Subscribe:

Thursday, April 2, 2009

တစ်ဦးမေတ္တာတစ်ဦးမှာ

တစ်နေ့တစ်နေ့ ပို့စ်အသစ် တင်မယ်တင်မယ်နဲ့ တကယ်တမ်း မအားတာနဲ့ မတင်ဖြစ်ဘူး။ အပျင်းကြီး နေတာလဲ ပါတာပေါ့လေ။ အဟား.. အဲဒါနဲ့ ဦးနော်နဲ့ မယ်မယ်တို့က တက်ဂ်မယ်လို့ ပြောတော့ ကိုယ်ကလန့်နေတာ ဘာများ ခက်ခက်ခဲခဲ တက်ဂ်ခံ ထိမလဲပေါ့၊ ဘယ်လိုအကြောင်းအရာလဲလို့ မေးတော့လည်း ကြိုမပြော ပြဘူးတဲ့ မနက်ဖြန်မှ ကြည့်တဲ့။ ဦးနော်နဲ့ မယ်မယ်တို့က ခက်ခက်ခဲခဲ မတက်ဂ်ခိုင်း ပါဘူးတဲ့။ ၅မိနစ် အတွင်းမှာတောင် တင်လို့ရေးလို့ ရပါတယ်တဲ့။ ကဲ... ဒါဆိုလည်း ပြီးရောပေါ့နော့။ ဘာပဲ တက်ဂ်ခိုင်းတက်ဂ်ခိုင်း ကိုယ်ကရေး ပေးရမှာပဲလေ၊ ဒီတော့ ဟုတ်ကဲ့၊ ရတယ်ပေါ့၊ ရေးပေးမယ် လို့ပြောလိုက်တယ်။ ဘာပဲဖြစ်ဖြစ် ဆားချက်ခွင့် ရသွားတာပေါ့။ ဆားချက်ခွင့်ပေးတဲ့ ဦးနော်နဲ့ မယ်မယ် ကျေးဇူးပါနော့်။ ကဲ.. ဒါလေးကတော့ တကယ့်အဖြစ် အပျက်လေးကို ရေးထားတာပါ။ ဖတ်ပြီးသားဆိုလည်း ပြန်အားပေး ခဲ့လေနော့်။ :) အပျင်းပြေ ဆားလေးတော့ တို့သွားနော်။ တစ်တို့နော် တစ်တို့... :P


ဆောင်းဥတုရဲ့ ညနေခင်း တစ်ခုမှာ အမည်မသိ အမျိုးသမီးတစ်ဦး အထုတ်ကလေး တစ်ထုတ်ပိုက်ပြီး ကျွန်မဆီ ကိုတည့်တည့် လျှောက်လာ နေသည်။ ကျွန်မကကို တွေ့တော့ အမျိုးသမီးက ၀မ်းသာအားရနဲ့

“ညီမလေး...အစ်မကို တစ်ခုလောက် ကူညီပါလားဟင်၊ အစ်မသမီးလေးကို ညီမလေးဆီမှာ စောင့်ရှောက် ထားပေးပါလား၊ အစ်မှာ ကလေးတွေက များတော့ သူတို့ကို တစ်ယောက်ချင်း စောင့်ရှောက် ပေးဖို့က အဆင်မပြေလို့ပါ ညီမလေးရယ်။ ညီမလေးက ကလေးချစ် တတ်တော့ အကူအညီ တောင်းကြည့်တာပါ။ အားလည်း နာတယ် ညီမလေးရယ်၊ ကူညီပေးပါနော်။

"အော်.. ဟုတ်ကဲ့၊ ရပါတယ်အစ်မရဲ့။"

အမျိုးသမီးမှ ပြောပြောဆိုဆို အထုတ် ကလေးအား ကျွန်မကို ပေးလေသည်။ ကျွန်မကြည့် လိုက်တော့အို...၀၀ကစ်ကစ်နဲ့ ချစ်စရာ ကောင်းတဲ့ ကလေးလေးပါလား။ ကလေး ချစ်တတ်တဲ့ ကျွန်မသူ့ကို မြင်မြင်ချင်း ချစ်မိသွားတယ်လေ။ ဒါကြောင့် အဲဒီ အမျိုးသမီးကို ကတိပေး လိုက်လေသည်။

“စိတ်ချအစ်မ။ ဒီသမီးလေးကို သေသေချာချာ စောင့်ရှောက်ပါ့မယ်”

“၀မ်းသာလိုက်တာ ညီမလေးရယ်။ အစ်မလည်း မကြာမကြာ ညီမလေး ဆီကိုလာလည်ပါ့မယ်။”

“ညီမလည်း သမီးလေးကို မြင်မြင်ချင်း ချစ်မိသွားလို့ပါ။ဘာမှ စိတ်မပူ နဲ့နော်အစ်မ၊ သူ့ကို သမီလေး တစ်ယောက်လို သေသေချာချာ စောင့်ရှောက်မှာပါ။”

ဒီလိုနဲ့ သူမဘ၀ရဲ့ တစ်စိတ်တစ်ဒေသကို ဒီသမီးလေးက နေရာ ယူလာလေသည်။ သမီးလေး ကြောင့်လည်း သူမဘ၀ ပိုစိုပြေလာ ခဲ့တယ်လေ။ သူမရဲ့ မိသားစုကတော့ ကန့်ကွက်တာပေါ့။ ဒါပေမယ့် အားလုံးနဲ့ အတိုက်အခံ လုပ်ပြီး သမီးလေးကို မွေးစား လိုက်လေသည်။ သမီးလေးကိုလည်း မေစီရတနာ လို့နာမည် ပေးထားလိုက်သည်။ မေစီလေးဟာ သူမရဲ့ အချိန်တွေ အားလုံးကို အပိုင် သိမ်းထားလေသည်။မေစီလေးကြောင့် သူမအထီးကျန် ဆန်ခြင်းမှ ကင်းဝေးသွားလေသည်။ မေစီလေးကလည်း သူမကို တော်တော်ခင်တွယ်သည်။ သူမကလည်း သမီးလေး မေစီမှ မေစီ ဖြစ်နေခဲ့သည်။

တစ်နေ့တစ်နေ့ ဒီကလေး နဲ့ပဲ အချိန်ကုန် နေတော့ သူမမိသားစုရဲ့ ငြိုငြင်ခြင်းနဲ့ ပတ်ဝန်းကျင်ရဲ့ ဝေဖန်ခြင်းကို သူမခံရလေသည်။ သူမကို ကလေးရူးလေး ရူးနေတာတဲ့။ပတ်ဝန်းကျင်က ဘယ်လို ဝေဖန် နေပါစေ။ သူမဂရုမစိုက်ခဲ့။ နှလုံးသားထဲက စီးဆင်းလာတဲ့ မေတ္တာတွေကို သူတို့မှ မသိတာ ပဲလေ၊သူတို့မှာ ချစ်တတ်တဲ့ နှလုံးသားမှ မရှိတာပဲလေ။ ဒါကို သူမနားလည် ပေးရတာပေါ့။

သမီးလေး မေစီကလည်း ကျွန်မကို ချစ်၊ ကျွန်မကလည်း သမီးလေးကို ချစ်ဆိုတော့ လူတွေရဲ့ မနာလိုမှုကို ခံရတယ်လေ။ သမီးလေးက အင်မတန် သိတတ်၊အလိုက် အထိုက် ကလည်း သိဆိုတော့ ကျွန်မအသဲ တုန်ရတာပေါ့ရှင်။

သမီးကလည်း အိပ်ရင် ကျွန်မနဲ့ပဲ အိပ်တာလေ။ မနက်ဆိုရင် ကျွန်မအလုပ် သွားဖို့ သမီးလေးက အမြဲနိုးပေးရတယ်။ကျွန်မကလည်း သမီးလေးနိုးမှ အိပ်ရာက ထတာလေ။ တစ်ခါတစ်ခါ နိုးနေပေမယ့် သမီးလေးကို စချင်နောက်ချင် နေတော့ အိပ်ရာမထသေးပဲ သမီးလေး အနိုးကို စောင့်နေတာ။အချိန်တန်ပြီ ဆိုရင် သမီးလေးလာ နိုးပါပြီ၊ သူမအိပ်ရာက မထမချင်းကို နိုးနေတော့တာ။ အသံကုန် အော်ပြီး နှောင့်ယှက် တော့တာပဲ။ ချစ်စရာ အလွန်ကောင်းပြီး အပြစ်ကင်းတဲ့ သမီးလေးကြောင့် သူမအိပ်ရာကထရပါပြီ။

အလုပ် သွားဖို့ ပြင်ဆင်တော့လည်း ကျွန်မအနားမှာ ထိုင်စောင့် နေတာလေ။ ပြီးရင် အိမ်ပေါက်ဝ ရောက်တဲ့ အထိ လိုက်ပို့ပေး ပြီးတာနဲ့ ကလေးသဘာဝ သူ့ဟာသူ ဆော့နေတော့ တာပေါ့။ အလုပ်က ပြန်လာခါ နီးပြီဆိုရင်လည်း အိပ်ပေါက်ဝမှာ ထိုင်စောင့်နေပြီး ကျွန်မကို တွေ့တာနဲ့ ပြေးလွှား ခုန်ပေါက်ပြီး ရင်ခွင်ထဲကို တိုးဝင်လို့ ချွဲနွဲ့ နေတော့တာပေါ့။

ကျွန်မ အလုပ်မသွားခင် ဆိုရင် သမီးလေးကို မေမေတို့နဲ့ အပ်ထားရတာလေ။ ကျွန်မမရှိရင် မေမေတို့ စကားကို သမီးလေး မေစီ နားထောင် ရတာပေါ့။ အမေက စည်းကမ်း အရမ်းရှိတာ။ သူဆိုးလို့ မရဘူးလေ၊ သူ့အတွက် ဒုတ်တောင်မှ သီးသန့် ထားတာလေ၊ကျွန်မမရှိရင် သမီးလေး မေစီက မီးကို သေနေတာပဲ။ ကျွန်မပြန်လာ ပြီဆိုရင်တော့ ဆိုးတော့တာပဲ၊သူက ဘယ်သူ့ကိုမှ လူလို့မထင်တော့ဘူး၊

ကျွန်မကလည်း ပြန်လာရင် သမီးလေးကို တစ်ခုချင်း မေးတယ်၊ မာမီ့သမီးလေး ကိုဘယ်သူက အနိုင်ကျင့်လည်းပေါ့။ ကျွန်မမေး သမျှကိုလည်းသူကပြန်ဖြေပြီးကျွန်မကို ပြန်တိုင်တာပေါ့။ အဲလို အရွယ်နဲ့ မလိုက်အောင် သိတတ်လွန်းတော့လည်း ရှိသမျှ အချစ်တွေကို စုပုံခဲ့ ရတာလေ။ ကျွန်မရဲ့ အစ်မက ဆိုရင် ဟဲ့.. နင့်သမီး ကလေ နင်မရှိရင် ငါတို့ စကားတစ်ခွန်း ထဲပဲသိလား၊ မီးကို သေနေတာပဲ ၊နင်ရှိရင် အဲဒီကလေး အရမ်း လူပါးဝတယ်။ အမြင်ကတ်ဖို့ ကောင်းတယ် ဆိုပြီး အမြဲပြောတယ်လေ။

ကျွန်မ သမီးမေစီ ကလည်း သူတုိ့ပြော သလိုမျိုးပါပဲ၊ ကျွန်မပြန်လာရင် နင်းပေးရတာနဲ့၊နှိပ်ပေးရတာနဲ့၊ သူတို့ မနာလို ချင်စရာလည်း ကောင်းနေတာကိုး။အင်မတန် ချွဲတတ်တာလေ၊ ကျွန်မကလေ အလုပ်မှာ ဘယ်လောက်ပဲ ပင်ပန်းပင်ပန်း၊ ဘယ်လောက်ပဲ STRESS များများ အိပ်ပြန် ရောက်လို့ သမီးလေးရဲ့ မျက်နှာများ မြင်လိုက်ရရင် ကိုအိုအေစစ် ကမ္ဘာထဲ ရောက်သွားသလိုပဲ၊ ရှိသမျှ အမောတွေ ပြေသွားတာ၊ ကျွန်မ ရှာသမျှ ကျွန်မမိဘနဲ့ ကျွန်မရဲ့ ချစ်စရာ ကောင်းတဲ့ သမီးလေး မေစီအတွက်ပဲလေ။ သမီးလေးရဲ့ အရွယ်နဲ့ မလိုက်အောင် သိတတ်မှုနဲ့၊ ချစ်စရာ အပြုအမူ တွေကြောင့် မိသားစုတွေရဲ့ အရေးပေးမှု့ ကိုရရှိ နေပြီလေ။အခုဆိုရင်ကျွန်မ မိသားစုကလည်း သမီးလေးမှ သမီးလေး ဖြစ်နေပြီ။

ဒီလိုနဲ့ ကျွန်မ သမီးလေး အရွယ်ရောက်လို့ ကြီးပြင်းခဲ့ပါပြီ၊ ကျွန်မသမီးလေးက ချစ်စရာ ကောင်းတော့ ဘေးမှာ လိုချင်သူ ကာလသားတွေက ၀ိုင်းဝိုင်းလည် နေတာပေါ့၊ ဒီလို သမီးချောလေးကို ပိုင်ဆိုင်ထားတဲ့ ကျွန်မ အရင်က ထက်ပိုလို့တောင် သမီးလေးကို စိတ်မချ ဖြစ်ရတာပေါ့။

တစ်နေ့တော့ ကျွန်မ သမီးလေး အစာမစား၊ တစ်မှိုင်မှိုင် တစ်တွေတွေ ဖြစ်နေတော့ အမြဲတမ်း အရိပ်လို လိုက်ကြည့်နေတဲ့ ကျွန်မ ရင်မှာ သောကမီးတွေ လောင်ရပါပြီ၊ ကံကြမ္မာ မုန်တိုင်းထန် လာလိမ့်မယ်လို့ ဘယ်သူတွေများ ထင်မိမှာလဲ၊

သမီးလေး နေမကောင်းတော့ ဆရာဝန်နဲ့ ပြနေရတယ်လေ။ ဆေးခန်းကို နေ့တိုင်းသွား နေရပေမယ့် သမီးလေး မသက်သာဘူး၊ ဒါနဲ့ အထူးကု ဆရာဝန် ဆီမှာ သွားပြတော့ သမီးလေးမှာ ကိုယ်ဝန်ရှိ နေပြီတဲ့။ အဲဒါ ကိုယ်ဝန်ပျက်ကျပြီး ဗိုက်ထဲမှာ ကလေးသေ နေတယ်တဲ့။ ဆရာဝန်မကြီးက သမီးလေးကို ခွဲစိပ်ရမယ်၊ ဒါပေမယ့် သမီးလေးမှာ နှလုံးက အရမ်းအားနည်း နေတော့ ချက်ချင်း ခွဲစိပ်လို့မရဘူး၊ အသက် အန္တာရယ် ကလည်း စိုးရိမ်နေရတော့ အချိန်စောင့် ရဦးမယ်တယ်တဲ့။ ဒါကြောင့် သမီးလေးကို ဆေးထိုးပြီး အားမွေး နေရတယ်လေ။ မိသားစုဝင် တွေကလည်း အင်္ဂုလိမာလသုတ် ရွတ်ပေးတဲ့ လူနဲ့ ပရိတ်ရည် တိုက်တဲ့သူနဲ့ သမီးအတွက် စိုးရိမ်နေ ရပြီလေ။

ဒီလိုနဲ့ ခွဲစိပ်ရမယ့်နေ့ကို ရောက်ရှိလာပါတယ်။ သမီးလေးကို ခွဲစိပ်ခန်းထဲ ခေါ်သွားပါတယ်။ သမီးလေးကလေ ကျွန်မရှိနေတော့ ကျွန်မကို ချွဲလိုက်တာမှ တကယ့် ကလေးငယ်လေး တစ်ယောက်အတိုင်းပါပဲ။ လူနာကိုယ်တိုင်ကိုလည်း ခွဲစိပ်တာ ပေးမမြင်ချင်တော့ လူနာကို ကန့်လန့်ကာ အစိမ်းရောင်လေးကို ကာပေးထားတယ်လေ။ အခန်းထဲမှာ ခွဲစိပ်ခန်း ၀တ်စုံလေးနဲ့ သမီးလေး မေ့ဆေးကြောင့် မေ့နေပါပြီ။ အပြင်ကနေတော့ လူနာရှင်တွေက အဂုင်္လိမာလသုတ် ကိုရွတ်ပေးကြပါတယ်။ သမီးလေးကို အောင်မြင်စွာ ခွဲစိပ်နိုင်အောင် ဆုတောင်းနေ ကြတာပေါ့။ ဒီလိုနဲ့ ၁နာရီ ကျော်ကျော်လောက်မှာ သမီးလေးကို အောင်မြင်စွာနဲ့ ခွဲစိပ်နိုင်ခဲ့ပြီး ခွဲစိပ်ခန်းထဲကနေ ဆရာဝန်ကြီးက သမီးလေးကို ခေါ်ထုတ်လာပါတယ်။

သတိမေ့ နေသေးတဲ့ သမီးလေးကို ဆေးရုံမှာ မထားပဲ အိမ်ကိုပဲ တန်းခေါ် လာခဲ့ကြတယ်။ အိမ်မှာတော့ ဆရာဝန်ကြီးရဲ့ မှာကြားချက်နဲ့ ကြပ်ကြပ်မတ်မတ်နဲ့ ဂရုတစိုက် ပြုစုခဲ့ကြတယ်။ ဆရာဝန်နဲ့ လည်းတစ်ပတ်ကို ၃ကြိမ် ထပ်ထပ် သွားပြရသေးတယ်။ ချုပ်ရိုးဖြည်တော့လည်း ချုပ်သားတွေက သူများတွေနဲ့ လုံးဝမတူပဲ အရမ်းလှလို့ ဆရာဝန်ကတောင် ချီးကျူးရတယ်လေ။ အဲလိုနဲ့ ဆရာဝန်ကြီး မိသားစုတွေရဲ့ အချစ်တော် သမီးလေး ဖြစ်လာရ ပြန်တယ်လေ။ ဆရာဝန်ကြီး ကလည်း သမီးလေး မေစီမှ မေစီဖြစ်နေတာ။

ကြည့်စမ်းပါဦး။ ချစ်စရာ အရမ်းကောင်း၊ ချောလည်းချော၊ လှလည်းလှ၊ အရာရာကို သိတတ် နားလည်လွန်းတော့လည်း လူတွေရဲ့ ပါးစပ်ဖျားမှာ ရေပန်းစား နေတာလေ။ ဒီလိုနဲ့ သမီးလေးလည်း ကျန်းမာရေး ပြန်လည် ကောင်းမွန်ပြီး မိသားစုတွေနဲ့ ပတ်ဝန်းကျင်ရဲ့ ချစ်ခင်မှုတွေရဲ့ အောက်မှာ ပျော်ရွှင်စွာနဲ့ သူဘ၀ကို ယခုအချိန်ထိ ဖြတ်သန်း နေပါတယ်။

အခုပြော ချင်တာက မေတ္တာ ရောင်ပြန်ဟပ်မှု ကိုပြောချင်တာပါ။ တစ်ဦးမေတ္တာ တစ်ဦးမှာ ရောင်ပြန် ဟပ်တယ်ဆိုတာ လူသားတွေမှာမှ မဟုတ်ပါဘူး၊ မည်သည့် သတ္တ၀ါမဆို ဖြစ်ပေါ်တယ် ဆိုတာပါ ။သမီးလေးမေစီဟာ သေးငယ်တဲ့ တိရစ္ဆာန် ကြောင်မလေး ပင်ဖြစ်လင့်ကစား သူ့ကို တိရစ္ဆာာန် အရာမှာ မထားပဲ လူသားတစ်ဦး အသွင်ပြုမူ ဆက်ဆံတဲ့ အတွက် မေတ္တာ ရောင်ပြန် ဟပ်တာကို ပြောချင်တာပါ။

မက်မက်ရဲ့ အဖေက အသက်အရွယ် အိုမင်းမှုကြောင့် လမ်းမလျှောက် နိုင်ပါဘူး၊ ခြေလေးချောင်း ထောက်တန်နဲ့ သွားရတာပါ။ အမြဲတမ်း လူအကူ ဘေးမှာရှိရတယ်။ တနေ့တော့ အဖေနဲ့ မိသားစုဝင်တွေ သတိမမူ မိကြတဲ့ အချိန်မှာ မြွေတစ်ကောင် ဘယ်ကနေ ၀င်လာမှန်း မသိပဲ အဖေ့ကုတင်နားကို ရောက်လာပါတယ်။ အဖေကလည်း မြွေကိုမတွေ့ပါဘူး။ ဒါကိုသမီးလေး မေစီ တစ်ယောက်ပဲ မြင်တယ်လေ။ အဲဒီအချိန်မှာ အဖေ့အနားမှာ အိမ်သားတွေ ဘယ်သူမှ မရှိဘူး။ အဲဒီမှာ သတ္တိခဲမလေး မေစီက အဖေ့အသက်ကို သူ့အသက်နဲ့ လဲပြီး ကာကွယ် ပေးပါတယ်။

မြွေကိုခဲ ထားပြီး မြွေနဲ့ ရန်ဖြစ်နေတာပေါ့။ အသံကြားတော့မှ အဖေက အိမ်သားတွေကို အော်ခေါ်တော့ အားလုံးက ထိတ်ထိတ်ပြာပြာနဲ့ ပြေးလာကြပြီး မြွေကို ခြောက်လွတ်ပြီး သမီးလေး မေစီလေးကို လည်းဆွဲထား ရတာပေါ့။ တကယ်ဆို အဖေ မမြင်တဲ့မြွေ၊ အိမ်သားတွေ သတိမမူ မိတဲ့မြွေ အဖေ့အနားမှာ လူရှိမနေ တဲ့အချိန်၊ သမီးလေး မေစီသာ အနားမှာ မရှိခဲ့လျှင်.....??????

ဒီပို့စ်လေး နဲ့အတူ အင်မတန် ချစ်စရာ ကောင်းပြီး အရမ်းချောလှတဲ့ ကြောင်မလေး မေစီရတနာ လေးကိုဂုဏ်ပြုပါတယ်။ မေစီရတနာလေးကို ချွေးမတော် ချင်ရင်ပြောနော်၊ဟီးဟီး.. :P :P

ဦးနော်နဲ့ မယ်မယ်ရေ စီလေး ရေးပြီးပြီနော်...ကျေနပ်တော့နော့်...စာဖတ်သူ တွေလည်း သွေးတိုး ကုန်တော့မယ်.. ခစ်ခစ်... :)

Saturday, March 28, 2009

ဘီယာနှင့်ကျန်းမာရေး






ဘီယာဟာ အရက်တော့ မဟုတ်ပါ။ တစ်ငွေ့ငွေ့လေးနဲ့ အတော်လာတာ...အဟား.. ဒီသီချင်းလေးကို ကြားဖူးကြ မှာပါနော်။ ဘယ်သူဆိုတာလဲတော့ မမှတ်မိတော့ဘူး။ အဟဲ.. :P တစ်နေ့ က RAFFLES PLACE ကိုရောက်တော့ ဟန်နီကယ်လ် ဘီယာပိုစတာ ကြောငြာကို တွေ့လိုက်မိပါတယ်။ဒါနဲ့ GHOBY GHAUT ကိုရောက်တော့လည်း တစ်ခါ တိုက်ဂါးဘီယာကို ပရိုမိုရှင်းလုပ်တာနဲ့ ကြုံခဲ့ပြန်ရော။

ဒါနဲ့ ဘီယာနဲ့ ပတ်သတ်တဲ့ အကြောင်းလေး ရေးမယ်ပေါ့ဆိုပြီး စိတ်ကူးနဲ့ ဓာတ်ပုံလေးပဲ ရိုက်လာလိုက်တယ်။ ဒါပေမယ့် သိတဲ့အတိုင်း အခုတစ်လော အလုပ်တွေက ရှုတ်နေရယ်၊ ကွန်နက်ရှင် အခက်အခဲ ရယ်ကြောင့် ဘယ်လိုမှ ပို့စ်အသစ်တင်ဖို့ မရဘူး ဖြစ်နေတယ်လေ။တစ်ခါတစ်ခါ ကိုယ့်အိမ်ကို ကိုယ်ဝင်လို့ တောင်မရတဲ့ အခြေအနေ နဲ့တိုးတိုးနေတာလေ။ အဟဲ..အဲလိုနဲ့ အကြောင်းပြပြီး ပျင်းနေတာလည်း ပါပါတယ်။ ဒါကြောင့် ပင်လယ်ရေ ခမ်းရင်ခမ်း ပါစေကွာ ဘာဖြစ်လဲဆိုပြီး ဆားချက်လိုက်ပါတယ်။ :P :P အားနာပါးနာနဲ့ ဖတ်လိုက်ပါဦးနော်။

ဒါကတော့ ဖော်ဝပ်မေးထဲက ဘီယာနဲ့ ပတ်သတ်တဲ့ ကျန်းမာရေးဆိုင်ရာ ဆောင်းပါးလေးပါ။ အားလုံးသိရအောင် ပြန်လည်ဖော်ပြ ပေးပါတယ်။ ဘီယာကြိုက်တဲ့ ဦးဦးတို့ ကိုကိုတို့၊ မောင်မောင်တို့ မမတစ်ချို့တို့လည်း တန်ဆေးလွန်ဘေး မဖြစ်အောင် ရှောင်လို့ရတာပေါ့နော်။

ဘီယာ တပိုင့်(နှစ်ခွက်စီ) မျှ နေ့စဉ် နေ့တိုင်း သောက်သုံးခြင်းသည် ဆီးကြိတ် ကင်ဆာကို ဖိတ်ခေါ်သလို ဖြစ်လာစေကြောင်း ပညာရှင်များက တွေ့ရှိ ခဲ့ကြသည်။ဗြိတိန် ကျန်းမာရေး ၀န်ကြီးဌာနသည် ဘီယာ၊ အရက်တို့ နှင့်ဆီးကြိတ် ကင်ဆာ ဆက်နွယ်မှုကို လေ့လာသည့် စစ်တမ်း (၃၅)ခုကို စုစည်းပြီး လေ့လာမှုများ ပြုလုပ်ကာ နောက်ဆုံး ရလဒ်အဖြစ် နေ့စဉ် ဘီယာတပိုင့် သောက်ပါက ဆီးကြိတ် ကင်ဆာ ဖြစ်လာနိုင်ခြေ (၂၀)ရာခိုင်နှုန်း မြင့်တက်လာကြောင်း ဖော်ပြခဲ့သည်။

တစ်ပါတ်အတွင်း ဘီယာ(၁၄)ခွက် ထက်မနည်း သောက်လေ့ ရှိသူများတွင် ထိုအချက်မှာ ပိုမို သိသာကြောင်း သုတေသီများက ဆိုသည်။ ဗြိတိန် နိုင်ငံတွင် အရက်နှင့် ဘီယာ နှစ်ခြိုက်စွာ သောက်သုံးလေ့ရှိသူ (၉၀၀၀) မျှနှစ်စဉ် ကင်ဆာဖြင့် သေဆုံး လျှက်ရှိကြောင်း သတင်း ရရှိပါသည်။

ဟုတ်ကဲ့..ကျေးဇူးပါပဲနော်။

Thursday, March 19, 2009

အတာနှင့်သုရာ



အင်မတန် နားဝင်ချိုတဲ့ သင်္ကြန်တေးသံပါ



(မြူမှောင် ဝေကင်းငွေ အဆင်းဆန္ဒ ပြည်ထောင် တိုင်းမြန်ပြည် ငြိမ်းချမ်း အောင်ဆု သွန်းခါရေ အေးစေကြောင်း လောင်းတဲ့ လုံမေ ထူးထူး ကဲကဲ လှကြပါစေ အဆင်ပြေ မြင်ရသူ ကြည်နူး လောက်ပေ သံသာ ချိုမြမြ ဆိုတေး လေးတွေ မန်းမြို့သူရဲ့ ဂုဏ်နဲ့ ညီပေ ယဉ်ကျေး သူတွေ မနှစ်ကပဲ လောင်းခဲ့ တာတွေ အေးအေး မြမြ မမေ့တဲ့နိုင်ပေ သင်းပျံ့ပေ ရွှေပန်း ပိတောက်တွေ ရွဲရွဲနဲ့လေ အဆင်မြဲ မြန်းကာ လှတဲ့မေ ငွေငန်း မောင့်ကို လောင်းတဲ့ရေ ဘေးဘရာ ဝေးကွာ ကင်းစင်ပမယ် လေ ဒီရေ ပွဲ သင်္ကြန်ရေ)



သင်္ကြန်ဆိုတာ ကူးပြောင်းခြင်းလို့ အဓိပ္ပာယ်ရပါတယ်။ သင်္ကြန်ဆိုတာ ဗြဟ္မာဏ ၀ါဒကနေ ဆင်းသက် လာတာပါ။ နှစ်အားဖြင့် တစ်နှစ်မှ တစ်နှစ်သို့ ကူးပြောင်းခြင်း လဲမှန်ပါတယ်။ကဲ....ဒါဆို ဘယ်လို ကူးပြောင်းတုန်းလုိ့ မေးရမယ် ဆိုရင်တော့ နေရွာကနေ သေရွာသို့လို့ အဖြေထွက်ပါတယ်။ ကောင်းရာမှ မကောင်းရာသို့ ကူးပြောင်းခြင်း ၊ မကောင်းရာမှ ကောင်းရာသို့ ကူးပြောင်းခြင်း လို့လည်း သတ်မှတ်ပါတယ်။



ကဲ....ဒါဆို သင်္ကြန်မှာ ဘာလို့ ရေလောင်းကြတာလဲ။ ရေပတ်ကြတာလဲလို့ မေးစရာ ရှိပါတယ်နော်။ သင်္ကြန်ပွဲတော်မှာ မြန်မာတိုင်းရင်းသားများ အားလုံးတို့ဟာ ပျော်ရွှင်စွာ ရေပက်ကစားကြပါတယ်။ သင်္ကြန်ရေပက် ဖျန်းခြင်းသည် လေးနက်မွန်မြတ်သော အဓိပ္ပါယ်ရရှိပါတယ် ။ ရေသည် မေတ္တာဓာတ်ကို တင်စားတာပါ။ ရေကစား ကြသည်မှာ ရေလိုအေး၍ ပန်းလိုလန်းပါစေ ဟူသော မေတ္တာဓာတ်ဖြင့် ကစားခြင်း ဖြစ်ပါတယ်။



သင်္ကြန်ရောက်ရင်တော့ သင်္ကြန်သီချင်း လေးတွေနဲ့ စိတ်ကကိုယ့် မြန်မာလူမျိုး တွေရဲ့နှစ်သစ်ကူးဆိုတော့ ပျော်ကြပါတယ်။ အဲ.. တစ်ချို့ကလည်း အဲဒီလို အကူးအပြောင်းလေးမှာ တရားဘာဝနာ အားထုတ်ရင်း ကောင်းမူကုသိုလ် ယူကြပါတယ်။ တစ်ချို့ကျတော့လည်း အရက်သေစာ သောက်စားမူးယစ်ကြပြီး အပျော်လွန်ကုန်ကာ မဖြစ်သင့် တာတွေဖြစ် ကြပါတယ်။အရက်ကို လူတော်တော် များများ သင်္ကြန်ရက်မှာ ဘာကြောင့် ယောကျာင်္းမိန်းမ အရက်သောက်ကြတာလဲ၊ ဆင်ခြေကတော့ အချမ်းပြေတဲ့။ အရက်ဆိုလို့ အရက်အကြောင်းလေး နဲနဲလောက် အတိုချုပ် ပြောပြမယ်နော် ။



ဟိုးတစ်ခါ တုန်းကပေါ့ ကြီးမားတဲ့ တောကြီးမျက်မည်းထဲမှာ ရှိတဲ့သစ်ပင်ကြီး တွေကနေ သစ်သီးတွေ ကြွေကျတာပေါ့။အဲ...အချိန်ကြာ လာတာနဲ့အမျှ အဲဒီအသီး တွေကနေပြီး အရည်ဖောက်လာတော့ ကျေးငှက် တိရစ္ဆာန်တွေက လာရောက် သောက်စားပြီး တိရစ္ဆာန်စိတ်တွေ ပျောက်ကုန်ခါ မူးယစ်နေ ကြတာပေါ့။ ဒီလိုနဲ့ ကာသိတိုင်းက တောလိုက်မုဆိုးကြီး သုရာကနေပြီး တောထဲမှာ အမဲပစ်ထွက်ရင်း ကျေးငှက်တိရစ္ဆာန်တွေ မြောက်များစွာ လဲကျနေ တာကိုတွေ့တော့ အလွယ်တကူပဲ ဖမ်းယူခဲ့တယ်။ နောက်တော့ သူစဉ်းစားတယ် ကျေးငှက်တွေ ဘာကြောင့် ဒီလိုဖြစ်တာလဲပေါ့ အဲဒီမှာ ယစ်ရည်တွေကို တွေ့တော့ မြည်းစမ်းသောက် ကြည့်တာမှာ အင်မတန် နှစ်သက်သွားတယ်။အဲဒီမှာ အနီးအနားမှာ တရားကျင့် ကြံနေတဲ့ ၀ရုဏ ရသေ့ကို တွေ့တော့ ယစ်ရည်တွေ ဆက်ကပ်လိုက်ပါတယ်။ အဲဒီမှာ ရသေ့ကလည်း နှစ်ချိုက်သွားတော့ လူထွက်လိုက်ပါတယ်။



သုရာမုဆိုးက တွေ့ရှိလို့ ယစ်ရည်ကို သုရာရည်လို့ ခေါ်ဆိုလိုက်ပါတယ်။ဒါနဲ့ ယစ်ရည် ဖြစ်လာပုံကို သိသွားတော့ ကိုယ်တိုင်လုပ် ယူပါတယ်။ ဒီလိုနဲ့ သုရာနဲ့ ၀ရုဏ တို့နှစ်ဦးက သာကေတ တိုင်းကိုသွားရောက်ပြီး သုရာရည်တွေကို ရောင်းချပါတယ်။ ဘုရင်အပါအ၀င် သာကေတ တစ်တိုင်းပြည်လုံး အရက်ရဲ့ ကျေးကျွန်တွေ ဖြစ်ကုန်ကြတာပေါ့။တိုင်းပြည် တပြည်လုံးလဲ ပျက်စီး ကုန်ပါတယ်။ ဒီလိုနဲ့ စီးပွားရေး မကောင်းတော့ သာကေတ တိုင်းပြည်ကနေ သာတတ္ထိမြို့လေးကို ရောက်ရှိလာပါတယ်။ ထုံးစံအတိုင်း ဘုရင်ကို ဆက်သတာပေါ့။ ဘုရင်က အရက်ကို သူ့နိုင်ငံမှာ စမ်းသပ်ချက်ဆိုပြီး ခွင့်ပြုထား လိုက်ပါတယ်။ ကြွက်အန္တာရာယ်တွေက ကင်းဝေးအောင် ကြောင်တွေကို အစောင့်ထားခဲ့ရာ ကြောင်တွေက သုရာရည်တွေကို သောက်သုံးပြီး စဥ့်အိုးနားမှာ မူးမေ့နေတော့ ဘုရင်က သူတို့နိုင်ငံကို သေကြောင်းကြံတယ်၊ အရက်ထဲမှာ အဆိပ်ခတ် ထားတယ်ဆိုပြီး သုရာနဲ့ ၀ရုဏတို့ နှစ်ယောက်ကို သေဒဏ် ပေးလိုက်ပါတယ်။



အဲဒီလိုနဲ့ မူမေ့နေတဲ့ ကြောင်လေးတွေ သတိရလာတော့ ဘုရင်က အံသြပြီး ချက်ထားတဲ့ အရက်အိုးကို မြည်းခိုင်းစေပါတယ်။ ဒီအခါမှာ ပစ်ဒဏ်ပေးလိုက်တဲ့ သုရာနဲ့ ၀ရုဏတို့ကို နှမြောတသ ဖြစ်တာပေါ့။ ဒါနဲ့ သူ့တိုင်းပြည်မှာ အရက်ဆက်လက် ချက်လုပ်စေတော့တယ်။ နေ့နေ့ညည သောက်စားမူးယစ်ပြီး တိုင်းပြည်က ပျက်စီးစ ပြုတော့မှာကို သိတော့ သိကြားမင်းက လူယောင် ဖန်ဆင်းပြီး ဘုရင်ဆီမှာ အရက်လာ ရောင်းပါတယ်။ ဒီလိုရောင်း တဲ့အခါမှာ အရက်၏ ဆိုးကျိုး၂၆မျိုးကို ကြော်ငြာကာ ပြောရောင်းပါတယ်။ ဒါကို ဘုရင်က အရက်၏ ဆိုးကျိုးတွေကို သိသွားပြီး အမြင်မှန် အသိတရား ရရှိပြီး အရက်ချက်ခြင်း ရပ်ဆိုင်းလိုက်ပါတယ်။



မြန်မာမှာ မြန်မာ့ရိုးရာ ယဉ်ကျေးမှုကို ခိုးခံရတာ ကြာပါပြီ။ အတာသင်္ကြန်ကို မူးယစ်သောက်စား ပြီးဆင်နွဲ မယ့်အစား မြန်မာတွေရဲ့ ယဉ်ကျေးမှုကို ထိန်းသိမ်းသော အားဖြင့် ကုသိုလ် ဘာဝနာ ပွားများရင်း အတာသင်္ကြန်ကို ဆင်နွှဲနိုင် ကြပါစေ။ ထေရ၀ါဒဗုဒ္ဓ တရားသည် စွန့်လွတ်ခြင်းကို အခြေခံပါတယ်။ဒါကြောင့် မြန်မာဗုဒ္ဓဘာသာဝင် တွေဟာလည်း ဆိုးကျိုးပဲ ပေးတတ်တဲ့ အရက်ကို မသောက်ဘဲ စွန့်လွတ်ရင်းဖြင့် ကျန်းမာရေးနဲ့ လည်းညီညွှတ် သီလကုသိုလ်လည်း ရမှာမလွဲပါဘူးနော်။သင်္ကြန်မှာ သုရာမေရယ မဇ္ဇပမာဒဋ္ဌာနာ ဝေရမဏိ သိက္ခာပဒံ သမာဒိယာမိ ကိုစောင့်ထိန်းရင်း အတာသင်္ကြန်မှာ ယဉ်ကျေးမှု နဲ့အညီ မြန်မာ့ရိုးရာ သင်္ကြန်ပွဲကို ပျော်ရွှင်စွာနဲ့ ဆင်နွှဲနိုင်ကြပါစေ လို့ဆုမွန်ကောင်း တောင်းပေးပါတယ်။


Saturday, March 14, 2009

ပြန်ဆုံခွင့်


လေသင့်ရာလွင့်သွားတဲ့သစ်ရွက်ဟာလည်း
လေအပင့်မှာပြန်ဆုံခွင့်တွေနဲ့ ။
ရေစုန်မျောသွားပြီးသစ်ရွက်ဟာလည်း
ရေဆန်မှာဆုံဆည်းခွင့်တွေနဲ့ ။
ဝေးကွာမူ့ တွေကြားက
မိုးနဲ့ မြေဟာလည်း
တနေရာမှာပြန်ဆုံခဲ့ကြတယ်။
သို့ သော်လည်း-------- သို့သော်လည်း----- သို့သော်လည်း--- :)

တို့ နှစ်ယောက်ဟာ
သစ္စာတရားတွေနဲ့ ပေါင်းစည်းခဲ့ပြီးမှ
သည်းခံခွင့်လွတ်ခြင်းကင်းမဲ့မူ့ တွေကြောင့်
ပြန်ဆုံခွင့်ဆိုတာ-------
ဘယ်တော့မျှ------

အားပေးတာ ကျေးဇူးနော် ။ ဟတ်ဟတ်....အထင်တွေ ကြီးနေမှာ စိုးလို့ တခါတည်း ပြောလိုက်မယ်.....နော်... မက်မက်ရေးတာ မဟုတ်သလို တီတီဒွင်း ရေးသာလည်း မဟုတ်ဘူး...ခစ်ခစ်.... တော်နေ အထင်တွေ ကြီးနေမှာစိုးလို့...တခါတည်း ပြောလိုက်တာ။ :P ရေးသား သူကတော့ မောင်မြတ်ပါ။ ကျေးဇူးပါ မောင်မြတ်ရေ :)


Wednesday, March 11, 2009

သတင်းကောင်းပါးအပ်ပါတယ်


မင်္ဂလာပါ။ ဓမ္မမိတ်ဆွေ အပေါင်းတို့အား သတင်းကောင်းလေး တခုပေးပါရစေ။ မြန်မာနိုင်ငံ အ၀ိဇ္ဇာမှ ၀ိဇ္ဇာသို့ ၄၅လမ်း တရားရိပ်သာနှင့် သန်လျင်ဘုရားကုန်း ရိပ်သာမှ အ၀ိဇ္ဇာမှ ၀ိဇ္ဇာသို့ ဆူနာမီ ဆရာတော် ဦးဥတ္တမသာရသည် စင်္ကာပူနိုင်ငံသို့ သာသနာပြုရန် ခေတ္တခဏ ရောက်ရှိလာပါသည်။ ယခုကဲ့သို့ ခေတ္တခဏ လာရောက်နေစဉ်တွင် Block 310 Camberra Road #14-143 Sambawang Dr.S-750310 နေအိမ်တွင် 12.3.2009 မှ 21.03.2009 ထိ ၁၀ ရက် အချိန်ပြည့် တရားပွဲ ကျင်းပပေးမည် ဖြစ်ပါသောကြောင့် တရားအား ထုတ်လိုသူ ဓမ္မမိတ်ဆွေ သူတော်ကောင်း အပေါင်းတို့အား သတင်းကောင်းပါး ပေးလိုက်ပါတယ်နော်။ တပိုင်တနိုင် မိမိ အားလပ်သည့် အချိန်တွင် တရားဘာဝနာ အားထုတ်ချင်လျှင် လာရောက်တရား အားထုတ်ရန် ဖိတ်ခေါ်ပါတယ်။ ဒါ့အပြင် အားလပ်သည့် အချိန်တွင်လည်း သိချင်သည့် အရာများနှင့် မရှင်းလင်းသည်များ ရှိခဲ့ပါက ဆရာတော်နှင့် ဆွေးနွေးမေး မြန်းနိုင်ပါတယ်။

ထို့နောက် ဆရာတော်သည် စင်္ကာပူမှတဆင့် မလေးရှားနိုင်ငံ ကေအယ်လ်တွင် 24.03.09 ကနေ 2.04.2009 အထိ သာသနာပြု သွားရောက်မှာဖြစ်ပြီး ထိုမှတဆင့် ထိုင်းနိုင်ငံ ဘန်ကောက်မြို့တွင် 4.04.09 မှ 8.04.2009 အထိသာသနာပြု သွားရောက်မည် ဖြစ်ပါကြောင်း ဓမ္မမိတ်ဆွေ အပေါင်းတို့အား မင်္ဂလာသတင်း ဖြန့်ပွားပေးပါတယ်။

Saturday, March 7, 2009

မြန်မာနိုင်ငံထေရ၀ါဒအစ


(ရှင်အရဟံအား အနော်ရထာမင်းမှ ပိဋကတ်တော်များ ဆက်သနေပုံ)

နမော ၀ိဘဇ္ဇ၀ါဒိနော မဟာ ကာရုဏိကဿ
နမော ၀ိဘဇ္ဇ၀ါဒိနော မဟာ ကာရုဏိကဿ
နမော ၀ိဘဇ္ဇ၀ါဒိနော မဟာကာရုဏိကဿ
မဟာကာရုဏိကဿ-ကြီးကျယ်များပြား ကရုဏာတရားကို၊ ဝေနေယျ သတ္တ၀ါတို့ အပေါ်၌ ထားတော်မူ ပေထသော၊ မဟာကာရုဏိကဿ- အောက်သံသရာ သက္ကာယ၊ အထက်သံသရာ သက္ကာယဟု ဆိုအပ်သော သက္ကာယ နှစ်ဌာနသို့၊ မကျမရောက်ရအောင် စောင့်ရှောက်ကယ်တင် မဟာကရုဏာရှင်လည်း ဖြစ်တော်မူ ပေထသော၊ မဟာကာရုဏိကဿ- ဒုဂ္ဂတိဘုံ၌ ခံစားရမည့် ဒုက္ခသစ္စာ၊ သုဂတိဘုံ၌ ခံစားရမည့် ဒုက္ခသစ္စာ၊ ဤသစ္စာတရားတို့ကို မခံစားကြရအောင်၊ စောင့်ရှောက်ကယ်တင် မဟာကရုဏာရှင်လည်း ဖြစ်တော်မူ ပေထသော၊ ၀ိဘဇ္ဇ၀ါဒိနော- ဝေဖန်ပိုင်းခြားကာ ဟောကြားတော် မူလေ့ရှိ တော်မူသော၊ ၀ိဘဇ္ဇ၀ါဒိနော-ဤကား သဿတ လမ်းစဉ်၊ဤကား ဥစ္ဆေဒ လမ်းစဉ်ဟူ၍၊ အယုတ်တရား နှစ်ပါးတို့ကို ရှောင်ရှားကာ၊ မဇ္ဈိမပဋိဒါ အကျင့်မြတ် လမ်းစဉ်ကိုသာလျှင် ဝေဖန်ပိုင်းခြားကာ ဟောကြားတော် မူလေ့ရှိ တော်မူသော၊ ၀ိဘဇ္ဇ၀ါဒိနော-ဤကား ပယ်သတ်ရမည့် အကြောင်းတရား၊ ဤကား သိရုံသာ သိရမည့် အကျိုးတရားဟူ၍၊ ပယ်ရမည့် ပဟာတဗ္ဗခန္ဓာ၊ သိရမည့် ပရိဥာတဗ္ဗခန္ဓာ တို့ကို၊ ဝေဖန်ပိုင်းခြားကာ ဟောကြားတော်မူလေ့ ရှိတော်မူသော၊ သမ္မာသမ္ဗုဒ္ဓဿ-သစ္စာလေးတန် ဓမ္မမှန်ကို ဆရာမကူ သယမ္ဘူဥာဏ်ဖြင့်၊ ကိုယ်တော်တိုင် ပြည့်စုံစွာ သိမြင်တော် မူပြီးထသော၊ ကိုယ်တော်တိုင် ပြည့်စုံစွာ သိမြင်တော်မူပြီး သည့်အလျောက်၊ ဝေနေယျ သတ္တ၀ါတို့ကို ကိုယ်တော်နှင့်မခြား တစ်မူအလား တူသာလျှင်၊ သိမြင်တော်မူ စေတတ်သော သဗ္ဗညုတ ဥာဏပိုင်ရှင် ဘုရားရှင် ကိုယ်တော်မြတ်ကြီးအား၊ နမော- ဦးခေါင်းညွှတ်ကျိုး လက်စုံမိုး ၍၊ ရှိခိုးကန်တော့ လိုက်ရခြင်းသည်၊ အတ္ထု- စင်စစ်မသွေ ဖြစ်ပါစေသတည်း။သာဓု..သာဓု..သာဓု

ကျေးဇူးတော်ရှင် ဆရာတော် ဦးကောသလ္လ(ဓမ္မစေတီ)၏ ဗုဒ္ဓဂုဏ်တော် ဘုရားရှိခိုး စာတမ်းလေးပါ။ဆရာတော် ဦးကောဆီကို သွားရောက်ခဲ့တုန်းက ဆရာတော့်ကျောင်းမှာ သွန်းလုပ်ထားတဲ့ သာသနာ့ ကျေးဇူးရှင် ရှင်အရဟံနဲ့ အနော်ရထာ မင်းကြီးရဲ့ ရုပ်ထုတော်တွေကို စိတ်ဝင်စားတာနဲ့ သမိုင်းကြောင်းကို ပြန်ရှာလိုက်တဲ့ အခါမှာတော့ ဗုဒ္ဓသာသနာ မြန်မာပြည်မှာ ပြန်လည်တည်တံ့ လာခဲ့ရ ပုံကတော့….ဒီလိုပါ


မြန်မာနိုင်ငံတော်ကို သာသနာ သက်ဆင်းလာပုံကို ပြောရမယ်ဆိုရင် ရှင်အရဟံက စရပါလိမ့်မယ်။ရှင်အရဟံ၏ ဘွဲ့တော်က အရှင်ဓမ္မဒဿီ ဖြစ်ပါတယ်။ သထုံပြည်က အရှင်သီလဗုဒ္ဓိ မည်သော ရဟန္တာ အရှင်မြတ်ရဲ့ တပည့်အရင်းပါ။ ပုဂံပြည်မှာ သမုဒ္ဒရာဇ်မင်းစပြီး အနော်ရထာမင်းစော တိုင်အောင် မင်းအဆက်ဆက် တို့သည် သမထီး အရပ်၌ နေစမှတ်ပြု နေကြတဲ့ အရည်းကြီး ၃ကျိပ်နဲ့တပည့် အရည်းကြီး ၆သောင်းကျော်တို့ အဆုံးအမ ကိုခံယူ၍ အယူမှား ကိုးကွယ်နေတဲ့ အချိန်ပါ။ အရည်းကြီးတွေရဲ့ သိမ်းသွင်းထားတဲ့ အယူတွေကတော့-

၁။ သူ့အသက်ကို သတ်မိသော သူသည် ဤပရိတ်ကို ရွတ်သော် ကမ္မပထမှ လွတ်မြောက်၏။ ၂။ မိဘကို သတ်မိသော သူသည် ဤပရိတ်ကို ရွတ်သော် ပဉ္စာနန္တရိယကံမှ လွတ်မြောက်၏ စတဲ့ မဟုတ်မလျားတဲ့ အဓမ္မကို ဓမ္မဆိုပြီး လုပ်ကြံဟောကြား နေပါတယ်။ ပြီးတော့ မင်း၊ အမှူး၊ အမတ်၊ ကလန်၊ သံပျင်၊ သူဌေး၊ သူကြွယ်၊ ပြည်သူ၊ ပြည်သားတို့က သားသမီးကို ထိမ်းမြားမင်္ဂလာ ပြုတဲ့အခါမှာလည်း ဆရာအရည်း ကြီးတို့အား ပန်းဦးဆက်သ ပေးရပါတယ်။ ပန်းဦးဆက်သ ရသည်ဆိုပြီး သူတို့သမီးကို ညဥ့်ဦးကတည်းက သူတို့ထံ ပေးပို့ရပါတယ်။ မိုးသောက်နံနက် ရောက်လို့ လွှတ်လိုက်မှ ထိမ်းမြားခြင်း ပြုရပါတယ်။ ဆရာက ပန်းဦးမဆွတ်ဘဲ ထိမ်းမြားခဲ့ရင် အစဉ်ကို ဖျက်သည်ဟု ဆိုပြီး မင်းပြစ်၊မင်းဒဏ်ကို ခံရပါတယ်။

သက္ကရာဇ် (၄၀၆) ခုနှစ် ပုဂံပြည်မှာ အနော်ရထာမင်း နန်းတတ်စ ကာလမှာပါ။ ပုဂံပြည်မှာ အရည်းကြီးတွေ မင်းအဆက်ဆက် အဓမ္မ၀ါဒ ဖြန့်ခဲ့တော့ အနော်ရထာမင်းကြီး စိတ်ညစ်ဒွဟ ဖြစ်နေတာပေါ့။ အရည်းကြီးတွေရဲ့ အကြောင်းကို ကြားသိရတယ် ဆိုရင်ဖြင့် ပါရမီ ရင့်မာတဲ့သူ ဖြစ်တဲ့အတွက် နှစ်သက်တော် မမူပါဘူး။ မှားသော အယူဖြစ်သည် ဆိုပြီး ထိတ်လန့်ခြင်း ပြင်းပြစွာ ရှိတော်မူပါတယ်။

ပုဂံပြည်မှာ ရှင်ယောင် အရည်းတို့ဟာ သံဃာတော်-၃၀စီ အစုအသင်းဖွဲ့ နေကြပါတယ်။ အဲလို အစု ၁၀၀၀ ရှိတယ်တဲ့။အနော်ရထာ မင်းစောလည်း အရည်းကြီးတို့၏ အာဂါရိယ၊ အဗြဟ္မစရိယ အမူအကျင့်များကို မကြည်ဖြူ၊ မပေးကမ်း၊ မလှူဒါန်းတော့ ကောက်ကျစ်စဉ်းလဲ ဥာဏ်များတဲ့ အရည်းကြီး တစ်ယောက်က သူတို့ အပြုအမူ ကျင့်စဉ်တွေကို ကျမ်းစာလုပ်ပြီး သရေခေတ္တရာ ရသေ့ပြည်တွင် ရှိသော သခွတ်ပင်ကြီး အခေါင်း၌ ထည့်သိမ်းထားလေသည်။ ၃-နှစ်ပြည့်တော့ ပုဂံပြည်ကို လာရောက်ပြီး အနော်ရထာ မင်းစောကို ဤသို့ပြောကြား လာပါတယ်။

အကျွန်ုပ်တို့အား ကျမ်းစာမရှိလို့ တောင့်တကြတော့ ဘေးလောင်းတော် ဒွတ္တပေါင်မင်းကြီး မြို့တော်ရသေ့ပြည်မှ သခွတ်ပင်ကြီး အတွင်းမှာရှိတဲ့ ကျမ်းစာကို ဖော်ယူသင်ကြား ကျင့်ဆောင်ရမည်လို့ နတ်တို့ အိပ်မက် ပေးတယ်လို့ လျှောက်တင်တော့ မင်းကြီးလည်း ၀မ်းမြောက်ဝမ်းသာ ဖြစ်ပြီး ရသေ့ပြည်တွင်းသို့ စစ်အင်္ဂါ လေးပါးနှင့် ချီတက်ခဲ့သည်။ လုံးပတ် (၃၂) တောင်ရှိတဲ့ သခွတ်ပင်ကြီးကို ထွင်းဖောက်ပြီး ကျမ်းစာများကို ရယူကာ မင်းကြီးသဘောမကျ မဟုတ်မမှန် သိတော်မူသဖြင့် အဲ့ဒီနေရာမှာပဲ မီးရှို့စေ ခဲ့ပါတယ်။

သတင်းတွေကို တဆင့်စကား တဆင့်နားနှင့် ရှင်အရဟံ ကြားတဲ့အခါ သထုံပြည် ကနေပြီး သရေခေတ္တရာ ကိုကြွခဲ့ပါတယ်။ ရှင်အရဟံကို တောင်တွင်းကြီးမြို့ရှေ့ ကုန်းခေါင်တောင်ရိုးမှာ ကျက်စားနေတဲ့ မုဆိုးက တွေ့တော့ လူရိုင်းမှတ်ပြီး အနော်ရထာ မင်းကြီးဆီ ဆက်သဖို့ ဖမ်းဆီး ခေါ်ဆောင်သွားပါတယ်။ အရည်းကြီးတွေက ဆံလက် ၄-သစ် ၁-၀ါး ထားပြီး ဖန်ရည်စွန်း မ၀တ်၊ ပလောင်ရဟန်း၊ တရုတ်ရဟန်းများလို မဲထည်၊ မဲပြာ၊ အနက်၊ အမည်းကိုသာ ၀တ်ဆင်လေသည်။ အရှင်အရဟံကတော့ ဆံ၂-သစ်ထက်မလွန်၊ ပရိက္ခရာ ၈ပါး၊ စမ္မခဏ်များပါပြီး အရည်းများနှင့် အသွင်မတူတော့ မုဆိုးက လူရိုင်းမှတ်ပြီး ဖမ်းသွားတာပါ။

လူရိုင်းဆိုပြီး မုဆိုးက ဆက်သလာတဲ့ ရဟန်းကို အနော်ရထာ မင်းကြီးမြင်တော့ ဤသူကား လူရိုင်းလက္ခဏာ မရှိ၊ သူမြတ် လက္ခဏာ ရှိပေသည်လို့ ဆင်ခြင်ပြီး နေရာမှထကာ တင့်သင့်လျောက်ပတ်ရာ နေတော်မူပါလို့ သဘောစမ်း၍ ဆိုလိုက်ပါတယ်။ ရှင်အရဟံလည်း မင်းကြီးနဲ့ မဝေး မနီးလွန်းက ရာဇပလ္လင် ပေါ်တက်၍ စမ္မခဏ် ကိုခင်းကာ ထက်ဝက်ဖွဲ့ နေတော်မူပါတယ်။ဒါကို မင်းကြီးက ဤသူကား သူတော်သူမြတ် အစစ်တည်းလို့ နေရာယူပုံကို ကြည့်ပြီး ပီတိဖြစ် တော်မူပါတယ်။ ပြီးတော့ ရှင်အရဟံကို အရမ်းကြည်ညို သွားပြီး ဤသို့မေးမြန်း ပါသေးတယ်။

မင်းကြီး။ ။ အရှင်ကား အဘယ်အမျိုး အနွယ်တည်း။ အဘယ်အရပ်မှ ကြွလာသနည်း။ အဘယ်သူ၏ တရားအဆုံး အမကို ခံယူသနည်း။

မထေရ်။ ။ အသင်မင်းကြီး ငါ၏ အမျိုးအနွယ်ကား ဂုဏ်တော် (၉)ပါး ဘုန်းတော်(၆)ပါး အစိန္တေယျ(၄)ပါး နှင့်ပြည့်စုံတော်မူသော သမ္မာသမ္ဗုဒ္ဓဘုရား အနွယ်တည်း။ ငါ၏ ဆရာနှင့် သီတင်းသုံး ဖော်များရှိရာ သထုံပြည်မှ လာခဲ့သည်။ သမ္ဗာသမ္ဗုဒ္ဓ ဘုရားရှင် ဟောကြားသော အဆုံးအမကို ခံယူသည်။

မင်းကြီး။ ။သမ္မာသမ္ဗုဒ္ဓဘုရား အမျိုးအနွယ်တည်ကား အဘယ်သို့သောဂုဏ်၊ အဘယ်သို့သော အကျင့်ရှိ ပေသနည်း။

မထေရ်။ ။ သမ္မာသမ္ဗုဒ္ဓဘုရား ဟူသည်ကား သစ္စာလေးပါး မြတ်တရားကို ဆရာမရှိဘဲ မဖောက်မပြန် သိတော်မူ၍ မင်းထက်မင်း၊ နတ်ထက်နတ်၊ ဗြဟ္ဗာထက် ဗြဟ္ဗာဖြစ်သော ဂုဏ်ကျေးဇူး သူခပ်သိမ်းတို့၏ ဆင်းရဲခြင်းကို ပယ်သတ်ပေး နိုင်သောအကျင့် ရှိတော်မူ၏ဟု မိန့်တော်မူလေလျှင်

မင်းကြီး။ ။ မင်းကြီးလည်း အားရ၀မ်းသာ တော်မူ၍ ဘုရားရှင် ဟောကြားသော တရားဒေသနာ တို့ကို အကျွန်ုပ်အား တစ်စိပ်တစ်ဒေသမျှ ဟောကြားတော် မူပါလို့ တောင်းပန်လျှောက် ထားသည်တွင်

မထေရ်။ ။ (သီရိဓမ္မာသောက မင်းကြီးအား နိကြောဓ သာမဏေ ဟောသကဲ့သို့ ) ဒါန သီလ ဘာဝနာ တရားတို့၌ မမေ့မလျော့ရန် အပ္ပမာဒ သတိတရားကို အကျယ်ဟောတော် မူလေသည်။

မင်းကြီး။ ။ ဘုရားရှင် ယခုဘယ်မှာ ရှိသနည်း။ တရားတော်ကား မည်မျှများ ပါသနည်း။အရှင်မှ တစ်ပါး အခြားသော ရဟန်းတပည့် သံဃာများ ရှိပါသေး သလောဟု ၀မ်းမြောက်ဝမ်းသာ မေးမြန်းလေသည်။

မထေရ်။ ။ ဘုရားရှင်ကား ပရိနိဗ္ဗာန် စံတော်မူ၍ ဓာတ်တော်များသာ ရှိပါတော့သည်။ ပိဋက သုံးပုံ ၊ဓမ္မက္ခန္ဓာ (၈၄၀၀၀) ရှိပေသည်။ သထုံပြည်၌ ပိဋကသုံးပုံ အစုံ သုံးဆယ်ပင် ရှိလေသည်။ ငါမှတစ်ပါး အခြား ရဟန်းတော် များစွာလည်း ရှိပေသည်။

မင်းကြီး။ ။ ၀မ်းမြောက်လှပါသည် ဘုရား၊ အရှင်မှ တစ်ပါးအခြား ကိုးကွယ်အားထားရာ မရှိပါ။ ကျွန်ုပ်၏ အသက်ကိုပင် ဆောင်နှင်းလှူဒါန်းပါ၏။ တရားအဆုံးအမ ပေးသည့်အတိုင်း ခံယူပါမည် ဘုရား ဟု လျှောက်ထား လေသည်။

နေပြည်တော် အရှေ့ဘက် အရပ်၌ ဇေတ၀န်မည်သော ကျောင်းတော်ကို ဆောက်လုပ် လှူဒါန်းလေသည်။ မင်းကြီးသည် ရေကိုထမ်း၊ မိဖုရားသည် ဆွမ်းကိုရွက်ကာ နေ့စဉ်သွားရောက် လှူဒါန်းလေသည်။ သာသနာနှင့် ပတ်သက်သည် များကိုလည်း လျှောက်ထားမေးမြန်း လေသည်။ အရည်းကြီး တို့အားလည်း ပူဇော်ပသမှုကို ရပ်စဲလိုက်လေသည်။ ထို့ကြောင့် အရည်းကြီးတို့သည် ရှင်အရဟံကို ရန်ငြိုးထား ကြလေသည်။ မင်းကြီးကလည်း အရည်းကြီး တို့လက်မှ ကာကွယ်ပေးရန် ဆင်ခြင်ပြီး အရည်းကြီး သုံးကျိတ်နှင့် တပည့်လက်သား ၆သောင်းကျော်တို့ကို လူဝတ်လဲစေပြီး အဲမောင်းကိုင်၊ လှံကိုင်၊ ဆင်ချီးကျုံး၊ မြင်းချီးကျူံး အမှုတော်ထမ်း စေလေသည်။ ရှင်အရဟံ၏ သာသနာ၌ ကြည်ညိုသူ တို့ကိုလည်း ရဟန်းပဉ္စင်း ပြုပေးပြီး သာသနာ တော်မြတ်ကို သန့်ရှင်းထွန်းလင်း စေလေသည်။ ဤသို့ မင်းနှင့်ဆရာ ပူးပေါင်းတိုင်ပင်၍ သာသနာကို သန့်ရှင်းစေလေသည်။

အနော်ရထာ မင်းကြီးသည် ရှင်အရဟံ၏ တိုက်တွန်းချက်အရ သာသနာတော် ပြန့်ပွားစေရန် စကားပြောကျွမ်းကျင် လိမ္မာသော အမတ်တစ်ဦးကို တန်စိုးလက်ဆောင် များပေး၍ သထုံပြည်၌ ရှိသော ပိဋကတ်သုံးပုံနှင့် ဓာတ်တော်၊ မွေတော်များကို ပင့်ဆောင်ခိုင်း လိုက်လေသည်။ ထိုအခါ သထုံပြည်ကို အုပ်စိုးသော မနူဟာမင်းက မိစ္ဆာာဒိဋ္ဌိတို့နှင့် တန်ရာလောဟု ပြောဆိုခံရကာ ဆက်ဆံရေး မပြေပြစ်မှုကြောင့် အနော်ရထာမင်း အမျက်ထွက်တော် မူလေသည်။ ထို့ကြောင့်ကိုယ်တော်တိုင် ရေကြောင်းမှာ လှေရှစ်သိန်း၊ သူရဲကောင်း ရှစ်ကုဋေ ၊ကြည်းကြောင်းမှာ စစ်သူကြီး လေးယောက်နှင့် ဆင်ရှစ်သိန်း၊ မြင်းရှစ်သိန်း၊ သူရဲကောင်းကုဋေရှစ်ဆယ် တို့နှင့် ချီတက်လေသည်။ ရေကြောင်းစစ်ဦး ပဲခူး တို့ရောက်၍ ပုဂံက လှေတပ်မကုန်သေး၊ ကြည်းကြောင်း စစ်ဦး သထုံကျေးစပ်သို့ ရောက်၍ပုဂံက ကြည်းတပ် မကုန်သေးချေ။ ထိုစစ်ရေး ချီလာသော သတင်းကို မနူဟာမင်းကြီး ကြားလျှင် လွန်စွာ ကြောက်ရွံ၍ မြို့ကိုပရောဂ စီမံထားလေသည်။ ထို့ကြောင့် အနော်ရထာ မင်းကြီးသည် ကြိမ်ဖန်များစွာ လုပ်ကြံသော်လည်း အောင်မြင်မှုကို မရခဲ့ချေ။

ဟူးရားဖြူ၊ ဟူးရားညိုတို့ကို မေးသောအခါ ဇော်ဂျီတစ်ကောင်ကို ဖုတ်ကင်၍ စားသောကုလားငယ်၏ ဦးခေါင်း၊ ပေါင်၊ လက် တို့ကို မြို့ရိုးအနှံ မြုပ်နှံထားကာ ပရောဂ စီမံထားကြောင်း သိရလေလျှင် အနော်ရထာ မင်းကြီးသည် နေရာအနှံ ရှာဖွေတူးဖော်ကာ သမုဒ္ဒရာတွင် စွန့်ပစ်ကာမှ အနိုင်တိုက်ယူကာ အောင်မြင်ခြင်းကို ရရှိလေသည်။ ထို့နောက် သထုံပြည်ကို အောင်မြင်ကာ သထုံမင်း အဆက်ဆက် ရတနာ ပန်းတောင်းတွင် ထား၍ကိုးကွယ်သော ဓာတ်တော်၊ မွေတော်များ၊ ပိဋကတ် သုံးပုံအစုံ သုံးဆယ် တို့ကိုလည်း သထုံမင်း၏ ဆင်ဖြူ(၃၂)စီးတွင် တင်၍ပင့်ဆောင် လာခဲ့လေသည်။ မနူဟာမင်းကြီး နှင့်တကွ ပိဋကတ် တတ်ကျွမ်းသော အရိယာပုဂ္ဂိုလ် တစ်ထောင် တို့ကိုလည်း ပုဂံပြည်သို့ ခေါ်ဆောင်ခဲ့လေသည်။

ထိုအခါမှစ၍ စစ်မှန်စင်ကြယ်သော သာသနာတော်သည် ပုဂံပြည်၌ ထွန်းကားခဲ့လေသည်။ အနော်ရထာ မင်းကြီးလည်း အရည်းကြီးတို့၏ မိစ္ဆာအမှောင်တွင်း၌ နေခဲ့ကြ ရရှာသော ခေတ်အဆက်ဆက် မင်းပြု အုပ်စိုးလာကြသော ဘိုးလောင်းတော် ဘေးလောင်းတော်တို့အား သတိရ ကြေကွဲဝမ်းနည်းကာ ပါရမီကုသိုလ် ရစေခလိုဟု တမ်းတမြည်ကြွေးလေသည်။

ရှင်အရဟံသည် အလောင်းစည်သူ နန်းစံ၂-နှစ် သက်တော်၈၁တွင် ပရိနိဗ္ဗာန် ပြုလေသည်။ မင်းနှင့်ပြည်သူတို့ ၇ရက်ပတ်လုံး ပူဇော်ပွဲကြီး ကျင်းပ၍ မီးသဂြိုလ် ကြလေသည်။ ဓာတ်တော်များကို ရွှေတလားတွင် ထည့်သွင်း၍ တူရွင်းတောင်ခြေ၌ ဂူတည်ထား ကိုးကွယ်လေသည်။ ရှင်အရဟံ၏ ပုံတူကိုလည်း ထုလုပ်ပူဇော် ကြလေသည်။ (ယခုထိတိုင် အာနန္ဒာဘုရား အတွင်းမှာ ရှိလေသည်)။မြန်မာပြည်သူပြည်သား အဆက်ဆက်၏ ကျေးဇူးရှင်၊ ဘုရားရှင်၏ သားတော်ကြီး ရဟန္တာ ရှင်အရဟံ၏ သာသနာပြု လုပ်ငန်းကား မြန်မာပြည် သာသနာဝင်တွင် အမြင့်မားဆုံး ဖြစ်ပေလေတော့သည်။

အမတ်ကြီး မဟာဓမ္မသင်္ကြံ ရေးသားပြုစုသော သာသနာ လင်္ကာရစာတမ်း သုံးကျမ်းတွဲ THE HISTORY OF THE BUDDHIST’S RELIGION စာအုပ်နှင့် ဓမ္မာစရိယ ဦးဌေးလှိုင် ရေးသားသော ရဟန္တာများ စာအုပ်မှမှီးငြိမ်းပြီး အတိုချုံးကာ ဖော်ပြလိုက်ပါသည်။


ဟုတ်ကဲ့..ကျေးဇူးပါပဲနော်။

Monday, March 2, 2009

တီတီဒွင်းပြောတဲ့အချစ်အကြောင်း


တီတီဒွင်းရေ… စိတ်ညစ်တယ်.. စိတ်ညစ်တယ်… ဟင့်…

ဟော… ဒီတစ်ခါလည်း ဘာဖြစ်လာရ ပြန်တာတုန်း… သမီးလေးမက်မက်ရဲ့။

ဟို ကပေါက်တိ ကပေါက်ချာ တွေလုပ်ပြီး အလေအလွင့် ဖြစ်နေတဲ့ အော်…မှားလို့ လေလွင့်နေတဲ့ အန်ကယ်လ်ရဲကို သိလားတီတီဒွင်း၊ ဟို…သူ့ကိုယ်သူ အလေအလွင့် ဆိုလား လေလွင့်သူ ဆိုလား ဘာလား မသိဘူးလေ၊ သိလားတီဒွင်း။

အင်း.. သိတယ်လေ။ဟိုကောင်လေး မဟုတ်လား။ ကပေါက်တိ ကပေါက်ချာ ကောင်လေးလေ။

အင်းလေ၊ တီဒွင်းရဲ့။ သူ့အိမ်ကိုလေ ဟိုနေ့က မက်မက်က မျက်စိလည်ပြီး ရောက်သွားတာ တီဒွင်းရယ်။ အိမ်လည်လာတဲ့ သူကိုလေ ကော်ဖီလေးနဲ့များ ဧည့်ခံမလား မှတ်တယ်။ သူကလေ ကော်ဖီမတိုက် တဲ့အပြင် မက်မက်ကို အချစ်အကြောင်း ရေးပေးရ မယ်ဆိုပြီး တက်ဂ်လိုက်တယ် တီတီဒွင်းရဲ့။ ဂယ်ပါဖဲ.. တီဒွင်းရယ်..တမီးဂ ချိတ်ညစ်ဒါပေါ့ယို့။ အထုမှ ထရေးဂ နယ်နယ်ဖဲ ချိတေးဒါဂို လူဂျီးဒွေက အရှစ်အကျောင်း ရာရာမေး နေဒေါ့… ထရေးဒေါင် ရင်ဒွေထုန် တွားတာပေါ့ယို့…. အဟီး.. :P

တယ်..ဒီကောင်မလေး….ဒါမျိုးကျ တတ်တယ်။ ဟွန်း….ငါလုပ်လိုက်ရ…. နာတော့မယ်…

အဟဲ… တီဒွင်းကလည်း ။ဒါဆို တီဒွင်းရဲ့ အချစ်ခံ ယူပုံလေး ကိုပဲပြောပြ…. နော်… အဲဒါလေးကိုပဲ မက်မက် သူ့ကိုပြန်ပြော လိုက်မယ်လေ…နော်.. တီတီနော်… ပြောပြနော်…နော်..လို့…နော်လို့ဆိုနေ…. တီဒွင်းဂရဲ… :P

အင်း..ဒါဆို တီတီဒွင်း ပြောပြမယ်.. နားထောင်…..

ဟေး…ဒါမှ တို့တီတီဒွင်းကွ… အာဝါးးးးးးးးးးးးးးးးးးးးး အဟီး.. တီတီ့ကို ဒါကြောင့် မက်မက်က ချစ်တာ… သိလား….

ဒီလိုသမီးရဲ့။ တီဒွင်း ဖတ်ရတဲ့ စာအုပ်တွေထဲက သိသလောက် ပေါ့လေနော်။ တကယ်တော့ အချစ်သဘောမှာ စိတ်မချမ်းမသာ ဖြစ်ကြရ တာတွေက သုံးပွင့်ဆိုင် ဇာတ်လမ်း အခြေအနေ မျိူးမှာပဲ ဖြစ်တည်ရတာ များကြတယ် သမီးလေးရဲ့။ အဲ့ဒီ သုံးပွင့်ဆိုင် ဆိုတဲ့ အခြေအနေ မျိုးတွေမှာ ပြိုင်ဘက်တစ်ဦးဦးဟာ အချစ်ဇာတ်လမ်းရဲ့ အစပိုင်းမှာ ဖြစ်ပေါ်တတ်တာလည်း ရှိသလို အဆုံးပိုင်း ရောက်မှ ဖြစ်ပေါ်တတ် တာလည်း ရှိတယ် သမီးမက်မက်ရဲ့။

ဟုတ်ကဲ့..တီတီဒွင်း။

အေး….အဲဒီလို ဖြစ်ပေါ်ပြီ ဆိုရင် သမီးရေ သုံးဦးသုံးဖလှယ် အခက်ကြုံရ ၊ ဒုက္ခရောက်ရတာပေါ့။ အဲလို ဒုက္ခရောက် အခက်ကြုံရပြီ ဆိုရင် ကာယကံရှင် တစ်ဦးဦးက ၀မ်းနည်းကြေကွဲ မှုကိုတော့ မလွဲမသွေ ခံစားရမှာပဲ သမီးလေး။ အဲ.. တစ်ခါတစ်ရံမှာတော့ သုံးယောက်လုံး ထိခိုက်ခံစား ရတတ်တာပေါ့လေ။

ဟုတ်ကဲ့ ..တီတီဒွင်း။ ဒါဆို အချစ်မှာ အနှောင့်အယှက် ကင်းအောင်နေတာက အကောင်းဆုံးပဲပေါ့။ ဟုတ်လား တီဒွင်း

ဒါပေါ့ သမီးရ။ စိတ်ကူးယဉ်ဆန်ဆန် အချစ်မျိုးမှာတော့ တစ်ဦးတစ်ယောက်ကိုပဲ စွဲလမ်းမှုနဲ့ စွဲစွဲမြဲမြဲ ချစ်ခင်မြတ်နိုး မှုအပေါ်မှာ အခြေခံတာပေါ့ သမီးရ။ဒါပေမယ့် ရိုမန့်တစ် ဆန်ဆန် ရေးသားထားတဲ့ အချစ်စာအုပ်တွေ စာပေတွေမှာတော့ အချစ်တွေမှာတော့ သုံးပွင့်ဆိုင် ဇာတ်လမ်းတွေက တော်တော်စိုးမိုး နေတတ်တာလေ။ အဲဒီမှာ အချစ်ဆရာကြီးတွေ ဖြစ်နေကြတယ် ဆိုတာက သုံးပွင့်ဆိုင် ဖြစ်လာမှ သူတို့ရဲ့ အချစ်အင်အား အတွေ့အကြုံတွေ တိုးပွားလာတတ်တာ။ ဟယ်…. သူက ငါ့ကိုမှ အမှန်တကယ် ချစ်ရဲ့လား ဆိုတဲ့ စိတ်မတင်မကျ ဖြစ်နေရတတ်တယ်။

အာသာဘုရင် နဲ့ သူ့မိဖုရား ဂွင်နီဖာ ရယ် ၊ ဆာလန်းစလော့ လို့ခေါ်တဲ့ သူ့ရဲ့ အယုံကြည်ရဆုံး သူငယ်ချင်း စစ်သူရဲကောင်းတို့ ရဲ့ဇာတ်လမ်းဟာလည်း သုံးပွင့်ဆိုင် ဇာတ်လမ်းဆိုတာ သမီးအသိပဲလေ

တစ်ခါတစ်ခါမှာ လူတွေဟာ သုံးပွင့်ဆိုင် ဇာတ်လမ်းဖြစ်လာရင် သူတို့တွေ အတွက်က ချစ်ရမ္မက် ပိုမိုပြင်းထန် လာသလို ခံစားရတတ်တယ်။ အဲ....တချို့ကျတော့ အဲလိုမျိုး သုံးပွင့်ဆိုင် လို့ခေါ်တဲ့ ချစ်တြိဂံ ဇာတ်လမ်းကို တမင်တကာ ထားတာကို တွေ့ရတယ်။ ဘာလို့လဲ ဆိုရင် သူတို့ဟာ အဲလိုထားခြင်း အားဖြင့် အန္တရယ် ကြီးမားလှတဲ့ စိတ်တတ်ကြွ လှုပ်ရှားမှုကို လက်ခံထားရာ ရောက်တာပေါ့လေ။ စိတ်တွင်းခံစားမှု၊ လှုံခြုံမှု မရှိတာတွေ ကို အသိအမှတ် မပြုချင်တဲ့ သဘောပေါ့လေ။ အဲလို သုံးပွင့်ဆိုင် အခြေအနေ မျိုးကိုလက်ခံ ထားမိတဲ့ ချစ်သူများ အနေဖြင့် တစ်ဦးတစ်ယောက်ထဲ ကို ပုံ၍ချစ်ဖို့ မဆုံးဖြတ် တတ်အောင်လည်း ဖြစ်စေတတ်တယ် သမီးရဲ့။

ဟင်..ဘာလို့လဲ တီတီဒွင်း။

တစ်ဦးတစ်ယောက်ထဲကို ပုံပြီးချစ်လိုက်ရင် သူတို့ရဲ့ အဖိုးတန်လှတဲ့ တစ်ကိုယ်ရေ လွတ်လပ်မှု ဆုံးရှုံးနစ်နာ စေနိုင်တယ်လို့ ယူဆကြတယ်တဲ့ သမီးလေးရဲ့။

အမှန်အားဖြင့် သုံးပွင့်ဆိုင် မတည်မြဲမှု ဖြစ်ပေါ်စေခြင်းဟာ အခိုက်အတန့် လေးတစ်ခု ဖြစ်ဖြစ်၊ ချစ်သူနှစ်ဦးအတွက် အဆုံးအဖြတ် မပြုနိုင်တဲ့ လိုချင်စိတ် ငမ်းငမ်းတတ် အခြေအနေ တစ်ခုကို ဖန်တီးပေး ပါလိမ့်မယ် သမီးလေးရယ်

ကဲ..ကဲ…တီဒွင်းလည်း ကိုယ်ဖတ်ခဲ့ဖူးတဲ့ စာလေးတွေကို ပြန်စဉ်းစားပြီး သိသလောက်လေး ပြောပြတာပါကွယ်။ တီဒွင်းလည်း အချစ်အကြောင်းကို သိပ်မသိဘူး သမီးလေး မက်မက်လေးရယ်။ တော်နေ တီဒွင်းကို အချစ်ဆရာမကြီး အဖြစ် အချစ်အကြောင်းတွေ လာလာမေးနေရင် ဒွတ်ခ။ ဟားဟား…

ကဲ… ချစ်သူတိုင်း ညားကြပြီး ညားသူတိုင်းလည်း ချစ်နိုင်ကြ ပါစေလို့ တီတီဒွင်းက ဆန္ဒပြုပါတယ်။ ပြီးတော့ ချစ်သူတိုင်း သုံးပွင့်ဆိုင် ဇာတ်လမ်းတွေမှ ကင်းလွတ်ပြီး ပျော်ရွှင်စွာနဲ့ ပန်းခင်းလမ်းမှာ ထာဝရ လက်တွဲလို့ လျှောက်လှမ်းနိုင် ပါစေလို့ ဆန္ဒပြု လိုက်ပါတယ် သမီးလေးမက်မက်။

ကဲ…. ဒီထက် ပိုပြီး တီတီဒွင်း ရဲ့အချစ် အကြောင်းကို သိချင်ရင် မျက်ဝန်းမှတစ်ဆင့် နဲ့ အချစ်ဆိုသည်မှာ ကိုပဲပေးဖတ် ကြည့်ခိုင်းလိုက်ပေါ့ သမီးရ။ ဒါလေးများ လွယ်လွယ်လေး..နော်။ ဖတ်ဖြစ်အောင် ဖတ်ခိုင်းလိုက်နော် :)

ဟာ… ဟုတ်သားပဲ… တီဒွင်း ကအချစ် အကြောင်းတွေ ထုတ်ဖော်ထားတာ ရှိတာပဲ။ အဟဲ.. အခုမှ သတိရတယ်။ ကဲ တီဒွင်းရေ……အခု အချစ်အကြောင်း လေးကိုပဲ အဲဒီအလေ လိုက်နေတဲ့ ဦးရဲ အဲ….ဟုတ်ပါဘူး … အလေအလွင့်ဦးရဲ အော်.. ကြည့် မှားကုန်ပါပြီ…. အဟီး… ပြောချင်လွန်း အားကြီးသွားတယ်.. ဟတ်ဟတ်… ဝေဟင်မှာ လေဟင်စီး လေလွင့်နေတဲ့ ဦးရဲ ကိုသွားပြီး ပြေးပြောလိုက် ဦးမယ်နော်.. တီတီဒွင်း…. အာဝါးးးးးးးးးးးးးးးးးးးးးးးးးးးးးးးး