြုနေတယ်။ တကယ့် ပရမတ် အမှန်တရားမှာ အတိတ် ဆိုတာလည်း မရှိဘူး အနာဂတ် ဆိုတာလည်း မရှိဘူးသမီး။ ပစ္စုပ္ပုန်ဖြစ်ဆဲ ခန္ဓာပဲရှိတယ်။ အဲဒီ ပစ္စပ္ပုန်ခန္ဓာ ဆိုတာဟာလည်း ချုပ်ပျောက် သွားတာနဲ့ အတိတ်အဖြစ် ကူးပြောင်းသွား တာမျိုးလဲ မဟုတ်ဘူးနော် သမီး။

ဘယ်လိုမျိုးများလဲ တီတီဒွင်း၊ မက်မက် သိပ်နားမလည်ဘူး ။ရှင်းပြပါဦး။

ဒီလိုသမီးရေ။ ဥပမာပေါ့ ငြိမ်သက်နေတဲ့ ကန်ရေပြင်ပေါ်ကို သမီးက ခဲလုံးတစ်လုံး ပစ်ပေါက်လိုက်လို့ ပွက်သွားတဲ့ ရေပွက် လေးလိုပေါ့။ ပွက်တယ် ဆိုရုံလေး ပွက်ပြီး ချုပ်ပျောက်သွားတာ။ ရေပြင်ကြီးနဲ့ တစ်သားတည်း ဖြစ်သွားတာ၊ ဘယ်ဟာက အတိတ်က ရေပွက်လည်းလို့ ပြန်ရှာလို့မရ သလိုမျိုးပေါ့။ အတိတ် တုန်းကလည်း ဒီရေပွက်ပဲ ပစ္စပ္ပုန်မှာလည်း ဒီရေပွက်ပဲ အနာဂတ် မှာလည်း ဒီလိုရေပွက်ပဲ ပွက်မှာပဲ။

ဘာမှ အနှစ်သာရ မရှိဘဲ ဘာမှလည်း ဆုပ်ကိုင်ပြလို့ မရဘဲ ဖြစ်တယ် ဆိုရုံလေး ဖြစ်ပြီး ချုပ်ပျောက်သွားတာ အတိတ်တွေ ပစ္စပ္ပုန်တွေ အနာဂတ် ဆိုတာတွေ အနေနဲ့ ရှိတာမျိုး မဟုတ်ဘူး။ ဖြစ်ဆဲဖြစ်ဆဲ သဘောလေး တွေပဲရှိတာပါ။

အဲ့ဒါကိုပဲ လူတွေက အချိန်ရှိတယ်လို့ မှတ်ယူပြီး ငါကအသက်ကြီးပြီ၊ ငါ့အသက် ဘယ်လောက်ရှိပြီ ဆိုပြီး မရှိတဲ့ အချိန်ကို အရှိ လုပ်နေကြတယ်။ ငါ့မွေးနေ့က ဘယ်နေ့ ဆိုပြိး အမှားသိကို စွဲနေကြတယ်။ တကယ့် အမှန်တရားမှာ အချိန်တိုင်း အချိန်တိုင်းက ကိုယ့်ရဲ့ မွေးနေ့ဆိုလည်း ဟုတ်တယ်။ သေနေ့ဆိုလည်း ဟုတ်တယ်သမီး၊ အချိန်တိုင်း၊ အချိန်တိုင်း ဖောက်ပြန်ပျက်စီး နေတာလေးပါ။ အသစ်၊ အသစ်တွေက ပြန်ပြီးအစား ထိုးနေတာ။

အဆောက်အဦးတစ်ခု (ဓာတ်ကြီးလေးပါး)ကို လူတွေနေရင် အိမ်ပေါ့၊ ဘုန်းကြီးတွေ နေတော့ ဘုန်းကြီးကျောင်း၊ ကလေးတွေ စာသင်ရင် စာသင်ကျောင်း လူနာတွေ ဆေးကုသခံနေရင် ဆေးရုံ၊ တရားအားထုတ်ရင် ရိပ်သာ၊ အမျိုးမျိုး သတ်မှတ်လို့ ရတယ်မဟုတ်လား သမီး။ အဲ့လို ဘာမှ မဟုတ်လို့ ဘာမဆို အကုန်ဟုတ်လို့ ရတာ ။ မြင့်မြတ်တဲ့ နေရာ နိမ့်ကျတဲ့ နေရာလို့ ကွဲပြားနေတာ မဟုတ်ဘူး သမီး၊ သတ်မှတ်ချက် (ပညတ်)တွေကြောင့် တစ်ခု တစ်ယောက် တစ်ချိန် တစ်နေရာ မဟုတ်တဲ့ ပရမတ် အမှန်တရား ကွယ်နေတာ။ အဲ့အပေါ်မှာ လိုက်ပြီး ကောင်းတယ် မကောင်းဘူး ကြိုက်တယ် မကြိုက်ဘူး ဆိုတဲ့ လောဘ ဒေါသ ကိလေသာတွေ ၀င်လာရော။

ဒါဆို တီတီဒွင်း ပြောသလိုဆို ပညတ်ကို (သတ်မှတ်ချက်)ပယ်ရမှာပေါ့။

သတ်မှတ်ချက်ကို ပယ်ရမယ် မပြောပါဘူး၊ မစွဲနဲ့လို့ ပြောတာပါ။ သတ်မှတ်ချက်တွေရဲ့ အမှန်တရားကို မြင်အောင် ကြည့်ဖို့ပြောတာပါ သမီးလေးရေ။အတ္တနဲ့ သိနေတာ မှန်သမျှ အမှားတွေချည်းပဲမို့လို့ပါ။

ကိုယ့်အတ္တကို မစွန့်နိုင်သ၍ ဘယ်လိုမှ အမှန်ကို မသိနိုင်ဘူးလေ။ အထင်ဟာ အထင်ပဲ ရှိနေမှာပဲ အမှန် မဟုတ်သေးဘူး။ သတ်မှတ်ချက် မှာပဲလမ်းဆုံး နေလို့ကတော့ သမီးရေ ပရမတ် အမှန်တရားကို မြင်နိုင်မှာ မဟုတ်ဘူး။

သမုတိနယ်မှာ ကျင်လည်နေ သရွေ့ကတော့ သမုတိ သစ္စာကိုတော့ ပယ်လို့ မရဘူးနော် သမီး၊ အဲဒီ ပညတ်တွေကို တကယ်ရှိတယ် အထင်နဲ့ လက်ခံလိုက်ပြီး သွားစွဲလိုက် လို့ကတော့ အဲ့ဒီ သတ်မှတ်ချက်ကြောင့် ဒုက္ခရောက် လိမ့်မယ်။ဒါကြောင့် မိုးကုတ် ဆရာတော် ဘုရားက ဘယ်လိုဟောလဲ ဆိုရင် " ပညတ်ကွယ်ရင် နိဗ္ဗန်မမြင်ဘူးတဲ့" သမီးလေးရဲ့။

စကားလုံး ပညတ်တွေက ပရမတ်ကို မြင်နိုင်ဖို့ အထောက်အကူ ပေးတာလေ တကယ် သိရမှာက အဲ့ဒီပညတ်တွေရဲ့ နောက်ကွယ်က ပရမတ် အမှန်တရားပါ။ ပညတ်ကို သုံးတော့ သုံးရမယ်။ မစွဲရဘူး သမီး။ ပညတ်မပါ ဘဲနဲ့လည်း တကယ့် ပရမတ် အစစ်ကို မမြင်နိုင်ဘူး။ နော်...သမီး။

တကယ်တော့ ပညတ်ကို မပယ်ခိုင်းပါဘူး၊ အဲ့ဒီ ပညတ်ပေါ်မှာ စွဲနေတဲ့ အဟုတ်ထင်နေတဲ့ အစွဲကို စွန့်ခိုင်းတာ။ ပညတ်တွေရဲ့ နောက်ကွယ်က ပရမတ်ကို မြင်အောင် ကြည့်ခိုင်းတာ သမီးလေးရေ။ ပညတ်ကို မပယ်ဘဲ ပညတ်ရဲ့ အမှန်တရား ကိုယ်တိုင်က ပရမတ်ပဲ ဆိုတာကို ယုံကြည် ခိုင်းတာပါ။

တီဒွင်းတို့ တစ်သံသရာလုံး ပညတ်တွေ သတ်မှတ်ချက်တွေ အပေါ်မှာ အရှိကိုထင်ပြီး အစွဲကြီး စွဲခဲ့လို့ အဲ့ဒီ အစွဲကြောင့် ဒုက္ခရောက် နေကြာတာ။ တကယ်တော့ ဒါတွေက ဓာတ်ကြီးလေးပါး ဖောက်ပြန်ရုံ သဘောလေး တွေပါလားလို့ မှတ်ရပါမယ်နော်။

ကဲ... သမီးလေးရေ...ဖျော်ထားတဲ့ ကော်ဖီလည်း အေးကုန်တော့မယ်။ ကော်ဖီသောက်လို့ ကုန်မှပဲ သမီးလေးကို ကျန်တဲ့ တရား အနှစ်ပိုင်းလေးတွေ ပြောပြပေးမယ်နော်။ အာဝါးးးးးးးး သမီးမက်မက်ရေ။

Tuesday, February 17, 2009

ပရမတ္ဘအမှန်တရား(အပိုင်း-၁)

တီဒွင်း သမီးစိတ်တွေ ဘာဖြစ်နေမှန်း မသိဘူး တီဒွင်းရယ်။ တရားလည်း မနာနိုင်၊ ဘုရားလည်း မရှစ်ခိုးနိုင်နဲ့ ဘာတွေဖြစ်နေမှန်း မသိဘူး တီဒွင်းရယ်။

ကဲ.. သမီးရေ.. ဘာတွေဘယ်လို ဖြစ်တယ်ဆိုတာ တီဒွင်းကို ပြောပါဦး။

မသိတော့ဘူး တီဒွင်းရယ်။စိတ်တွေ ဂယောက်ဂရက် ဖြစ်နေတယ်။

သမီးလေး စိတ်ငြိမ်အောင် တရားလေး မှတ်ကြည့်ပါလား သမီးရ။ တရားနာတယ် ဆိုတာလည်း ကောင်းပါတယ် သမီးရယ် ။ ဒါပေမယ့် ငါ့သမီးလေး သံဝေဂဥာဏ်နဲ့ပဲ ကျေနပ်သောင်တင် မနေနဲ့ သမီး။ တရားထိုင်တော့ စ်ိတ်လည်း တည်ငြိမ်မယ်လေ သမီးရဲ့ ။

ဘယ်လိုထိုင် ရမှာလဲ တီဒွင်းရ။မက်မက်ကို ပြောပြပါဦးနော်။ စိတ်ဝင်စားလာပြီ။

တရားမှတ်တယ် ဆိုတာ အတွေးတွေထဲမှာ မလွင့်မြောအောင် သတိလေးနဲ့ နေတာကို ပြောတာပေ့ါ သမီးလေးရ။စိတ်ကို သတိလေး ကပ်ထားရမှာ။ တီဒွင်း နားလည်သလောက်လေး ပြန်ပြောပြမယ်နော်။ ၀ိပဿနာ ဥာဏ်စစ်စစ်ဖြစ်ဖို့ မင်္ဂဥာဏ် ဖိုလ်ဥာဏ် ဖြစ်ဖို့ဆိုတာ သမီးကိုယ်တိုင် အားထုတ်ပါမှ ရမှာသမီးရ။မြတ်စွာဘုရားတောင် သူ့ကို ကြည်ညိုမှု လွန်ကဲနေတဲ့ ရဟန်းတစ်ပါးကို ဘယ်လိုဆုံးမလည်း ဆိုရင် တရားကို မသိသရွေ့ ငါဘုရား အစစ်ကို မမြင်နိုင်ဘူးတဲ့။ ကဲ သမီး ဘယ်လောက် ကောင်းလိုက်တဲ့ ဆုံးမစကားလဲနော်။

သွားတော်လေးဆယ် စွယ်တော်လေးဆူနဲ့ ရွှေအဆင်းရှိတဲ့ အသရေတော်ဆိုတာ ဘုရားရဲ့ လက္လဏာ တော်များ ပဲရှိပါသေးတယ် သမီးရယ်။ဘုရားအစစ် မဟုတ်သေးဘူး။ တကယ့်ဘုရားအစစ်က လေးအသင်္ချေနဲ့ ကမ္ဘာတစ်သိန်း ပါရမီဖြည့် ကျင့်ပြီးမှ ရလာတဲ့ သဗ္ဗေညုတ ဥာဏ်တော်တွေပါ။

ဒီလိုပဲ တရားဆိုတာ မျက်စိနဲ့ မြင်ရတဲ့ ပိဋ္ဋကတ် သုံးပုံက တရားအစစ် မဟုတ်ပါဘူး၊တရားအကြောင်း ရေးထားတဲ့ တဆင့်ခံ စကားလုံးတွေ ပဲဖြစ်နေ သေးတာပါ။ အဲ့ဒီပိဋ္ဋကတ် သုံးပုံရဲ့ နောက်ကွယ်က (စာလုံးတွေရဲ့ နောက်ကွယ်က ) အဓိပ္ပါယ်ကမှ တကယ့် တရားအစစ်ပါ။ မနက်မိုးလင်းတာနဲ့ အန္တရယ်ကင်း ပရိတ်လေးဖွင့်ပြီး ကိုယ့်ကိုကိုယ် တရားအားကိုးတယ် တရား ရှိတယ် မထင်နဲ့ သမီးလေး။

ဘုရားသိစေချင်တဲ့ ပရမတ် တရား အစစ်ကို သိဖို့ကြိုးစား တာကမှ တကယ့်တရား အစစ်ကို အားကိုးတာပါ။ မြတ်စွာဘုရားက လေးသင်္ချေနဲ့ ကမ္ဘာတစ်သိန်း ခက်ခက်ခဲခဲ ပါရမီဖြည့်ကျင့်ခဲ့တာ သတ္တ၀ါတွေ အန္တရာယ်ကင်းဖို့အတွက်လောက်လေး မဟုတ်ဘူး သမီးလေးရဲ့။ ဒီလိုပါပဲ သံဃာတွေ ဆိုရင်လည်း မျက်စိနဲ့ မြင်ရတဲ့ အသွင်သဏ္ဍာန်လောက်ပဲ သံဃာလို့ထင်ပြီး အဲ့ဒီအသွင် သဏ္ဍာန်တွေ နောက်ကွယ်က စောင့်ထိန်းမှုတွေ ကျင့်ကြံအား ထုတ်မှုတွေကို မြင်အောင် မကြည့်တတ်လို့ သံဃာရတနာ အပေါ်မှာ ကြည်ညိုမှုက တိမ်တိမ်လေး ဖြစ်နေကြတာ၊ တဏှာပြတ်ကြောင်း တရားကိုကျင့်ပြီး ဒါမှမဟုတ် ကျင့်ဆဲ ပုဂ္ဂိုလ်ကို သံဃာလို့ ခေါ်တာပါ သမီးလေးရေ။ယတြာချေချင် လို့ပဲဖြစ်ဖြစ် ကံကောင်းချင်လို့ပဲ ဖြစ်ဖြစ် ဘာကြောင့် ဖြစ်ဖြစ် ဘုန်းကြီးအဖြစ် ဒုလ္လဘ အဖြစ်ခဏလေး အ၀တ်ပြောင်းဖို့ အဓိက ထားနေတာထက် ပရမတ်သံဃာ ရတနာအစစ်ဖြစ်ဖို့ အဓိကထားကြ ဖို့ဆိုတာလည်း လိုအပ်တာပေါ့ သမီးးရယ်။

ဘုရား တရား သံဃာ တွေရဲ့လဏ္ခာ တွေကိုပဲ တကယ့်ဘုရား တရား သံဃာတွေ လို့ထင်နေပြီး တကယ့်ဘုရားအစစ် တကယ့်တရားအစစ် တကယ့်သံဃာအစစ်ကို နားမလည်နိုင်သေးလို့ပါ သမီးလေး တကယ့် ပရမတ် တရားကို မသိသေးရင် ဘုရားတရား အပေါ်မှာ ယုံကြည့်နေမှာ မဟုတ်ပါဘူး။ အပေါ်ယံ ယုံကြည့်နေမှုပဲဖြစ်နေဦးမှာလေ။ ဒါကြောင့်လည်း မျက်စိနဲ့ မြင်ရတဲ့ ဘုရားတရားသံဃာ အပေါ်မှာပဲ လမ်းဆုံးမနေဘဲ တကယ့် ဘုရား အစစ် တရားအစစ် သံဃာအစစ်ကို ဥာဏ်နဲ့ မြင်နိုင်ဖို့ ကျင့်ကြံအား ထုတ်မှုအပိုင်းကို တီတီဒွင်း တရားသွား အားထုတ်တဲ့ ရိပ်သာမှာ ဆရာတော်က အဓိက ထားပြီး တိုက်တွန်းတာပေါ့။ မြတ်စွာဘုရားက လေးသင်္ချေနဲ့ ကမ္ဘာတစ်သိန်း ပါရမီဖြည့် ကျင့်ခဲ့တာကလည်း အားလုံးကို ပရမတ် အမှန်တရားကို မြင်စေချင်တဲ့ စေသနာ နဲ့ ကိုယ်ကျိုးစွန့် အနစ်နာ ခံခဲ့တာပါ။ တီဒွင်းသွား ခဲ့တဲ့ရိပ်သာက ဆရာတော် ဟောတာလေးတွေကို သမီးလေးကို နဲနဲခြင်း ပြောပြမယ်နော်။

တရားအား ထုတ်တယ်ဆိုတာ စိတ်ရဲ့ အလုပ်ပဲ သမီးလေးရေ။ဘာပဲလုပ်နေ လုပ်နေ ၀ိပသနာသတိနဲ့ အမှန်တရားကို သိနေရင် တရားအား ထုတ်နေတာပဲပေါ့။လူက မျက်စိမှတ် ထိုင်ပြီးတော့ စိတ်က ၀ိပသနာ သတိလွတ်နေရင် အမှန်တရားကို သိတဲ့ဥာဏ် မပါရင် တရားထိုင်တယ်လို့ ပြောလို့ မရဘူး သမီးလေး။ မြတ်စွာဘုရားက ကမ္မဋ္ဌာန်း တရားပွားများ အားထုတ်ရာမှာ ရပ်၊ သွား၊ ထိုင၊် လျောင်း ဆိုတဲ့ က္ကုရိယာ ပုတ်လေးမျိုးလုံးနဲ့ အားထုတ်လို့ ရတယ်လို့ပြောခဲ့တာပဲ။ဘုရားစင်ရှေ့ မျက်စိမှိတ် ထိုင်ပြီး အားထုတ်နေမှ ရတာမဟုတ်ဘူးလေ။

တောထဲ တောင်ထဲသွား တရားရှာမှ တရားရတာ မဟုတ်ဘူးလေ၊ နေ့စဉ် လူနေမှု ဘ၀လေးမှာပဲ ကျင့်လို့ ရပါတယ်။တရားအားထုတ် တယ်ဆိုတာ သွားနေရင်း လာနေရင်းဖြစ်ဖြစ်၊ လုပ်နေကိုင်နေရင်း ပဲဖြစ်ဖြစ်၊ ပြောနေဆိုနေ ရင်းပဲဖြစ်ဖြစ် နေမကော်ိ့ အိပ်ယာထဲမှာလှဲနေရတဲ့ အချိန်ပဲဖြစ်ဖြစ် တစ်ခုခု တစ်ယောက်ယောက် တစ်ချိန်ချိန် တစ်နေရာရာတွေမဟုတ်တဲ့ ဘာမျ ဖြစ်နေတာ မဟုတ်ပဲ ဖြစ်ရုံလေး ဖြစ်နေတဲ့ ပရမတ် အမှန်တရားကို ဆင်ခြင်လက်ခံ ပြီးနေတာ(အမှန်ကို အမှန်အတိုင်း သိနေတာ) ဟာတရားနဲ့ နေတာပဲပေါ့။

နားရှုပ်သွားလား သမီးလေး။ကြားနေကြစကား မဟုတ်လို့ ဟုတ်မှဟုတ် ရဲ့ လားလို့ သံသယမ၀င်နဲ့ သမီးလေး အရင်က တီဒွင်းတို့ သမီးလေးတို့ ကြားဖူးသလို "ဖြစ်ပြီးပျက်"နေတာပါပဲ။ ဒါပေမယ့် ဘာမှဖြစ်နေတာ မဟုတ်ပဲ ဖြစ်ရုံလေး ဖြစ်နေတာဆိုပြီး ဆရာတော် ကပိုပြီး အရင်းအမြစ်ကျကျ ဟောပြောလိုက်တော့ သမီးလေး မျက်စိလည် သွားတာပေါ့။

တစ်ခုခု ဖြစ်ပြီးမှ ပျက်သွားတယ် လို့ထင်နေရင် မပျက်ခင်လေး အထိတော့ ရှိနေတယ် ခိုင်မြဲနေတယ်ထင်ပြီး သာယာနေဦးမှာပဲ ၊ ငြိတွယ်နေဦး မှာပဲလေ။ တကယ့်ခန္တာ ငါးပါးစစ်စစ်က ဘာတွေ ညာတွေ အဖြစ် ဖြစ် သွားတာမျိုး မဟုတ်ဘဲ ဖြစ်တယ် ဆိုရုံလေး ဖြစ်သွားတာ။ ဒါကြောင့် ဆရာတော်က အဖြစ်ကို လက်မခံခိုင်းတာ။ ညာဖြစ်တယ် ညာဖြစ်တယ်။

ဘာစိတ် ညာစိတ် ရှိတယ်ထင်ပြီး လက်ခံနေတာကိုက သမုဒယ သစ္စာ ငါနာတယ်ဆိုပြီး နာတာ ဖြစ်နေတယ် ထင်တာက အ၀ိဇ္ဖာ ငါ ရှိတယ်ဆိုတဲ့သက္ကာယ ဒိဌိ နာတာလေး မြဲနေတယ် ထင်တာက သဿတ ဒိဌိဖြစ်နေပြီး နာတယ်လို့ ထင်ရလောက်အောင် တင်းမာတဲ့ သဘောလေး(ပထ၀ီဓာတ်)လွန်ကဲ ဖောက်ပြန်နေ တာပဲရှိပါတယ်သ မီးလေး။ဖြစ်ကာ မတ္တဖြစ် နေတဲ့ သဘောလေး သက်သက်အနေနဲ့ ပဲရှိတာပါ။ ဘာတွေ ညာတွေ ဘာစိတ် ညာစိတ် တွေ ဖြစ်နေတာ မဟုတ်ပါဘူး။

စိတ်ဆိုတာက ပညတ်၊ စိတ်ရဲ့ အမှန်တရားက ခန္တာငါးပါး ပရမတ်ပါ။ တကယ်တော့ အရာအလုံးဟာ ဓာတ်ကြီးလေးပါးနဲ့ ဖွဲစည်းထား တာဖြစ်ပြီး သူ့သဘော သူဆောင်နေတာပါ။ တရားထိုင် တဲ့အခါ ဓာတ်ကြီးလေးပါး ဖောက်ပြန်မှု အာရုံကို ဖမ်းယူနေတဲ့ (၀ိဥာဏက္ခန္ဓာ) နာတယ်လို့ ထင်နေတဲ့ အ၀ိဇ္ဇာ(သင်္ခါရက္ခန္ဓာ) နာတာပဲလို့ မှတ်သားနေတဲ့ (သညက္ခန္ဓာ)၊ မကောင်းဘူးလို့ ခံစားနေတဲ့ ဝေဒနာက္ခန္ဓာ) မနောအကြည် ဆိုတဲ့ဖောက်ပြန်မှု (ရှုပက္ခန္ဓာ) ဒီလို အ၀ိဇ္ဇာ ရောနေတဲ့ ခန္ဓာငါးပါးပေါင်း ပေါ်နေတာပဲ ရှိတာပါ။ နာတယ် ဆိုတာဘာလဲ ရှာလို့ မရပါဘူး။ ပေါ်လာတဲ့ စိတ်လေးကိုပဲ အမှန်မြင်(၀ိဇ္ဇာဥာဏ်) နဲ့ ယုံကြည်ဆင်ခြင် ပေးခြင်းအားဖြင့် ဘာဖြစ်တယ် ညာဖြစ်တယ် ထင်နေတဲ့ အ၀ိဇ္ဇာနဲ့ ငြိတွယ်တဲ့ တဏှာကို ပယ်နိုင်ဖို့ ကြိုးစားခိုင်းတာ။ အ၀ိဇ္ဇာ တဏှာ ဖြစ်ကြောမရှည်ဖို့ ၀ိဇ္ဇာဥာဏ်နဲ့ ဆင်ခြင်ခိုင်းတာ ဘာဖြစ်တယ် ညာဖြစ်တယ် ဆိုတာသိဖို့ကို အနည်းဆုံး တစ်စက္ကန့်တော့ ကြာတယ်မလား၊ အဲ့ဒီစက္ကန့် အတွင်းမှာကို တကယ့်ရုပ်စစ်စစ် တကယ့်စိတ်စစ်စစ်က ကုဋေပေါင်းများစွာ ဖြစ်ချုပ်သွားပြီ ။

သမီးလေး သိလိုက်တယ်ဆိုတာ အစွဲသိ အမှားသိတွေပါ။ ဖြစ်ချုပ် သွားတဲ့နှုန်းက အရမ်းကို မြန်ဆန်လွန်းပြီး အတိတ်က အ၀ိဇ္ဇာ တဏှာကံ အကြောင်းကြောင့် အသစ်အသစ်လေးတွေ တရစပ် အစားထိုး နေတဲ့အတွက်ကြောင့် တဆက်တည်းထင်ပြီး ဘာဖြစ်တယ် ညာဖြစ်တယ်ဆိုပြီး အစွဲသိတွေကို ဆုပ်ကိုင်ထားလို့ အဲဒီအစွဲသိ တွေနောက်က ကိလေသာတွေ တောက်လျှောက်လိုက် နေတော့တာပေါ့။

ခန္ဓာရှိရင် ဝေဒနာ ရှိတယ်ဆိုတာ နာတဲ့ ကျဉ်တဲ့ ညောင်းတဲ့ ကိုက်တဲ့ အကြမ်းစား ဝေဒနာ တွေကို ပြောတာမဟုတ်ဘူးနော်။ နာတယ် ကျဉ်တယ် လို့ ထင်နေတာ ကိုကအမှားသိ။ တကယ့်ရုပ်ခန္ဓာက (ရုပ်ပရမတ်က) အကောင်အထည်ကြီး အနေနဲ့ အတုံးလိုက် အတစ်လိုက် ရှိနေတာမျိုး မဟုတ်ဘဲ ပူတယ် အေးတယ်လို့ ထင်ရလောက်အောင် ဖောက်ပြန်နေတဲ့ သဘော၊ မာတယ် ပျော့တယ်လို့ ထင်ရလောက်အောင် ဖောက်ပြန်နေတဲ့ သဘော၊ ငြိမ်တယ် လှုပ်တယ်လို့ ထင်ရလောက်အောင် ဖောက်ပြန်နေ တဲ့သဘော ယိုစီးတယ် ဖွဲ့စည်းတယ်လို့ ထင်ရလောက်အောင် ဖောက်ပြန်နေတဲ့ သဘော ဒီလို သဘောတရား လေးတွေ (ဓာတ်ကြီးလေးပါး)က ပေါင်းစည်းလိုက် ဖောက်ပြန်လိုက် ပြိုကွဲလိုက် ဖောက်ပြန်လိုက်နဲ့ ဖောက်ပြန်ရုံလေး သက်သက်လေး ဖောက်ပြန်နေတာ။ မပြတ်တရစပ် ဖြစ်ချုပ်တာ။ သဘောလေးပေါ်ပြီး သဘောလေး ဖြစ်ချုပ်သွားတာ။ မျက်စိတစ်မှိတ် အတွင်းမှာကို အကြိမ်ပေါင်းကုဋေ၅000ကျော် ၆000နှုန်းနဲ့ ချုပ်ပျောက်နေတာ။

တကယ်တော့ စွမ်းအင်သတ္တိ အသစ်အသစ် လေးတွေက တရစပ် အစားထိုးပြီး တရစပ်ချုပ် ပျောက်နေတာ အဲ့လိုဓာတ်ကြီးလေးပါး ဖောက်ပြန်မှုကြောင့် ဖြစ်ရုံလေး ဖြစ်နေတဲ့ သဘောပရမတ် ဝေဒနာတွေက အဆက်မပြတ်ကို ပေါ်နေတာ နာမှကျဉ်မှ ဝေဒနာဖြစ်တာ မဟုတ်ဘူးလေ သမီး၊ အစကတည်းက အသစ်အသစ်သော ဝေဒနာတွေ မပြတ်ရှိနေတာ မသိတော့ ဝေဒနာ အကြမ်းစား ကြီးတွေကို လက်ခံထားပြီး ခံနိုင်ရည်မရှိ ဖြစ်နေကြတာ။ အစကတည်းက ကောင်းနေတယ် ထင်ထားလို့ အဆိုးကြုံရမှာ ကြောက်နေတာ။

ကောင်းနေတာ မရှိမှန်း သိရင် ဆိုးမှာလည်း ပူနေစရာ မရှိတော့ဘူး။ ရှင်နေတယ်ထင်လို့ သေရမှာ ကြောက်နေတာ၊ (အစကတည်းက တရစပ်ကို သေပွဲဝင်နေတာ) ရှင်နေတယ်ဆိုတာ တကယ်မရှိ မှန်းသိရင် သေရမှာ ကြောက်စရာ မလိုတော့ဘူး။ တရားကြောင့် ရဲရင့်လာတယ်ဆိုတာ တရားက တစ်ခုခုကြီး အနေနဲ့ (တန်ခိုးရှုင် တစ်ယောက်လိုမျိုး) ကိုယ့်ကို အကာအကွယ် ပေးနေတာမျိုး မဟုတ်ဘူးလေ။အမှန်ကို သိတာတရားပဲ။ အမှန်ကို အမှန်အတိုင်း မြင်လာတာ အရှိကို အရှိအတိုင်း လက်ခံလာနိုင်တာ ကြောက်စရာ မရှိတာကို သိပြီး မကြောက်တတ် တဲ့စိတ်ဟာ ရဲရင့်တဲ့ စိတ်ပဲ သမီးလေး။ လိုချင်စရာ မရှိတာကို သိပြီး မလိုချင်တဲ့ စိတ်ဟာ ပြီးပြည့် စုံတဲ့ စိတ်ပဲသမီးလေး။

ကဲ... သမီးလေး ဖုန်းလာနေတယ်... တီဒွင်း ဖုန်းပြောလိုက် ဦးမယ်နော်။ ပြီးမှ သမီးလေးကို ဆက်ပြောမယ်။ နားထောင်နော်။ အာဝါး မက်မက်လေးရေ။ မက်မက်လေး စိတ်၏ချမ်းသာ ခြင်းနဲ့ ပြည့်စုံပါစေကွယ်။ စိတ်မညစ်နဲ့နော်။ တီဒွင်းမနက်ဖြန်မှ ဆက်ပြောပြ ပေးမယ်နော်။ အာဝါးးးးးးးး

Saturday, February 14, 2009

Sharapoa Dream ပြန်လာပါပြီ


ဒါက စုံတွဲရှိတဲ့ သူတွေ အတွက် ပေးမလို့..

ချစ်စရာဆင်လေးကတော့ တူလေးတွေ ဆော့လို့ရအောင်

တူတွေ တူမတွေ ဆင်ကြီးနဲ့ ဆော့လို့ ရတာပေါ့

ဒါက ဟင်္သာမောင်နှံပုံ....(တခုခုထည့်လို့ ရတယ်လေ)

ဒါက စောင်းပါ... ပျင်းနေရင် တီးပေါ့..

ဒါက ကျိုက်ထီးရိုး လက်ဆောင်ပါ..... မမတို့ အတွက်

ဒါကတော့ ဆွဲသီးလေးလုပ်လို့ ရပါတယ်။အမျိုးသမီးဆိုရင် အန်းကုန်းဘိုးတော် ဆောင်တယ်။ အမျိုးသားတွေကတော့ ကွမ်ရင်မယ်တော်ကို ဆောင်ကြတယ်။

ကျောက်စိမ်းလက်ကောက် (တီတီတို့ အတွက် )

တရုတ်မရွေးမုန့်လေးပါ။

ဆတ်သားနဲ့ ချေသားခြောက်ကြော်

ဒါကတော့ မုန့်လင်မယား :P

အားလုံးပဲ..........မ..........င်္ဂ........လာ.......ပါ...............အဟဲ... ရှာရာပိုပါဒွင်းနဲ့ ရှခီရှာမက်မက်တို့ တူအရီးတွေ မြန်မာပြည်ကနေ ပြန်ရောက်ပါပြီနော်.. :)

မက်မက်မရှိတုန်း မက်မက်ရဲ့ ဘလော့အိမ်လေးမှာ ပို့စ်မသစ် မရှိပေမယ့်လည်း လာလည်ကြတဲ့ သူငယ်ချင်းတွေ ဦးဦးတွေ တီတီတွေ အားလုံးကို အရမ်းကို အားနာရပါတယ်၊ ကျေးဇူးလည်း တင်ပါတယ်။ ဒီရက်ပိုင်းမှာ ပို့စ်အသစ်တင်ဖို့ မက်မက် အားမွေးနေပါတယ်။ ပြင်ဆင်နေပါတယ်နော်၊ အဟဲ.. တကယ်တော့ ဘာတင်ရမလဲ မသိသေးဘူး ဖြစ်နေတာ၊ ရေးချင်တာတွေ တင်ချင်တာတွေက များနေတယ်လေနော်.. ရေးရမယ်ဆိုရင်လည်း အများကြီး အများကြီး အဟီး.... :P မြန်မာပြည်မှာ တွေ့ဆုံခဲ့တဲ့ ဦးဦးတို့ တီတီတို့ ကိုလည်းကျေးဇူးတင်ပါတယ်.... ကဲ...ဦးဦး တို့ တီတီတို့အတွက် မြန်မာပြည်ပြန် လက်ဆောင်လေးတွေ ယူသွားပါဦးနော်...(ကလေးငယ်လေးက မုန့်လင်မယားစားချင်တယ် ဖွားမက်ဝယ်လာခဲ့ဆိုလို့ ၀ယ်လာခဲ့တာ။ သမီးရေ.. ပူတုန်းလေးစားလိုက် ):P ကျန်ဒါတွေကတော့ ရွှေမြန်မာပြည်ရဲ့ လက်ဆောင်ပေါ့လေ... ကြိုက်တာယူသွားနော်... ပစ္စည်းက များနေတော့ တခုချင်းလောက်ပဲ ဓာတ်ပုံရိုက်နိုင်တော့တယ်။ ကျောက်စိမ်းကတော့ သယ်ယူခွင့် မရှိပါဘူး... သို့ပေမယ့်..သို့ပေမယ့်ပေါ့လေ... အဟီး... :P မုန့်မုန့်ကတော့ အဲ့ဒါပဲ ပါတယ်...အဟီး....:P အကုန်သာစားသွားနော်....
:P :P :P

တီတီတို့ အတွက် အထူးအာဝါးးးးးးးးးးးးးးးးအမြှောက်တစ်သိန်းနော်...အဟဲ.. :P :P မတွေ့တာလည်း ကြာနေပြီ.. ဘလော့လေးကိုလည်း ပစ်ထားရတာ ကြာနေပြီ..အိမ်တကာ လိုက်မလည်တာလည်း ကြာနေပြီ... နောက်နေ့က စပြီး ဦးဦး တီတီတို့ဆီမှာ စာကြွေးတွေ တ၀ကြီး ထိုင်ဖတ်တော့မယ်...

ဟုတ်ကဲ့.. မြန်မာပြည်မှာ မက်မက်အရမ်း ပျော်ခဲ့ပါတယ်။ မြန်မာပြည်က သူငယ်ချင်းတွေကိုလည်း ကျေးဇူးတင်ပါတယ်နော်....

Monday, January 26, 2009

သေမင်းကိုလိုက်ရှာတဲ့လူငယ်လေး

ရှေးတံရောအခါက တိုင်းပြည်တစ်ပြည်မှာ သူဆင်းရဲသား တစ်ယောက်ရှိလေသတဲ့။သူဟာ ဆင်းရဲလွန်းလို့ လူ့လောကကြီးထဲမှာ မနေချင် လောက်အောင်ကို ထွက်သွားချင် နေတာပေ့ါ။ဒါကြောင့် သေဖို့ နေစဉ်နှင့် အမျှတွေးတောပြီး သေမင်းကို ရှာဖွေရန် ရှာပုံတော် ထွက်ခဲ့လေသည်။ လမ်းမှာ တွေ့သမျှ လူတိုင်းကို သေမင်း ဘယ်မှာလဲလို့ လိုက်မေးလေတော့ လူတွေက သူ့ကို အရှုးဆိုပြီး ကွေကွင်းရှောင်ရှား ကြတာပေါ့။တချို့ကတော့ သူ့မေးခွန်းကို ပြန်ပြီးအဖက်လုပ် အရေးတယူ စကားတောင် ပြန်မပြော ကြဘူးလေ။ ဒီလိုနဲ့ တစ်ရွာ ၀င်တစ်ရွာထွက် သေမင်းကို လိုက်ရှာတယ်။နောက်ဆုံးမှာ ပင်လယ်ကမ်းစပ်ကို ရောက်လာတော့ သေမင်းကတော့ ဒီပင်လယ် ကမ်းစပ်မှာ ရှိနိုင်လောက်မယ်ထင်ပြီး ကမ်းစပ်တစ်လျှောက်လိုက်ရှာတယ်။

တစ်နေ့တော့ သူ့ဆီကို အဖိုးအိုတစ်ဦး တောင်ဝှေးတစ်ချောင်း အဖော်ပြုပြီး တလှမ်းခြင်း လှမ်းလာနေတာကို တွေ့လေသည်။ အဖိုးအိုက ဘယ်သွားမလို့လဲ လူငယ်ဆိုပြီး ဆင်းရဲသားလေးကို မေးတာပေါ့ ။ဒီတော့ ဆင်းရဲသားလေးက ကျွန်တော် စိတ်တွေညစ်နေလို့ပါ၊ ဒီလူ့လောကကြီးမှာလဲ မနေချင်တော့လို့ သေမင်းကို လိုက်ရှာနေ တာပါလို့ ပြန်ဖြေလေသည်။ ဒီစကားကို အဖိုးအိုကြားတော့ အူလိုက်သဲလိုက် ရယ်တာပေါ့။ပြီးတော့ လူငယ် မင်းဟာ စိတ်နဲ့ကိုယ်နဲ့ မကပ်တော့ဘူးလို့ ပြောဆိုလိုက်လေသည်။ ဒီတော့ လူငယ်လေးကလည်း အဖိုးအို စကားကြောင့် လှည့်ထွက်မည်အပြု အဖိုးအိုက သူ့အား လက်လှမ်းဆွဲပြီး နေပါဦး လူငယ်၊ မင်းတွေ့ချင်လို့ ရှာနေတဲ့ သေမင်းဆိုတာ ငါပဲဟုပြောတော့ လူငယ်လေးက အားတက်သွားလေသည်။ ဒီတော့ လူငယ်ဆင်းရဲ သားလေးက ဒါဆိုရင် ကျွန်တော့ကို ဘာလို့မခေါ်တာလဲ၊ ကျွန်တော့အသက်ကို အမြန်နှုတ်ယူ ပါတော့လို့ ပြောတာပေါ့။

လူငယ် မင်းအခု သေမဲ့အချိန် မကျသေးဘူး။ မင်းသေဖို့ အချိန်မတန် သေးပါဘူး။ မင်းသေနေ့စေ့ရင် ကျိန်းသေ သေမှာပါ။ အဲဒီအခါကျ မသေချင်လို့ ဘယ်လိုပဲ ပုန်းနေပုန်းနေ သေခြင်းတရားက ရှောင်လွဲလို့ မရဘူးလို့ အဖိုးအိုက ပြောလေသည်။ ဒါဆိုကျွန်တော့်ကို ဘယ်နေ့ သေမယ်ဆိုတာ ပြောပြပေးပါ အရှင်သေမင်း။

ဒီတော့သေမင်းက မောင်မင်း ဒီနေရာကနေ ထွက်ခွာပြီး ရက်သတ္တပတ်မြောက်ရင် အလွန်ချမ်းသာလိမ့်မယ်။ သူဌေးဖြစ်ပြီးနောက် ဆယ်နှစ်ကြာတဲ့အခါမှာ မင်းသေလိမ့်မယ် လို့ပြောပြီး အလိုရှိရာ သုံးနိုင်ရန် လေးနဲ့မြှား ဆယ်ချောင်းကို ပေးလေသည်။ ခဏအတွင်းမှာ သေမင်း ပျောက်ကွယ် သွားလေသည်။လူငယ်လေးက လေးနဲ့မြှားကို ယူပြီး ခရီးဆက်လေသည်။ ခရီးလမ်းတလျှောက် ဆာလောင်လာတော့ လေးနဲ့မြှား ကိုထုတ်ပြီး တွေ့သည့်ငှက်ကို ပစ်လေသည်။ သူပစ်လွတ်လိုက်သည့် ငှက်မှာ ရွှေငှက်အဖြစ် အသွင်ပြောင်း သွားလေသည်။ရွှေငှက်အဖြစ် ပြောင်းလဲသွားသည့် ငှက်လေးအား လက်မှကိုင်ကာ လူငယ်လေး ပျော်ရွှင်စွာ ခရီးဆက်လေသည်။ဒီလိုနဲ့ မြို့တစ်မြို့ကို ရောက်တော့ အကောင်းဆုံး မြေကွက်တစ်ခုအား ရွှေငှက်နဲ့ လဲလှယ်ယူ လိုက်လေသည်။ ပြီးတော့ အဲဒီမြေကွက်ပေါ်မှာ စိန်ရွှေငွေ ရတနာ အပြည့်နဲ့ အိမ်တစ်လုံးကို ပေါ်လာစေရန် လေးနဲ့မြှားကို ထုတ်ကာပစ်ပြီး အမိန့်ပေး လိုက်လေသည်။မကြာခင်မှာ သူဆန္ဒ ရှိသည့်အတိုင်း စိန်ရွှေငွေ အပြည့်နဲ့ အိမ်တစ်လုံး ပေါ်လာပြီး သူဌေးကြီး ဖြစ်သွားလေသည်။

ဒီလိုနဲ့ အချိန်တွေက တရွှေ့ရွှေ့ကုန်ဆုံးနေတာကို စည်းစိမ်ချမ်းသာ ပြည့်စုံစွာနဲ့ ယစ်မှုးနေတဲ့ လူချမ်းသာ လူငယ်လေး သတိမမှုမိဘူး ဖြစ်နေတယ်။အဖိုးအိုရဲ့ စကားကိုလည်း မေ့လျှော့နေတာပေါ့။ဒီလိုနဲ့ ကိုးနှစ်နဲ့ကိုးလ ရောက်ရှိလာလေတဲ့။ တစ်နေ့မှာ သူမချမ်းသာခင်က နောက်ဆုံးနေ့လေးကို အိပ်မက်မြင်မက်ပြီး စိုးရိမ်ကြောက် လန့်မှုနဲ့ လန့်နိုးလာလေသည်။ အဖိုးအိုရဲ့ စကားကိုလည်း ပြန်လည်ကြား ယောင်နေလေသည်။နေ့ရက်တိုင်းကို ပျော်ရွှင်စွာ ဖြတ်သန်းပြီး ကျန်ရှိနေသေးတဲ့ သုံးလဆိုသည့် အချိန်လေး ကုန်ဆုံးသွားမှာကို စိုးရိမ်ထိတ်လန့် နေလေသည်။

နောက်နေ့နံနက်မှာ သူ့ရဲ့အစေခံ ကျွန်ကိုခေါ်ပြီး ကြီးမားသည့် ရေလုံခံ သေတ္တာကြီး တစ်လုံးကို ယူစေကာ အစားအသောက် သုံးလစွာ ထည့်ယူစေလျက် ပင်လယ်ကမ်းစပ်သို့ ထွက်လာလေသည်။ကမ်းစပ်ရောက်တော့ သူ့အစေခံ အလုပ်သမားအား အထပ်ထပ်မှာ ကြားလေသည်။ သူသေတ္တာထဲ ၀င်ရောက်ပြီးနောက် သေတ္တာအား သေချာစွာ ပိတ်လျှက် ပင်လယ်ထဲသို့ နက်သထက် နက်အောင် ကြိုးရှည်ရှည် နဲ့ချရန်၊ ယနေ့မှစတင်၍ နောက်သုံးလ ကြာသောအခါ ရေထဲမှ သေတ္တာအား ပြန်လည်ဆယ်ယူရန် အထပ်ထပ် မှာကြားလေသည်။ အလုပ်သမားများကလည်း သူဌေးမှာ ကြားသည့်အတိုင်း သေတ္တာကြီးကို ကြိုးရှည်ရှည်နှင့်ချည်ကာ ရေနက်ပိုင်းထဲသို့ ချလိုက်ကာ ကျန်ကြိုးစတစ်ဖက်စွန်းအား သစ်ပင်ကြီး တစ်ပင်တွင် ချည်နှောင်ထား ခဲ့ကြလေသည်။

သေမင်းကလည်း သေစာရင်း နာမည်တွေကို စစ်ဆေးနေစဉ်မှာ လူငယ်လေး၏ သေဆုံးမယ့် အလှည့်သို့ ရောက်ရှိနေကြောင်းကို တွေ့ရှိသွားလေသည်။အိုးအို.. တို့တွေထပ် တွေ့ဆုံကြ ဦးမှာပေါ့ လူငယ်လေးရေဆိုပြီး ရေရွတ်လိုက်လေသည်။ဒီလိုနဲ့ လူငယ်လေးကို ရှာဖွေဖို့ တစ်မြို့ဝင် တစ်မြို့ထွက်နဲ့ တစ်အိမ်ပြီးတစ်အိမ် လိုက်ရှာလေရာ မတွေ့ပဲ ရှိနေလေသည်။ သေစာရင်း နာမည်တွေကိုလည်း ပြန်လည်စစ်ဆေးရာ လူငယ်လေး နာမည်ပါ နေသည်ကို တွေ့နေရပါလျှက် ထိုလူငယ်အား ရှာလို့မတွေ့ ရှိခြင်းကြောင့် သေမင်းအဖိုးအိုလည်း
အလွန်စိတ်ဓာတ် ကျနေတာပေါ့။ ဒါပေမယ့် လုံးဝမလျော့သောဇွဲနဲ့ တောတောင်တွေကို ဖြတ်ကျော်ပြီး လိုက်ရှာဆဲပဲလေ။

ဒီလိုနဲ့ လူငယ်လေးသေဖို့ နေ့ရက်ကလည်း တစ်ဖြည်းဖြည်း နီးလာပြီ၊ သေဖို့ရက်က သုံးရက်လောက်ပဲ လိုတော့တယ်။ သေမင်းကလည်း လုံးဝလက်မလျော့ဘဲ လိုက်ရှာမြဲပဲ။ဒီလိုနဲ့ နောက်ဆုံးမှာ သေမင်းလည်း ခြေကုန်လက်ပန်း ကျစွာနဲ့ ကမ်းခြေဆီ တဖြည်းဖြည်းလျောက်လှမ်း လာနေလေသည်။ ကမ်းခြေမှာ ခဏလောက် အမောအပန်းဖြေမယ်ဆိုတဲ့စိတ်ကူးနဲ့ လျှောက်လှမ်း လာနေတုန်း တစ်နေရာမှာ မမျှော်လင့်ပဲ ကြိုးတစ်ချောင်းနဲ့ ခလုတ်တိုက် လဲကျသွားတာပေါ့။ သေမင်းကလည်း စိတ်ဆိုးသွားပြီး အဲဒီကြိုးစကို တဖြည်းဖြည်း ဆွဲကြည့်တော့ နောက်ဆုံးမှာ ရေထဲက သေတ္တာကြီး ပေါ်ထွက်လာလေရောပေါ့။သေမင်းကလည်း အရမ်းအံ့သြပြီး အဲဒီသေတ္တာကို ဖွင့်ကြည့်တော့ အထဲမှာ လူချမ်းသာဖြစ်သွားတဲ့ လူငယ်လေးကို တွေ့ရှိသွားလေသည်။ သေမင်းက စိတ်ဆိုးတဲ့ လေသံနဲ့ လူငယ်လုလင်.... မင်းဒီလိုပုန်းရှောင်လို့ လွတ်မယ်များ ထင်နေလား၊ အခုချက်ချင်း ထွက်လာခဲ့လုိ့ အော်ပြောလိုက်လေသည်။

လူငယ်လေးကလည်း အလွန်ကြောက်ရွံပြီး သေမင်းကို အရှင်သေမင်း အကျွန်ုပ်ကို ခွင့်လွတ်ပါ။အသက်ကိုလည်း လွတ်ငြိမ်းချမ်းသာ ခွင့်ပေးပါ။ အကျွန်ုပ်ပိုင်ဆိုင်တဲ့ စည်းစိမ်းချမ်းသာ တ၀က်ကို အရှင့်အားပေးပါမယ်လို့ သေမင်းကို တောင်းပန်တာပေါ့။ဒီတော့သေမင်းက အသင်လုလင် မောင်မင်းကို အရင်က မပြောခဲ့ဖူးဘူးလား။ လူတိုင်းဟာ သေနေ့မစေ့ပဲ သူဘယ်လောက်သေချင်နေပါစေ သေလို့မရသလို သေနေ့စေ့လို့ မသေချင် သေးဘူးဆိုပြီး ရှောင်ပုန်းနေလို့လည်း မရပါဘူး။သတ္တ၀ါတိုင်းဟာ သေခြင်းတရားကို ဘယ်လိုမှ ရှောင်လွဲလို့ ပုန်းကွယ်လို့မရပါ။အကြောင်းတရားတွေကြောင့် အကျိုးတရားတွေ ဖြစ်ပေါ်တယ်။မွေးဖွားခြင်းရှိသလို သေဆုံးခြင်း ဆိုတာလည်း ရှိနေတဲ့ ကာမသဘောတရား တွေပါလုလင်။

အရင်က သေနေ့မစေ့ဘဲ သေချင်နေတဲ့ ဆင်းရဲသား လူငယ်လေး၊ ချမ်းသာလာ တဲ့အခါ သေနေ့စေ့တာတောင် သေဖို့ပုန်းရှောင်နေတဲ့ လူချမ်းသာ လူငယ်လေး၊သူဘာပဲပြောပြော သေမင်းက လက်မခံဘဲ နောက်ဆုံး သေရွာကို ခေါ်ဆောင်သွားတဲ့ THE MAN WHO LOOKED FOR THE LORD OF DEATH ဆိုတဲ့ပုံပြင်လေးကို SELECTED MYANMAR TALES ဆိုပြီး ၁၀တန်း သင်ရိုးညွန်းတန်း ဖတ်စာအုပ်လေးကို စာအုပ်စင် ရှင်းလင်းရင်း အမှတ်မထင် ပြန်လည်တွေ့ရှိခဲ့တာပါ။အဲဒီသင်ရိုး ညွန်းတန်းထဲမှာ ပုံပြင် ၁၅ခု ရှိသည့် အနက်မှ သေမင်းကို ရှာဖွေသည့် လူငယ်လေး ဆိုသည့်ပုံပြင်ကတော့ ၈ခုမြောက်ပေါ့။ ဒီပုံပြင်လေးကို ပြန်လည်ဖတ်နေတဲ့ အချိန်မှာတော့ ငယ်ငယ်တုန်းက ဆယ်တန်းကျောင်းသူ ဘ၀မှာ ကျူရှင်ဆရာရဲ့ လျပ်တပြတ် မေးခွန်းတွေကို ခဏခဏ ထမေးခြင်း ခံရပြီး ဆုခဏခဏ ရခဲ့ရတဲ့ အဖြစ်လေး ကိုလည်းပြန်လည် သတိရ လွမ်းဆွတ်မိပါတယ်။ :) ဟိဟိ.. ကြုံတုန်းကြွားတာနော်.. :P

အဲဒီအချိန် တုန်းကတော့ အင်္ဂလိပ်စာ ဘာသာမှာ ပုံပြင်က ၁၅ခု ကဗျာက ၁၅ခုပါ။အခုခေတ် ကျောင်းသား ကျောင်းသူ တွေကတော့ သင်ရိုးညွန်းတမ်း တွေပြောင်းလို့ မသင်ရ လောက်တော့ဘူး ထင်တယ်နော်။ ဒါကြောင့် မက်မက် ဆယ်တန်းတုန်းက စာအုပ်လေးကို အမှတ်တမဲ့ ပြန်လည်ရှာတွေ့လို့ အမှတ်တရ အဖြစ်နဲ့ ဖတ်ရတာ အဆင်ပြေအောင် မြန်မာလို ပြန်လည်ရေးပေး လိုက်ပါတယ်။ မက်မက်လိုပဲ ဒီပုံပြင် သင်ရိုးညွန်းတန်း စာအုပ်ပြဌာန်းတဲ့ နှစ်အထိ သင်ခဲ့ရတဲ့ အစ်ကို အစ်မတွေလည်း မိမိတို့ရဲ့ ဆယ်တန်းကျောင်းသား/သူလေး ဘ၀တုန်းက အဖြစ်လေးကို ပြန်လည် အမှတ်တရ ဖြစ်နိုင်လိမ့်မယ်လို့ ထင်ပါတယ်နော်။
တကယ်တော့ သေခြင်းတရားဆိုတာ အသက်ကြီးသည် ငယ်သည်မရွေး၊ ဘယ်လိုမှ ရှောင်လွဲလို့ မရဘူးလေနော်။
ကဲ....မိတ်ဆွေရော ဒီပုံပြင်လေး ဖတ်ပြီးတော့ ဘာတွေများ ခံစားလိုက် ရလဲနော်...။ :)