Subscribe:

Wednesday, October 15, 2008

ဗရုတ်သုတ်ခနေ့

အင်းဒီတစ်ခေါက်တော့ တီတီဝါ , ဦးဦးမိုးဦးဝေလွင် နဲ့အဆွေတော် Dream angel တို့ရဲ့ ဗရုတ်သုတ်ခ ကျတဲ့နေ့တဲ့။ ကိုယ်က ဟိုးအရင်ငယ်ငယ်လေး ကတည်းက ရွတ်နောက်နောက် သမားတစ်ယောက်။ ဗရုတ်ကျတဲ့ အရာတွေကလည်း နဲခဲ့တာ မဟုတ်ဘူးလေ။ ဒါတွေကို ရေးရမယ် ဆိုတော့ ငယ်ငယ်တုန်း အကြောင်းလေးကို သတိရမိတယ်။ ဒါကြောင့် ငယ်ငယ်က အမှတ်ရနေတဲ့ အကြောင်းလေး တွေထဲတချို့နဲ့ လုပ်ငန်းခွင် ကအကြောင်းလေးကို ပြောပြပေးမယ်နော်။

ဖြစ်ပုံကဒီလို..မက်မက် ၅တန်း၆တန်း လောက်ကပေါ့၊ တနေ့မှာ မက်မက်အစ်မရဲ့ သူငယ်ချင်း တယောက်က သူတို့ရဲ့ ကုလားဘုရား မီးနင်းပွဲတော်ကို လာကြည့်ဖို့ခေါ်တော့ အစ်မနဲ့ မက်မက်က သူနဲ့အတူ လိုက်သွားတာပေါ့။ ၁၀မိုင်ကုန်း မီးနင်းပွဲဆိုတာ အရင်က လူကျိတ်ကျိတ်တိုး စည်ကားတာလေ။ တစ်ယောက်ရင်နဲ့ တစ်ယောက်ကျော ကပ်ပြီးသွားကြရတာ။ အဲဒီလူကျပ်နေတဲ့ အချိန်မှာ သာမန်ခြေတလှမ်းစာလောက် အကျယ်အ၀န်းကို ခြေလှမ်း ၅လှမ်း ၆လှမ်းလောက်ကို လှမ်းရတာလေနော်။ မက်မက်က လူအုပ်ကြားထဲမှာ မွန်းကြပ်နေတာလေ။ ကိုယ့်အရှေ့မှာ ကုလားမကြီးတယောက် ဗိုက်ပေါ်အကျီ်လေးနဲ့ ဆာရီပုဝါလေးကို လုံးပြီးခြုံထားတာ ဆိုတော့သူ့ဗိုက်နဲ့ ကိုယ့်မျက်နှာက အပ်နေတာလေ။

နဂိုထဲက ဘရုတ်ကျ တာဆိုတော့ အဲဒီပေါ်နေတဲ့ သူ့ဗိုက်ကြီးကို ဆွဲစိတ်ပစ်လိုက်ရော။ ဟားဟား :P :P ဘာပြောကောင်းမလဲ၊ ကုလားမကြီး ဒေါသတွေ ဖြစ်ပြီး မက်မက်ရဲ့အစ်မကို တိုင်ပါလေရော။ မက်မက်အစ်မ ကလည်းကုလားမရဲ့ အရှေ့မှာဆိုတော့ မက်မက်ကို အဲလိုသူများကို သွားလုပ်ရမလား ဆိုပြီးဆူတာပေါ့။ ဘာလို့ကလေးကို သူ့ဗိုက်နဲ့ လာတိုးရတာလဲ၊ သူလာတိုးလို့ ဆွဲစိတ်လိုက်တာ လို့ပြောတော့ အဲဒီမှာ အစ်မနဲ့ သူ့သူငယ်ချင်း ရယ်ကြပါလေရော။ ဟားဟား.. :P :P ငယ်ငယ်တုန်းက အဖြစ်အပျက်လေးတွေပါ... အခုချိန်ထိ မိသားစု စကားဝိုင်းမှာ စကားပြောရင် ရယ်စရာအဖြစ် ပြောမဆုံး ဖြစ်ခဲ့တာပါ။ ဟားဟား :D :D


နောက်တစ်ခုက အလုပ်ထဲမှာ စားပွဲတစ်ခု ရှိတော့ဧည့်သည်တွေ ကိုဧည့်ခံရပါတယ်။ အဲဒီမှာဧည့်သည် ကိုးရီးယားမလေးကို ထိုင်ဖို့ခုံလေးပေးလိုက်တာပေါ့။ အဲလိုနဲ့ ကိုယ်လည်း ကိုယ်လုပ်စရာရှိတာတွေကို ဆက်လုပ်ပေါ့။ နောက်လူတွေ လာလည်းဧည့်ခံပေါ့။ အဲဒီမှာစပါပြီ။ နောက်ထပ် ကိုးရီးယားမလေး တယောက် ထပ်ရောက်လာရော။အဲဒီမှာ ပထမရောက်နေတဲ့ ကိုးရီးမလေးက နောက်ရောက်လာတဲ့ ဧည့်သည်အမျိုးသမီးလေးကို မတ်တက်ထ လက်ဆွဲနှုတ် ဆက်တာပေါ့။ အဲဒီမှာ မက်မက်က စေသနာချော်သွားတာလေးပါ။ သူမတ်တတ်ရပ်ရင် လွတ်လွတ် လပ်လပ်လေး ဖြစ်သွားအောင်ခုံလေးကို အနောက်လေးရွေ့ ထားပေးလိုက်တာပါ။ ကိုယ်ကလည်း တခြားသူကို နှုတ်ဆက်နေတဲ့ အချိန်မှာ ခုနက မိန်းကလေးက ထိုင်ချလိုက် ပါလေရော။ ဟိုက်..သွားပြီ။ ကြမ်းပြင်မှာ ပက်လက်ကြီး ကျသွားပြီ။ အဲဒီမှာ အားလုံးက မက်မက် အပါအ၀င် ရယ်ကြတာလေ။ကိုယ်ကလည်း ပျာပျာသလဲ တောင်းပန်ရတာပေါ့။

ကိုရီးယားမလေး ခမျာ တော်တော်တော့ ရှက်သွားတာ။ မက်မက်လည်း တော်တော် စိတ်မကောင်း ဖြစ်သွားတယ်။ကိုယ်က လည်းမေ့ပြီး သူ့ကိုမပြောမိဘူး။ သွားပြီးပေါ့။ ငါ့ကိုသူဌေး ဆူတော့မှာပဲပေါ့။ သူလေးက တော်တော်သဘော ကောင်းပါတယ်။ ဘာမှcomplain မလုပ်သွားဘူး။ မက်မက် ကံကောင်း သွားတယ်လေ။ အဲဒီ ကိုးရီးယားမလေး နေရာမှာ တခြား မြန်မာသာ ဆိုလျှင်....... ဟင်း..မတွေးရဲစရာနော်...ဟီးဟီး :D

မက်မက်က မိသားစုမှာ အငယ်ဆုံးလေ။ လူကြီးတွေ ရောက်တတ်ရာရာ စကားပြောရင် သူတို့ဝိုင်းထဲမှာ သူတို့စကား ပြောတာတွေကို အမြဲနားထောင်တယ်။ ကိုယ်မသိရင်လည်း မေးခွန်းပေါင်း သောင်းခြောက်ထောင်နဲ့ မေးခွန်းတွေ ထုတ်တာ။ လူကြီးတွေဘာ ပြောပြောသူတို့ စကားဝိုင်းမှာ မက်မက်ပါတယ်။ သူတို့ဘယ် သွားသွား မက်မက် ပါတယ်။ ကိုယ်က မိသားစုမှာ အငယ်ဆုံး။ အစွာဆုံး၊ စိတ်ကလည်း နဲနဲဆတ်တယ်။ မဟုတ်ရင် မခံတတ်တဲ့ စိတ်ကြောင့် ထစ်ကနဲဆိုရင် ပါးစပ်က လုံးဝမပြောပဲ လက်ကပဲ ပြောလိုက်ရော။ ငယ်ငယ်ကဆိုရင် အိမ်ကို ခဏခဏ လာလာတိုင်တာ ခံရတာ။ အရိုက်လည်း ခဏခဏခံရတယ်။ :D :D ဟီးဟီး။ အဲဒါကြောင့်မို့လား မသိဘူး၊ အရွယ်ရောက်လာတော့ အင်မတန် နူးညံတဲ့ နှလုံးသားတစ်စုံကို ပိုင်ဆိုင်သွားတာ။ဟဲဟဲ.. (ကြုံ တုန်းလေး ကြွားသွားတာနော် ..ဟီးဟီး... :P :P ) မက်မက်က ငယ်ငယ်တုန်းက ပါလေရာ ငပိချက်လေးပေါ့။ ဟိ..ဟိ.. လူကြီးတွေနဲ့ ဆိုလည်းပေါင်းလိုက်တာပဲ။ လူငယ်တွေနဲ့ ဆိုလည်းပေါင်း လိုက်တာပဲ။

ကိုယ်နေတဲ့ ရက်ကွက်မှာ ကလေးတွေနဲ့ ဆိုလည်းကိုယ်က ကလေးခေါင်းဆောင်။ ဟီးဟီး... :D ။ ကစားရအောင် ဟေ့ဆိုရင် လမ်းကရှိသမျှ ကလေးအကုန် ထွက်လာကြပြီး ကစားနည်းပေါင်းစုံနဲ့ ကိုကစားတော့တာပဲ။ ဟိဟိ... ကိုယ်ကလည်း ကလေးလိုပဲ နေတာကိုး။ ဒါပေမယ့် လုပ်ငန်းခွင် ထဲမှာတော့ လူကြီးတွေနဲ့ သက်ဆိုင်ရာ ပုဂ္ဂိုလ်တွေနဲ့ ပြောရဆိုရတာ ဆိုတော့ ကလေးလို နေလို့မရတော့ဘူး။ လူကြီးလိုနေရမယ့် အခါမှာတော့ လူကြီးလိုနေပြီး ၊ ကလေးတွေနဲ့ တွေ့ရင် ကိုယ်ကလည်း ကလေး ဖြစ်သွားတာပဲ။
ဒါက ဗရုတ်သုတ်ခ လေးတွေထဲက မှတ်မှတ်ရရ လေးတွေပါ။ ကဲ...ဒီလောက်နဲ့ပဲ ကျေနပ်တော့နော်။ :)

Monday, October 13, 2008

သီတင်းကျွတ်လပြည့်အမှတ်တရ



မနက်ဖြန် 14.10.2008နေ့ ဆိုရင် သီတင်းကျွတ်လပြည့်နေ့ လေးရောက်ပြန်ပြီပေါ့။ ဒါကြောင့် ဒီနေ့အလုပ်က ပြန်လာတော့ ဘုရား မျက်နှာသစ်တော်ရေ၊ သောက်တော်ရေချမ်း၊ ပန်း၊ ဆီမီးများ ဆပ်ကပ်ပြီး လှူန်းပါတယ်။ ပြီးတော့ သီတင်းကျွတ်လ အတွက် ကိုသံလွင်ဟီရိုး ရဲ့တက်ဂ်ကြွေး ကလည်းဆပ်စရာ ရှိသေးတယ်လေ။ သတင်းကျွတ် လပြည့်နေ့ အကြောင်းလေးကို ရေးရမယ်ဆိုတော့ အတိုချုပ်လေးပဲ ရေးတော့မယ်နော်။ ဘာကြောင့်လဲဆိုတော့ ဗုဒ္ဓဘာသာဝင် မြန်မာလူမျိုးတိုင်း သိပြီးသား တွေမို့လို့ပါနော်။

ဗုဒ္ဓမြတ်စွာ ဘုရားရှင် ဟာဘုရား ဖြစ်တော်မူပြီးနောက်သတ္တမမြောက်ဝါကို တာဝတံသာ နတ်ပြည်မှာ ၀ါကပ်တော်မူပြီး မယ်တော် ဖြစ်ခဲ့ဖူးသော သန္တုဿီတ နတ်သား အားအမှုးပြု၍ စကြ၀ဠာ နေရာအနှံ့မှ နတ်ဗြဟ္မာ အပေါင်းတို့အား အဘိဓမ္မာ တရားတော်မြတ်ကို ဟောကြား တော်မူပါသည်။ သီတင်းကျွတ် လပြည့်နေ့ ရောက်သောအခါ ဘုရားရှင်သည် နတ်ဗြဟ္မာ အပေါင်းခြံရံကာ ရွှေစောင်းတန်း၊ ငွေစောင်းတန်း၊ ပတ္တမြားစောင်းတန်း၊ စိန်စောင်းတန်းများဖြင့် စီချယ်အပ်သော ရတနာ စောင်းတန်းဖြင့် လူ့ပြည်ဖြစ်သော သင်္ကဿနဂိုရ် ပြည်သို့ ပြန်လည်ဆင်းသက် ကြွမြန်းတော်မူသည်။ မြတ်စွာဘုရားရှင်ဟာ မယ်တော်အမိ နတ်သားကို တရားဟောခြင်းဖြင့် မိဘကျေးဇူးကို ဆပ်လိုက်တာပါ။

ဒီသတင်းကျွတ် လပြည့်နေ့ ရောက်တိုင်း ရောက်တိုင်း ဗုဒ္ဓဘာသာဝင်မြန်မာလူမျိုးတွေဟာ ပျော်ပွဲရွှင်ပွဲတွေ၊ မင်္ဂလာဆောင်ပွဲ တွေကျင်းပကြတယ်။ လူကြီးသူမများကို ရိုသေလေးစားပြီး ကန်တော့လေ့ ရှိကြပါတယ်။ တစ်နှစ်တာလုံးမှာ ပြုလုပ်ခဲ့တဲ့၊ မောက်မှားပြစ်မှား မိခဲ့တဲ့ မိမိတို့ရဲ့ အပြစ်တွေကို ကြေစေရန်အလို့ငှာ ရှစ်ခိုးကန်တော့၍ ပူဇော်ကြပါတယ်။ နှစ်တိုင်းနှစ်တိုင်း မိသားစုစုံညီစွာနဲ့ အပြန်အလှန် ရှစ်ခိုးကန်တော့ ကြတဲ့ဒီ သီတင်းကျွတ်ပွဲမှာ မက်မက် အဝေးကနေပဲ မိဘနှစ်ပါးကို ပူဇော်ကန်တော့ ရတာအခုဆိုရင် သီတင်းကျွတ် နှစ်ကြိမ် နှစ်နှစ်တိုင် ခဲ့ပြန်ပြီလေ။ :( နောင်နစ် နောင်နစ်တွေမှာ မိဘနှစ်ပါး စုံညီစွာနဲ့ ပူဇော်ခွင့် ရရပါလို၏လို့ပဲ ဒီနစ်သီတင်းကျွတ်မှာထပ် ဆုတောင်းလိုက်ပါတယ်။ မက်မက် သီတင်းကျွတ်မှာ မိဘနှစ်ပါးလုံးကို ကိုယ်တိုင် ကိုယ်ကြ မကန်တော့ရတာ အင်မတန် ၀မ်းနည်းပါတယ်။တွေးကြည့်မိတိုင်းလည်း စိတ်မကောင်း ဖြစ်တယ်။ :(

ဒီနှစ် သီတင်းကျွတ်မှာ မကြုံလိုက်ရပေမယ့် နောင်နှစ်တွေမှာ မိဘနှစ်ပါးလုံးကို မျက်မြင်ကိုယ်တိုင် ကိုယ်ကျ ပူဇော်ကန်တော့ခွင့် အခွင့်အရေးရရပါလို၏။ အဝေးရောက် သမီးဖြစ်တဲ့ Dreamလေ အဖေအမေတို့ကို ကျန်းကျန်းမာမာ သက်ရှိထင်ရှားနဲ့ နောင်နှစ် သီတင်းကျွတ်မှာ ပူဇော်ကန်တော့ ရပါလို၏လို့ ဆုတောင်းပါတယ်။

Blogger အစ်ကို၊ အစ်မတွေလည်း တက်ဂ်ကြွေးတွေနဲ့ ပိနေကြတယ် ဆိုတော့ ဒီတက်ဂ် လေးကိုတော့ ဘယ်သူမှ မရေးခိုင်းတော့ဘူးနော်။ :D

(မြတ်စွာဘုရား လူ့ပြည်သို့ ပြန်လည် ရောက်ရှိ လာတဲ့အခါ ဥာဏ်အရာမှာ ကြီးမြတ်တော်မူတဲ့ အရှင်သာရိပုတ္တရာ ကမေးမြန်းပါတယ်။ အရှင်ဘုရား နတ်ပြည်မှာ ဘာတရားတွေများ ဟောကြားတော် မူခဲ့ပါသလဲဆိုတော့ မြတ်စွာဘုရားက ချစ်သားသာရိပုတ္တရာ ငါဘုရား ဟောကြားတော် မူတဲ့တရားတော် အကျဉ်းချုပ်ကတော့ ယေဓမ္မာဟေတုတ္ပဘ၀ါ ပဲဖြစ်ပါတယ်ဆိုပြီး အတိုချုံး ဖြေကြားပါတယ်။ဒီစကားလုံး တော်ကို အကျယ်ချဲ့ လိုက်ရင် အင်မတန် မြောက်မြားစွာသော တရားတွေ ရလာပါတယ်။ ပိတိဋ္ဋတ်သုံးပုံရဲ့ အနှစ်ချုပ်ကတော့ ယေဓမ္မာ ဟေတုတပဘ၀ါ ပဲဖြစ်ပါတယ်။) ဒါက မက်မက်သိ သလောက်လေးပါနော်....

မှားတယ် ဆိုရင်လည်း မက်မက်ကို ပြောပြပေးဖို့ တောင်းဆိုပါတယ်။ :D :D

ဒီသီတင်းကျွတ်မှာ မက်မက် ထက်အသက်ကြီးတဲ့ Blogger အစ်ကို၊အစ်မ တွေကိုလည်း
ဒီသီတင်းကျွတ် တက်ဂ်ပို့စ်လေး နဲ့အတူ ဂါရ၀ပြု ကန်တော့ လိုက်ပါတယ်။

ပြီးရင်တော့ မုန့်ဖိုးပေးဖို့ပြင်ထားတော့နော်.... ဟိ..ဟိ... :P :P :P

Saturday, October 11, 2008

အချစ်ဆိုသည်မှာ


အချစ်..အချစ်..အချစ်..အချစ်...
တကယ်တော့ အချစ်ဟာ ဘာလဲ... အချစ်ဆိုသည်မှာ ဘာလဲ.. အိပ်မက်ဆိုတဲ့ ကောင်မလေး အူကြောင်ကြောင် နိုင်စွာနဲ့ တော်တော်လေး ကိုစဉ်းစား လိုက်ရပါတယ်။
အချစ်ဆိုသည်မှာ...
အချစ်ဆိုသည်မှာ...
အချစ်ဆိုသည်မှာ...
အချစ်ဆိုသည်မှာ...
အချစ်ဆိုသည်မှာ...
ငါကိုယ်တိုင် အချစ်ဟာ ဘာလဲ မသိတော့ပါ။ တခါတလေမှာ အချစ်ဆိုတဲ့ အရာနဲ့ ဆုံစည်း လိုက်ချင်လည်း ..တခါတလေတော့ အချစ်နဲ့ ဝေးချင်တယ်။

အချစ်ဆိုတာကို မြန်မာနိုင်ငံက လူတွေသာမက ကမ္ဘာမှာ ရှိရှိသမျှသော သူတွေက အဓိပ္ပာယ်မျိုးစုံနဲ့ ဖွင့်ဆိုခဲ့ကြပါတယ်။ လူတိုင်းလူတိုင်းဟာလည်း ကိုယ်အားသန်ရာ အတွေးတွေနဲ့ အမျိုးမျိုး ဖွဲ့ဆိုကြပါတယ်။ အချစ်ဆိုတာကို ကဗျာဆရာက ကဗျာလေးတွေ နဲ့ဖွဲ့ဆိုကြသလို၊ ဒဿန ဆရာတွေကလည်း ဒဿနလေး တွေနဲ့ဖွဲ့ ဆိုကြပါတယ်။ တရားဟော ဆရာတွေကလည်း ဓမ္မလေးတွေနဲ့ ဖွဲ့ဆိုကြပြန်ရော၊ စသဖြင့်ပေါ့လေ။ အမျိုးမျိုးပေါ့။

တကယ်တော့ အချစ်ဆိုတာ လူသားတွေရဲ့ နှလုံးသားကို ဝေဒနာတို့ဖြင့် ရှင်သန်နေစေတာပါ။ ဒါကDream နားလည်သလောက်ပါ။ နဲနဲချစ်ရင် နဲနဲပဲဝေဒနာခံစားရမယ်။ အများကြီးချစ်ရင် အများကြီးခံစားရမယ်။

ဒါဆိုရင် ဝေဒနာတို့ဖြင့် နှလုံးသားကို ရှင်သန်စေသော အရာကိုအချစ်ဟုခေါ်သည် လို့အဓိပ္ပာယ် သတ်မှတ်လို့ ရသွားပြန်တယ်နော်။နေ့တစ်နေ့ကို ပေါ့ပါးလန်းဆန်းစွာ နိုးထစေခဲ့ပြီး ဝေဒနာတို့ဖြင့် ရှင်သန်မှုပေးသော အရာကို အချစ်ဟုခေါ်သည်။

မေတ္တာ၊ ကရုဏာ၊ စေသနာ ၊မုဒိတာ စတာတွေက 528ကိုနွယ်ပြီး၊ သမီးရည်းစား အချစ်ကြတော့ 1500လို့ခေါ်တဲ့ တဏှာဘက်ကို ကူးသွားတော့ လူတွေကို ဝေဒနာတွေနဲ့ ပူလောင်စေ ပြန်တယ်နော်။ တွေးတောရင်း နဲ့တောင် အင်မတန် စိတ်မှာ ပူလောင်ရပါတယ်။

တကယ်တော့ အချစ်ဆိုတာကို ဘယ်သူမှ ရေရေရာရာ တိတိကျကျ မသိကြပါဘူး။ အချစ်ဆိုတာ ဘာလဲသိကြရင် အဖြေတွေကလည်း ဒီလိုအများကြီး ထွက်လာ စရာမရှိဘူးလေ။ အချစ်ဆိုတာဘာလဲ သူတို့ကိုယ်တိုင်တောင် မသိကြပါဘူး။ Dreamလည်းမသိပါဘူး။ လူတိုင်းမှာ ချစ်တတ်တဲ့ စိတ်ကလေး တွေတော့ ရှိကြတာပဲ။ လူတွေမပြောနဲ့ တိရိစ္ဆာန်တွေ တောင်ချစ်တတ်ကြပါတယ်။ ချစ်တတ်တာတော့ သိတယ်။ ဟုတ်ပြီ၊ ဘာကြောင့်ချစ်တာလဲ၊ အကြောင်းတရား တော့ရှိရမှာပေါ့နော်။ ဥပမာ မုန့်ဟင်းခါးကို ချစ်လို့စားတာလား၊ ကြိုက်လို့စားတာလား။ စဉ်းစားစရာဖြစ်လာပြီ... :D ဟဲဟဲ.. ကြိုက်လို့စားတာပေါ့လို့ အားလုံးက တစ်ညီတညွတ်ထဲ ဖြေမှာ ကျိန်းသေပါတယ်။ ဒါဆိုရင် စဉ်းစားကြည့်လိုက်ပေါ့။ ကြိုက်တယ်ဆိုတာ ပိုင်ဆိုင်မှု သဘောသက်ရောက် သွားပြီနော်။ အချစ်ဆိုတဲ့ အဓိပ္ပာယ် ကျတော့ ဆန့်ကျင်ဘက် ဖြစ်သွားပြန်ရော။

ဘ၀ဒဿန စာရေးဆရာ ရဲ့ ကဗျာလေးကို ဖတ်ရတော့ အလှနဲ့အချစ် ဟာဒွန်တွဲနေတယ် ဆိုတာ သိလိုက်ရတယ်။

ဒါဆိုရင် လှတယ်ဆိုတာ လူတယောက်ရဲ့ စိတ်ကို စွဲဆောင်နိုင်သော အရာကိုခေါ်တာပါ။ သူအပေါ်ဖြစ်ပေါ်လာတဲ့အချစ်ဟာ ပေးကမ်းရန်သာ ဖြစ်ပြီး ရယူပိုင်ဆိုင်ဖို့ မဟုတ်ပါဘူး။ ဥပမာ မိန်းမလှ တယောက်ကို တွေ့ရင် သင့်နှလုံးသားက အဲဒီအလှကို လွမ်းမိုးဖို့ ဆွဲယူပါလိမ့်မယ်။ အဲဒီအခါသင့် ကိုယ်မှာ ကြေကွဲခြင်းဝေဒနာနဲ့ ပျော်ရွှင်ခြင်းဝေဒနာတို့ ပေါင်းစပ်မိသွားကြတယ်။ ဒီလိုပေါင်းစပ်တာကို သင်ကိုယ်တိုင် သိမှာမဟုတ်ပါဘူး။ သိခဲ့တယ်ဆိုရင်တောင် ၀ိုးတိုးဝါးတား လောက်ပဲဖြစ်မှာပါ။ဒါကြောင့် ဘ၀ဒဿန စာရေးဆရာ ကာလီဂျီဗရန်း(1883-1931)က

"သဘာဝတွင် အလှသည် အဓိက
အလှ ဟူရာတွင်လည်း...
အလှ၌ အချစ်စစ်သည် တည်သောကြောင့်ဖြစ်၏။
အလှတွင် တည်သော အချစ်ကို တွေ့ရခြင်းသည်
ဘ၀၏ ပြင်းစွာသော မျှော်လင့်ချက်ပင်" ဖြစ်သည်ဟု စပ်ဆိုထားပါတယ်။

ဒါဆို စိတ်နှင့်ဝိညာဉ်ကို စွဲစောင်နိုင်သော အရာကိုအလှဟုခေါ်သည် လို့အဓိပ္ပာယ်ဖွင့်လို့ရပြန်ရော။ သူ့အပေါ်၌ ဖြစ်ပေါ်လာတဲ့ အချစ်သည်ပေးကမ်း ရန်သာဖြစ်ပြီး ရယူရန်မဖြစ်တော့ဘူး။

အချစ်ဆိုတာ သေဆုံးခြင်း မရှိသောအရာပါ။ ဒါပေမယ့် ဘ၀ကို ပြာကျစေနိုင်တဲ့ အရာလည်းဖြစ်ပြန်ရော။ ကဗျာ ဆရာတွေ ဘယ်လိုဖွဲ့နွဲ့ခဲ့ကြမှန်း Dreamမသိ၊ ဒဿနဆရာတွေ ဘယ်လို အဓိပ္ပာယ် ဖွင့်ဆိုကြမှန်း Dream နားမလည်။ Dream သိတာကတော့ သူ့ကိုချစ်ခဲ့ဖူးသည်။ သူမမှာ အင်မတန် ချစ်တတ်တဲ့ နှလုံးသားတစ်စုံ ပိုင်ဆိုင်တာတော့ သူမသိသည်။ အချစ်ဆိုတာ သေဆုံးခြင်း မရှိသော ဘ၀ကိုပြာကျ စေနိုင်သော မီးတောက်မဲ့ အိပ်မက်မြစ် တစ်ခုလိုမျိုး ပါပဲနော်..

~~~~အချစ်ဆိုတာ ပူလောင်တဲ့ မီးတောက်ငယ် တစ်ခု၊ ဘယ်သူမပြု မိမိမှု စဉ်းစားကြည့်ပါအခု။ မေတ္တာဟာ အေးမြတဲ့ စမ်းချောင်းငယ်တခု.....528ထက်ပိုရင် နှောင်ဖွဲ့တွေစု... ~~~~ :P :P

ဟယ်..ဂယ်ဖဲ..ဂယ်ဖဲ..ထရေးဂို ဘာဒွေ ရာတက်ဂ်ခိုင်း မှန်းမတိဖူး.. ကဲကဲ..ဦးဦးဟံတစ်ညိမ်(ဟန်သစ်ငြိမ်), ဦးဦးကျယ်ချင်တွေး(ကြယ်စင်သွေး)နဲ့ ဦးဦးသောင်ပေါ်တား(တောင်ပေါ်သား)ရေဒီ လောက်ဆို ကျေနပ် နိုင်မယ်လို့ ယုံကြည်စွာ မျှော်လင့်မိပါတယ်။ :P

မက်မက်လည်း ကျန်တဲ့ ဦးဦးတို့ တီတီတို့ကို တက်ဂ်ချင် သေးတာပေါ့။ များများတော့ မဟုတ်ပါဘူး။ နဲနဲပါးပါး လောက်ပါပဲ။နော်..နော်.. :D :)

ဦးဦးဂျင်ရော်(ကိုဇင်ယော်) done
ဦးဦးမိုးဂျယ် (ကိုမိုးကြယ်) done
ဦးဦးယံအော်(ကိုရန်အောင်) done
ဦးဦးမိုးတောက်(ကိုမိုးသောက်) done
ဦးဦးဝန်းချော်(ကိုဝင်းဇော်) done
ဦးဦးကောက်(ကိုကောက်တေး) done
ဦးရီးတော်(ကိုဝင်းမင်းဆန်း) done
ဦးဦးအန်တီ(ကိုအံဒီ) done
ဦးဦးမိုးဝေယွင်(ကိုမိုးဝေလွင်)
ဦးဦးတန်ယွင်(ကိုသံလွင်ဟီးရိုး) done
ဦးဦးအိန်(ကိုအိန်) done
ဦးဦးတိန်(ကိုပုသိမ်) done
ဦးဦးညံ့(ကိုခပ်ညံ့ညံ့ကောင်) done
ဦးဦးပန်းဂျဂါး(ကိုပန်းစကား) done

တီတီဝါ(မ၀ါဝါခိုင်မင်း) done
တီတီမေ(မမေအိခင်) done
တီတီဇင်(မသက်ဇင်)
တီတီ60(မဝေလေး) done
တီတီတန့်တန့်(မသက်တန့်) done
တီတီမေတူ(မမေသူ) done
တီတီယောင်းယောင်း(မမီးလေး) done
တီတီရှင်းမရေး(မချင်းမလေး) done
တီတီတင်ချာ(မသဉ္စာ) done
တီတီယောင်ပန်(မရောင်ပြန်) done
တီတီဆောင်း (မဆောင်းဦး)

ဟယ်...အားနာလိုက်တာ နဲနဲလေး များသွားလား မသိဘူးနော်.. ဟိ..ဟိ.. :P အို... မတတ်နိုင်ဘူး.. ချစ်တာကိုး.. ဒါတောင် ကျန်သေးတယ်.. အကုန်လုံး ဆိုရင် တစ်ခြားလူတွေ တက်ဂ်စရာမရှိ ဖြစ်မှာစိုးလို့ အားနာတတ် ပုံများနော်...ဟင်း..ဟင်း...ခုဒီမှာ မပါတဲ့ သူတွေ နောက်တစ်တက်ဂ်မှာ ပြန်တွေ့မယ်နော်.. မျက်ခုံးသာ လှုပ်နေပေတော့.. ဟဲဟဲ... :P :P

Thursday, October 9, 2008

အားလုံးပဲသိရင် ပြောပြပေးပါနော်...











အားလုံးပဲ သိရင်ဖြေပေးကြ ပါနော်... သူ့အကြောင်းလေးကို သိချင်နေတာ ကြာပါပြီ။ အင်တာနက်မှာ ရှာတာလဲ မတွေ့ဘူး။သူဘယ်နိုင်ငံကလဲ ဘယ်သူလဲဆိုတာ သိသူများရှိရင် ပြောပြပေးပါ။နော်.... :) :)

လောကမှာ ထူးထူးဆန်းဆန်း လေးတွေလည်း ဖြစ်တတ်ပါတယ်။ ဆေးပညာအရ ကြည့်မယ်ဆိုရင် ဒါက ထူးဆန်းတယ်နော်။ ဒါပေမယ့် ဗုဒ္ဓဘာသာအရ ကြည့်မယ်ဆိုရင် သတ္တ၀ါတစ်ခု ကံတစ်ခုပေါ့လေ။ အတိတ်ကံ မကောင်းခဲ့လို့သာလျှင် လူဖြစ်ရတာတောင် ဒီလိုဘ၀မျိုးနဲ့ လူဖြစ်ရတာ။ အင်မတန် ၀ဋ္ဋ်ကြီးတယ် လို့ဆိုရမှာပေါ့။
အတိတ်ကံဆိုတာ ဥပမာ အမိဗိုက်ထဲမှာ ပဋ္ဋိသန္ဓေတည် ကတည်းက အမျိုးညံ့ထဲမှာ တည်တာ၊ အမျိုးကောင်းထဲမှာ တည်တာ၊ ခြေလက်အင်္ဂါစုံတာ၊ ချွတ်ယွင်းတာ၊ မိန်းမဖြစ်တာ၊ယောင်္ကျားဖြစ်တာ၊ အဲဒါ တွေကရှေးက အတိတ်ကံကြောင့် ဖြစ်ရတာပါ။ အဲဒီအတိတ်ကံ အားကောင်းမကောင်းကို ပစ္စုပ္ပန်ကံက ပြုပြင် ယူလို့လည်းမရသလို ဖန်တီးယူလို့လဲမရဘူးလေ။ အခုဒီခေတ်မှာတော့ တိုးတက်လာကြတဲ့ ဆေးပညာတွေဟာ ဆိုရင်ဖြင့် အင်မတန်ကို ကြောက်ခမန်းလိလိကို အောင်မြင်နေတာပါ။ ယောင်္ကျားကနေ မိန်းမပုံစံပြောင်းမလား၊ မိန်းမကနေယောက်ျား ပုံစံပြောင်းမလား။ နှလုံးအစားသွင်းပဲ ကုမလား။ ရင်ချင်းဆက်တွေ ကိုပဲခွဲမလား၊ ခါးချင်း ဆက်တွေကိုပဲခွဲမလား၊ ဘာလုပ်ချင်သလဲ အကုန်လုံးကိုလုပ်လို့ ရပါတယ်။ဒီလို ခေတ်ပညာတွေ တိုးတက်လာလို့ ပစ္စုပ္ပန်ကံကို ပြောင်းလဲယူလို့ ရတာပါနော်။ဒီလိုပြောင်းလဲယူတာမှာ ကောင်းတာတွေ အများကြီးရှိသလို ဆိုးကျိုးတွေလည်း ဒုနဲ့ဒေးပါ။

သတ္တ၀ါတို့မှာ ကံသာလျှင် မိမိတို့ရဲ့ ကိုယ်ပိုင်ဥစ္စာ ဖြစ်တယ်လို့ မြတ်စွာဘုရားက ဟောကြား ထားဖူးတာလဲရှိ ပါတယ်။

ဒီပုံလေးတွေကိုကြည့်ပြီး လောကမှာ ဆုတောင်း မမှားဖို့လည်း အရေးကြီးတယ် ဆိုတာလေးကို သွားသတိရ လိုက်သေးတယ်။ တချို့တွေရှိပါတယ် ငှက်ဖြစ်ရင်တောင် တကိုင်းထဲ နားရပါစေတို့ ဘာတို့ အစရှိသဖြင့်ပေါ့လေ။ :)

တကယ်ပါ..အစကတော့ သူ့ကို photo shop နဲ့ ပြင်ထားတယ် ထင်နေတာ။အဲဒီလူရဲ့ အကြောင်းလေးကို
သိခွင့်ရမယ်ဆိုရင်ဖြင့် မက်မက်ကို ပြောပြပေးပါလို့ တောင်းဆိုပါရစေနော်...။

Tuesday, October 7, 2008

Dream ရဲ့တနေ့တာ ဖြစ်သလိုစားခြင်း



ကြက်ဥငါးပိချက်လေး... :P



အိုးလူးထမင်းလေးပေါ့.. :P



ကဲ..အားမနာနဲ့နော်.. အ၀စားသွား.. :P

ဒီမနက် ရုံးကိုရောက်တော့ ကော်ဖီသောက်ချင်နေတာနဲ့ ငါ့ဘယ်သူများ ကော်ဖီလာတိုက်မလဲဆိုပြီး ဘလော့ ဖွင့်လိုက်တာ...ဟဲဟဲ...တွေ့ပါပြီ ဦးလုံး(ကိုမျက်ဝန်းနက်)ကြီး......အိမ်ကိုလာလည်ရင် ကော်ဖီတိုက်တာ တီတီ ဒရင်းတယောက်ပဲရှိတယ်။အခုကော်ကော်တိုက်တဲ့.....ဟော....မက်မက်အိန်ဂျယ် လေးကလည်း ကော်ဖီ သောက်မယ်ဆိုပဲ။တိုက်ရမှာပေါ့နော့်။ :) ဟဲ...ဟဲ...တွေ့ပါပြီ.....နောက်တစ်ယောက် ကော်ဖီ ဒကာရှင်ကြီး ဦးမိုးတောက် (ကိုမိုးသောက်) က အန်တီဒွင်း အိမ်ကိုလာလည်ရင် ကော်ဖီတိုက်မယ်တဲ့။ :)

ဟဲဟဲ...ဘယ်ရမလဲ အပြေးအလွှား ဦးဦးမိုးသောက်ဆီကိုသွားပြီး ကော်ဖီ သွားသောက်တာပေါ့။ပြီးတော့ထုံးစံ
အတိုင်း ဦးလုံးနဲ့မက်မက်အိန်ဂျယ် အတွက် တာပေါင်း(ပါဆယ်)သယ်လာခဲ့တာပေါ့။ ဟော..တီတီမေကလည်း
တီတီဖျော်တဲ့ ကော်ဖီခါးခါး ကြိုက်ပါ့မလားတဲ့..မက်မက်တို့က ကော်ဖီဆိုရင် ခါးခါးမှကြိုက်တာ ဆိုတော့ ဂွတ်ပေါ့...ဘယ်ရမလဲ ထပ်သောက် လိုက်တာပေါ့။ တီတီ60ကလည်း ကော်ဖီခါးခါးကြိုက်တတ် တယ်ဆိုတော့ တီတီမေ့ဆီကနေ တာပေါင်း ထပ်ယူလာခဲ့တယ်။ဟဲ..ဟဲ.... :P

ဒါနဲ့မောမောနဲ့ ထိုင်နေတုန်း တီတီတန့်တန့့်် ကမက်မက်ရေ..... တီတီကို ရေတိုက်ပါဆိုလို့ အိမ်တိုင်ရာရောက် ရေသွားတိုက်တာ အမလေး တက်ဂ်နဲ့ညားတော့တာပဲ။ ဟင့်..ဟင့်...မက်မက်လေးကို တက်ဂ်ထားတယ်တဲ့။
တီတီလူဆိုး...ဂယ်ဖဲ..ဂယ်ဖဲ....ဟွန်း :P ဦးဦးတန်ယွင်(သံလွင်)ဆီသွားတော့လည်းတက်ဂ် နဲ့တိုးနေတယ်။ တက်ဂ်ထားဒါရေးပေးနော်တဲ့။ ဒါနဲ့ ဦးဦးအိန်(အိမ်)ကလည်း ကဲနောက်တစ်တက်ဂ်နော်တဲ့.... ဟယ် .... ဦးဦးအိန်ကဇွတ်ပဲ .. အရှေ့က တက်ဂ်အအကြွေးကို ဆပ်တောင်မဆပ်ရသေးဘူး။ နောက်တစ်တက်ဂ်နော်တဲ့။ ဟင့်ဟင့်....မှတ်ကရောပဲ..... :P

အဲလိုနဲ့ ရုံးမှာ ဘလော့အိမ်တွေကို စုံအောင်မလည် အားတော့ဘူး။ လုပ်စရာရှိတာတွေကို လုပ်ပြီး အလုပ်ကိစ္စနဲ့ အပြင်ကိုထွက်သွား လိုက်ရတယ်လေ။ အလုပ်ကလည်း မပြီးပြတ်သေးဘူး။ ဗိုက်ကလည်း တော်တော်ဆာနေပြီ။ တနေ့လာလည်း Chicken rice နောက်နေ့လာလည်း Chickenriceနဲ့ Foodcourt ကအစားအစာတွေ စားချင်တော့ ဘူးလေ။ ဒါနဲ့ နေ့ခင်းစာကို ဖြစ်သလို ရေသောက်ပြီး နေလိုက်တယ်။ အိမ်ရောက်မှပဲ ထမင်းဆွဲတော့မယ် ဆိုပြီး ပြန်လာတာပေါ့။


အမှန်က ဒီည ဟင်းကောင်းကောင်း ချက်မယ်စိတ်ကူးထားတာ။ ဒါပေမယ့် ညနေအလုပ်က ပြန်လာတော့ လူက တော်တော်ကိုပင်ပန်းနေပြီ။ ဒါနဲ့ နေပစေတော့ ဖြစ်သလိုပဲ ကြက်ဥဟင်းပဲ စားမယ်ဆိုပြီး ရှိသမျှ ကြက်ဥတွေ အကုန်ထုတ် ကြော်ပဲစားတော့မယ်ပေါ့။ ဟဲ..ဟဲ..တကယ်တော့ အမြဲတမ်း ဖြစ်သလိုကြော်ပဲ စားနေရတာကို ငြီးငွေ့နေပြီ။အဲဒါနဲ့ မထူးပါဘူး။ ကြက်ဥအချဉ်ဟင်းလေး ချက်လိုက်မယ်လေဆိုပြီး ချက်တာပေါ့။ အစကတော့ ဟင်းကတော်တော်လေးပေါ့နေတာ။ဒါနဲ့ ငန်ပျာရည် နဲနဲလောက် ထည့်မယ်ပေါ့ဆိုပြီး ...အဟိ... :) .. ထည့်လိုက်တာ အဲဒီမှာ လက်ကချော်ပြီး ငန်ပျာရည်တွေ ဒယ်အိုးထဲကို တော်တော်များများ ရောက်ကုန်တယ်။

အဟဲ...ဘာဖြစ်မယ် ထင်သလဲ...တော်တော်လေးကို စားမရလောက်အောင် ငန်တာပေါ့။ ဟဲ....ဟဲ ..... သိတယ်မလား ဟင်းချက်တဲ့ နေရာမှာ အဲဒီလောက်တော်တာ ။ အဲဒါနဲ့ သိသလောက် မှတ်သလောက် အငန်ပျောက်အောင် မန်ကျည်းသီးဖျော်ပြီး လောင်းထည့်တာပေါ့၊ ရေကိုလည်း ဒယ်အိုးအပြည့်ကို ထည့်ထားပစ်လိုက်တယ်။

ဟားဟား... ကဲမှတ်ကရောပဲ။ဟွန်း ...ဒီလောက်တော့ အပျော့ပေါ့။ ဒါနဲ့ရေခန်းလို့ ပြန်လည်းမြည်းကြည့်ရော ... Ala Mak..တော်တော်ကို အခြေအနေဆိုးဆိုးနဲ့ ရွှေကြက်ဥတွေက ငန်နေတုန်း။ ဟားဟား... ဒါနဲ့....Online မှာမက်မက်ရဲ့ အစ်ကိုနဲ့ တီတီတန့်ကို တွေ့တော့လုပ်ကြပါဦး၊ ကြက်ဥဟင်းက တော်တော်ကို ငန်နေတာ၊ရေလည်း ရောပြီးပြီးပြီ၊ မန်ကျည်းသီး ဖျော်ရည်လဲ ထည့်ပြီးပြီ၊ ငန်နေတုန်းပဲ၊ အဲဒါမငန်အောင် ဘာလုပ်ရမလဲပေါ့။ လှမ်းမေး ရသေးတယ်။ သူတို့က မန်ကျည်းဖျော်ရည်ထည့်တဲ့။ အဲလိုမှမရရင် ဘဲဥရေဆေး အသစ်ပြန်ချက်တဲ့။ အဖြေလေးက အားရှိစရာလေးနော်။ :D ဒါနဲ့မထူးဘူး၊ ဒုတိယံမိ မန်ကျည်းသီးကို ရေဖျော်၊ပြီးတော့ ဒယ်အိုးထဲ ရေအပြည့်ထပ် လောင်းထည့်ပစ်လိုက်တယ်။ ပြီးတော့ငြုပ်ရုပ်သီးတောင့်နဲ့ နံနံပင်လေးပါအုပ်ပစ်လိုက်။ မှတ်ကရောပဲ။ ဟဲဟဲ..ရွှေကြက်ဥတွေက ဘယ်အငြိုးနဲ့ ဒီလောက် ငန်နေမှန်းကို မသိတော့ဘူး။ဟဲ..ဟဲ.. နောက်ဆုံးတော့ ရပါပြီ။ ငါးပိမပါတဲ့ ကြက်ဥငါးပိချက်...ဟားဟား... :P

အဟင့်...ဟင့်.. ဒီနေ့တော့ ဖြစ်သလို ကြက်ဥငါးပိ ချက်လေးနဲ့ ထမင်းအိုးလူး လေးနဲ့ပဲနှစ်ပါးသွား ရတော့မယ်။ :( ကဲစားချင်ရင် တစ်ခါတည်း စားသွားနော်။ ကြက်ဥတွေက ၁၀လုံးတောင် ချက်ထားတာ။ ပျော်ပျော်ပါးပါး ကြက်ဥ ငါးပိချက်လေးနဲ့
အတူတူ စားလိုက် ကြရအောင်...နော်.... :D

ဦးဦးသံလွင်၊ဦးဦးအိမ်နဲ့တီတီတန့်တန့်တို့ရေ
ဒီလောက်နဲ့ပဲ ကျေနပ် လိုက်တော့နော်။ ပြီးရင်လည်း ထမင်း တစ်ခါတည်း စားသွားဖို့ မမေ့နဲ့နော်။အားမနာနဲ့ ။ ဟီးဟီး.. :P

အဲဒါကတော့ 7.10.2008 ရဲ့ဖြစ်သလို စားလိုက်ရတဲ့ တစ်နေ့တာ အမှတ်တရလေးပါပဲ။ :)

တက်ဂ်ထုံးစံအရ မက်မက်ကလည်း ပြန်တက်ဂ် ချင်သေးတာပေါ့။ အခုတက်ဂ် ပေးရမယ့်သူတွေကတော့

ဦးဦးတိန်လို့ခေါ်တဲ့ ကိုဖေသိန်း (ရေးပြီးသွားပါပြီ)
ဦးဦးလစ်လို့ခေါ်တဲ့ ကိုကျော်သက်လတ်
ဦးဦးခင်ရေးလို့ခေါ်တဲ့ ကိုမောင်ခင်လေး
ဦးဦးဖားကြီးလို့ခေါ်တဲ့ ကိုဖားကြီး
ဦးဦးလုံးလို့ခေါ်တဲ့ ကိုအနက်ရောင်မျက်လုံး
တီတီယောင်းယောင်းလို့ခေါ်တဲ့ မမီးလေး
တီတီငယ်လို့ခေါ်တဲ့ မခင်လေးငယ်
တီတီမေလို့ခေါ်တဲ့ မမေအိခင်(ရေးပြီးသွားပါပြီ)
တီတီတွန်းတွန်းလို့ခေါ်တဲ့ မစ်(စ်)သွန်းသွန်း
တို့ပဲဖြစ်ပါတယ်။ မက်မက်ကို ခင်တယ်၊ချစ်တယ် ဆိုရင်တော့ တက်ဂ်ပေးကြမယ်လို့ မျှော်လင့်တာပဲ။ :P

Saturday, October 4, 2008

မေတ္တာရှင်မလေးသာမာဝတီမိဖုရား

အခုပြောပြမှာကတော့ မေတ္တာရှင် သာမာဝတီမိဖုရား ရဲ့အကြောင်းလေးပါ။ ကောသမ္ဗီ ပြည်မှာ ဥတေနမင်းကြီးအုပ်စိုးစဉ်က သူ့မှာမြှောက်စားထားတဲ့ မိဖုရားသုံးပါးရှိပါတယ်။ပထမမိဖုရား ကြီးမှာသာမာဝတီ၊ ဒုတိယ မိဖုရားမှာ မာဂဏ္ဍီနဲ့ တတိယ မိဖုရားကတော့ ၀ါသုလဒတ္တာတို့ပဲဖြစ်ပါတယ်။ သာမာဝတီဆိုတာ ကောသမ္ဗီပြည် ဃောသက သူဌေးကြီး၏ မွေးစားသမီးပါ။မိဘအရင်း တွေကတော့ ဘဒ္ဒ၀တီ သူဌေးကြီး တွေဖြစ်ပါတယ်။ ဃောသကနဲ့ ဘဒ္ဒ၀တီသူဌေးတို့က လူချင်းမမြင်ဖူးဘဲ သတင်းကြားရုံနဲ့ အင်မတန် ရင်းနှီးတဲ့ မိတ်ဆွေများ ဖြစ်ကြပါတယ်။ဘဒ္ဒ၀တီ သူဌေးကွယ်လွန်တော့ ဃောသက သူဌေးက သာမာဝတီလေးကို သမီးအဖြစ်နဲ့ မွေးစားတာပါ။

အဲဒီအချိန်တုန်းက သာဝတ္ထိပြည်မှာ မြတ်စွာဘုရားက နေ့စဉ်ဝေနေယျတို့ကို တရား ဒေသနာတော် များကို ဟောပြောဆုံးမလို့ သောတာပန်ဖြစ်သူ၊ သကဒါဂါမ်ဖြစ်သူ၊ အနာဂါမ်ဖြစ်သူ၊ ရဟန္တာဖြစ်သူတွေ ဖြစ်နေတဲ့အချိန်မှာ ကေသမ္ဗီပြည်မှာတော့အဲဒီ ခေတ်အချိန်က လူတွေဟာ ဘုရားပွင့်တော် မူတာကို မသိကြသေးဘူး။ ကေသမ္ဗီ ပြည်မှာ သူဌေးသုံးဦးရှိတယ်။သာမာဝတီရဲ့ မွေးစားဖခင် ဃောသကသူဌေး၊ ကုက္ကုဋ္ဋသူဌေးနဲ့ ပါဝါရိကသူဌေး တို့ပဲဖြစ်ကြပါတယ်။

သူတို့သုံးဦးက မြတ်စွာဘုရား မပွင့်မီကာလ ကတည်းက ဟိမ၀န္တာကနေကေသမ္ဗီ ပြည်ကိုလာရောက် သီတင်းသုံးကြတဲ့ ရသေ့ငါးရာတို့ကို အလှည့်ကျ ပစ္စည်းလေးပါး တို့နဲ့လှူဒါန်း နေကြတာပါ။ရသေ့ငါးရာ တို့ရဲ့တဆင့် စကားအရ မြတ်စွာဘုရား ပွင့်တော်မူတယ် ဆိုတာကို သိရတဲ့အခါ ကြည်ညိုတဲ့ စိတ်တွေ ပေါက်လာတယ်။ဒါနဲ့သာဝတ္ထိပြည် ကိုသွားပြီး မြတ်စွာဘုရားကို ကေသမ္ဗီပြည်သို့ ကြွရောက်တော်မူပါရန် လျှောက်ထားပြီး ကေသမ္ဗီပြည်မှာ သီတင်းသုံးဖို့ ကျောင်းတိုက်ကြီး သုံးတိုက်ဆောက်ပြီး လှူဒါန်း ကြလေသည်။

အဲဒါတွေက ဃောသက သူဌေးဆောက်လုပ်သော ကျောင်းကို ဃောသိတာရုံကျောင်း၊ ကတ္တုဋ္ဋာသူဌေး ဆောက်လုပ်တဲ့ကျောင်းကို ကုတ္တုဋ္ဋာရုံကျောင်း၊ ပါဝါရိကသူဌေးဆောက် လုပ်သော ကျောင်းကို ပါဝါရိကာရုံကျောင်း လို့ခေါ်ပါတယ်။

သူဌေးကြီးသုံးဦးကို နေ့စဉ်ပန်းများကို ပေးသွင်းသူ သုမနပန်းသည်ဟာ သူဌေးသုံးဦး ၏ခွင့်ပြုချက်ကြောင့် ဘုရားအမှူးရှိတဲ့ သံဃာတော်တွေကို တနေ့တာအတွက် ဆွမ်းကပ်ခွင့် ရသွားလေသည်။ ဒီလိုနဲ့ သာမာဝတီမိဖုရားရဲ့ ပန်းအ၀ယ်တော် ခုဇ္ဇုတ္တရာက သုမနပန်းသည်ဆီမှာ ပန်းဝယ်ဖို့ ရောက်ရှိလာတာနဲ့ ကြုံကြိုက်ပြီး မြတ်စွာဘုရားထံမှ တရားဒေသနာတော် များကိုနာကြား လိုက်ရတဲ့အခါမှာ ခုဇ္ဇုတ္တရာဟာ သောတပန် ဖြစ်သွားပါတယ်။ဥတေနမင်းကြီးက သာမာဝတီမိဖုရား ပန်းပန်ရန် နေ့စဉ် ရှစ်သပြာပေးတာကို လေးသပြာဖိုးပဲဝယ်ပြီး ကျန်လေးသပြာကို နေ့စဉ်ယူခဲ့တဲ့ ခုဇ္ဇုတ္တရာ သောတာပန် ဖြစ်သွားသောကြောင့် ပန်းဖိုးရှစ်သပြာ လုံးဝယ်ပြီးသာမာ ၀တီမိဖုရားကို ဆက်သတော့တယ်။ရှေးကထက် နှစ်ဆများနေတဲ့ ပန်းတွေကိုကြည့်ပြီး မိဖုရားက မေးမြန်းတော့ ခုဇ္ဇုတ္တရာက အရင်က ရှစ်သပြာထဲမှ လေးသပြာဖိုးသာ ၀ယ်ယူပြီး၊ ယခုမူမြတ်စွာဘုရား၏ တရားတော်ကို နာကြားရသောကြောင့်သော တပန်ဖြစ်သွားပြီ ဖြစ်သွားသဖြင့် အဒိန္နာဒါနကံ ထိုက်သောအမှုကို မလုပ်တော့ဘဲ ရှစ်သပြာလုံး ၀ယ်လိုက်သောကြောင့် ပန်းများယခုကဲ့သို့ များသွားရခြင်း ဖြစ်ကြောင်း ပြန်ရှင်းပြပါတော့တယ်။

သာမာဝတီမိဖုရားက စိတ်ဆိုးခြင်းမရှိဘဲ တရားတော်ကိုပြန်လည် ဟောကြားပေးဖို့ တောင်းပန်ရာ ခုဇ္ဇုတ္တရာက နံ့သာရည်များဖြင့် မိမိကိုယ်ကို သန့်စင်အောင်လုပ်ပြီး မြင့်သောနေရာထက်မှ နေ၍ သာမာဝတီမိဖုရား အမှူးရှိသော မောင်းမငါးရာတို့ ကိုသူနာကြားခဲ့ရသော တရားတော်အတိုင်း ပြန်လည်ဟောပြလေ၏။ သာမာဝတီမိဖုရားနဲ့ မောင်းမငါးရာတို့လည်း တရားတော် နားကြားပြီး သောတပန် ဖြစ်သွား လေသည်။ အဲဒီအချိန်မှစ၍ ခုဇ္ဇုတ္တရာကို အမိအရာ၌လည်းကောင်း၊ ဆရာအရာ၌ လည်းကောင်း ထားထားပါတယ်။ ခုဇ္ဇုတ္တရာကလည်း နေ့စဉ် မြတ်စွာဘုရားထံမှ တရားဒေသနာတော် များကိုနားကြား၍ သာမာဝတီမိဖုရား အမှူးရှိတဲ့မောင်းမတို့အား ပြန်လည်ဟောကြားပေးလေသည်။ သာမာဝတီမိဖုရား အမှူးပြုသော မောင်းမများသည် မြတ်စွာဘုရား ထံတော်မှောက်သို့ ကိုယ်တိုင်သွားရောက်၍ ဖူးမြော်လိုကြပါသော်လည်း အခွင့်မရ၍ မသွားနိုင်။ဒါကြောင့် မြတ်စွာဘုရား နဲ့နောက်ပါ သံဃာတော်များ ကကေသမ္ဗီပြည် တွင်းသို့ဆွမ်းခံဝင်တဲ့ အခါမှာ ဤကားမြတ်စွာဘုရား၊ ဤကား သာရိပုတ္တရာ၊ ဤကားမောဂ္ဂလာန်၊ ဤကားအာနန္ဒာ စသည်ဖြင့် သာမာဝတီမိဖုရား အမှူးရှိသော မောင်းမတို့အား ခုဇ္ဇုတ္တရာ ကပြောပြ၏။ သာမာဝတီမိဖုရား တို့အုပ်စုကလည်း နံရံပေါက်များမှ ရှစ်ခိုးကြ၏။

ခုဇ္ဇုတ္တရာနှင့် သာမာဝတီတို့ဆိုတာ ပဒုမုတ္တရာ မြတ်စွာဘုရားထံမှ ဗျာဒိတ်တော်ရပြီးသော ပါရီရှင် များဖြစ်ကြပါတယ်။ ခုဇ္ဇုတ္တရာက ဂေါတမမြတ်စွာဘုရား လက်ထက်တော်တွင် ဗဟုသုတအရာ၌ ဧတဒဂ်ရမည်ဖြစ်၏။ သာမာဝတီမိဖုရားက မေတ္တာအရာ၌ ဧတဒဂ်ဘွဲ့ထူး များရမည်ဖြစ်ပါတယ်။ ဗျာဒိတ်တော် အတိုင်းပင် အမျိုးသမီးနှစ်ဦးလုံး ဆိုင်ရာဧတဒဂ်ဘွဲ့ထူး များကိုရကြပါ၏။

ဥတေနမင်းကြီးရဲ့ ဒုတိယမိဖုရားမာဂဏ္ဍီ ဟာအရမ်းချောမောလှပတဲ့ ဗြဟ္မအမျိုး သမီးပါ။မာဂဏ္ဍိ၏မိဘနှစ်ပါးက သူတို့၏သမီး မာဂဏ္ဍီသည် အလွန်ချောမောလှပ တဲ့အတွက် အခြားသူများနှင့် မထိုက်တန်ပဲ မြတ်စွာဘုရားနဲ့ သာတန်သည်ဟုယူ ဆပြီး ဇနီးအဖြစ်သိမ်းပိုက်ဖို့ လျှောက်ထားတော့ မြတ်စွာဘုရားက မာဂဏ္ဍီထက် ပို၍ချောမောလှပသော မာရ်နတ်၏သမီးများ ကိုပင်မသိမ်းပိုက်ခဲ့ကြောင်း၊ကျင်ကြီး ကျင်ငယ် တို့ဖြင့် ပြည့်နေသော မာဂဏ္ဍီကို မည်သို့မျှမသိမ်းပိုက် နိုင်ပါလို့ပြန်ပြောတော့ မာဂဏ္ဍီကလေး ဒေါသထွက် အရှက်ကြီးရှက်ပြီး မြတ်စွာဘုရား အပေါ်၌ငြိုး မာန်ဖွဲ့ပါတယ်။လက်စားချေရန် အခါအခွင့်ကို စောင့်လျက်ရှိ၏။ မြတ်စွာဘုရားနဲ့ နောက်ပါသံဃာတော်များ ကောသမ္ဗီပြည်တွင်းသို့ ဆွမ်းခံကြွတော်မူ တဲ့အခါလူ မိုက်များကို ရွှေငွေပေး၍မြတ်စွာဘုရား နောက်သို့ တကောက်ကောက် လိုက်ကာ အမျိုးမျိုး ဆဲရေးအောင်၊ စွပ်စွဲအောင်၊ ကဲ့ရဲ့အောင် မာဂဏ္ဍီမိဖုရား ကဖန်တီးပြီး မြတ်စွာဘုရားပေါ် ကလဲ့စားချေတယ်။ဆွမ်းခံဝင်တိုင်း ဆဲရေးဖန် များသောအခါရှင် အာနန္ဒာကမြတ်စွာဘုရားအား

"အရှင်ဘုရား၊ ကောသမ္ဗီပြည်သူပြည်သားများသည် တပည့်တော်တို့ ဆွမ်းခံရာနောက်သို့ တကောက် ကောက်လိုက်လျက် ဆဲရေးကြပါသည်။တခြားအရပ်သို့ ဆွမ်းခံသင့်ပါ သည်ဘုရား" လို့လျှောက်တော့ မြတ်စွာဘုရားက

"အာနန္ဒာ အခြားအရပ် ကလည်းဤသို့ ဆဲရေးပြန်သော် နောက်ထပ် အဘယ်အရပ် သို့သွားမည်နည်း။ အရပ်လေးမျက်နှာ သို့သွားသောအခါ၊ အရပ်လေးမျက်နှာမှရောက် လာသောရန်သူတို့ကို ရင်ဆိုင်ရမည်။ ဒါကြောင့်အယူမှားသူတို့ ဆဲရေးသည်ကိုသည်း ခံခြင်းဖြင့် ရင်ဆိုင်ရမည်၊အာနန္ဒာ မကြောင့်ကြလင့်၊ ဆဲရေးသူတို့သည် ခုနစ်ရက်သာ ဆဲရေးနိုင်ကြမည်။ တစ်စုံတစ်ရာတုန့် ပြန်ခြင်းမပြုဘဲ သည်းခံခြင်းအားဖြင့် ဆဲရေးသူ တို့သည် ၈ရက်မြှောက်နေ့၌ ရပ်သွားကြလိမ့်မည်"ဟုမိန့်တော်မူပါတယ်။

မြတ်စွာဘုရားမိန့်တော် မူသည့်အတိုင်း သူမိုက်တို့သည် မြတ်စွာဘုရားနှင့်သံဃာ တော်များအား ဆွမ်းခံကြွစဉ် ဆဲရေးခြင်းမှ ရပ်သွားကြကုန်၏။ မာဂဏ္ဍီ၏ကလဲ့စား ချေမှုသည် မအောင်မြင်ဘဲရှိပြန်ရော။ မာဂဏ္ဍီကလည်း အလွယ်တကူ စိတ်မလျှော့ပါဘူး။

အကုသိုလ်ကံ ဖိစီးခံရသူများအတွက် ပျက်စီးချိန် ရောက်လေလျှင် အမှား" သည် "အမှန်" အသွင်ဖြင့် ထင်လာ တတ်၏၊

ဟူ၍၀ဇီရဗုဒ္ဓိဋ္ဋီကာဆရာ ဆိုသည့်အတိုင်း မာဂဏ္ဍီသည် သူမရဲ့အကြံအစည် ကိုမှန်ကန်သော ကလဲ့စားချေမှု အဖြစ်မှတ်ယူပြီး မြတ်စွာဘုရားအပေါ် ကလဲ့ စားချေမှု မအောင်မြင်တော့ မြတ်စွာဘုရား၏ သာဝိကာမ သာမာဝတီမိဖုရား အပေါ်သို့ လှည့်လာပြန်တယ်။သာမာဝတီမိဖုရား သည်ဥတေနမင်းကြီး အပေါ်ထက် မြတ်စွာ ဘုရားပေါ် စိတ်ညွတ်နေသူ ဖြစ်ကြောင်း၊ဒါကြောင့် မင်းကြီး၏ အသက်အန္တရာယ် စိုးရိမ်ဖွယ်ရာရှိကြောင်း၊ အကယ်၍ မင်းကြီးမ ယုံကြည်ပါလျှင် သာမာဝတီမိဖုရား၏ အဆောင်သို့ကြွရောက် ပြီးနံရံ၌ အပေါက်များဖောက်ပြီး ထိုအပေါက်များမှ မြတ်စွာဘုရား မြို့တွင်းသို့ ဆွမ်းခံကြွစဉ် ချောင်း ကြည့်သည်ကို စစ်ဆေး နိုင်ပါကြောင်းဖြင့် ကုန်းတိုက် လျှောက်ထားပါတယ်။

ဘုရင်လည်း စစ်ဆေးရာ နံရံများဖောက်ထားသည်ကို တွေ့မြင်သဖြင့်မေးမြန်းတော့ သာမာဝတီမိဖုရားက မြတ်စွာဘုရား ဆွမ်းခံကြွစဉ် ဖူးမြော်ရန် ဖောက်ထားခြင်းဖြစ် ပါတယ်လို့ အမှန်အတိုင်း တင်လျှောက်တော့ မင်းကြီးက အရေးယူခြင်း မပြုဘဲ အပေါက်များကိုသာ ပိတ်ခိုင်းလိုက်တယ်။မာဂဏ္ဍီမိဖုရားကြီး၏ အကြံအစည်လည်း ပျက်သွားတော့တယ်။ ပထမအကြံအစည် ပျက်သွားတဲ့အခါ ဒုတိယ အကြံအစည် ကိုကြံစည်ပြန် တော့တယ်။ မင်းကြီးပွဲတော် တည်ရန်အတွက် သာမာဝတီမိဖုရားအား ကြက်သားဟင်း ချက်ပို့ရန် အမိန့်ချမှတ်ဖို့ တင်လျှောက်ရာ မင်းကြီးကလည်း မာဂဏ္ဍီမိဖုရား တင်လျှောက်သည့်အတိုင်း အမိန့်ထုတ်ပြန် လိုက်တယ်။မာဂဏ္ဍီမိဖုရားက ကြက်အရှင်လေးကောင်အစား ကြက်အသေလေးကောင် ကိုပို့လိုက်တယ်။ သာမာဝတီမိဖုရား ကလည်းကြက်သေဖြစ်သဖြင့် ဟင်းချက်၍ ပို့လိုက်၏။ ဒီအခါမှာလည်း မင်းကြီးက သာမာဝတီမိဖုရား အားတစ်စုံတစ်ရာ အရေးယူခြင်း မပြုခဲ့ပြန်ဘူး။ မာဂဏ္ဍီမိဖုရားက မြတ်စွာဘုရား အပေါ်ကို အာဃာတပြင်းသူတစ်ဦးပါ။ဘုရားအပေါ်ကို ကလဲ့စားချေဖို့ မတတ်နိုင်တော့ မြတ်စွာ ဘုရားရဲ့တပည့် သာမာဝတီအပေါ်၌ အကောက်ကြံရန် အားထုတ်ပြန်တာပါ။မာဂဏ္ဍီမိဖုရားသည် ပဋ္ဋိဃသံယောဇဉ် ကြီးလွန်းသူဖြစ်၏။အာဃာတ ပြင်းလွန်းသူ၊လက်စားမချေရလျှင် မနေနိုင်တော့ ကလဲ့စားချေဖို့ အမျိုးမျိုး အားထုတ်ပါသော်လည်း မအောင်မြင်ဘဲ ရှိသဖြင့် ဇွဲမလျှော့ဘဲ နောက်ထပ်အား ထုတ်ပြန်တာပါ။

အဓမ္မနည်းဖြင့် အနိုင်ယူရန် အားထုတ်မှုသည် အကယ်၍ နိုင်စေကာမူ ယာယီ နိုင်မှုမျိုးသာ ဖြစ်၏။ပျားကဲ့သို့ ချိုလျှင်လည်း အဆိပ်လူးသော ပျားမျိုးသာဖြစ်၏။

ဤဓမ္မတာကို မာဂဏ္ဍီမသိ။ဒါကြောင့် ထပ်ပြီးအကောက် ကြံပြန်တာပေါ့။ ဥတေန မင်းကြီးက မိဖုရားသုံး ယောက်ရဲ့ အဆောင်များမှာ ခုနစ်ရက်လျှင် တစ်လှည့်စီ စံစားလေသည်။ယခု မာဂဏ္ဍီမိဖုရား၏ အဆောင်မှာ စံစားပြီး သာမာဝတီမိဖုရား၏ အဆောင်၌ စံစားမှာဖြစ်ပါတယ်။ သာမာဝတီမိဖုရား၏ အဆောင်သို့မပြောင်း ရွေ့မီ မာဂဏ္ဍီမိဖုရားဟာ အစွယ်ချိုးထားတဲ့ မြွေဟောက်တစ်ကောင်ကို ဥတေနမင်း ကြီး၏စောင်းခွက်ထဲမှာ ထည့်ထားပြီးအပေါ်မှ ပန်းကုံးတို့ဖြင့် ပိတ်ဆို့ထားလိုက်တယ်။ ဥတေနမင်းကြီးသည် သာမာဝတီမိဖုရား အဆောင်သို့ ကူးသွားတဲ့အခါ စောင်းတော်ကိုပါ တစ်ပါတည်း ယူဆောင်သွားပါတယ်။ မာဂဏ္ဍီမိဖုရားကလည်း မင်းကြီးကိုစိတ်မချ ဟုဆိုပြီး မင်းကြီးနှင့် အတူလိုက်ပါ သွားတယ်လေ။သာမာဝတီမိဖုရား အခန်းသို့ ရောက်သော အခါ မင်းကြီးက သလွန်မှာ လျောင်းနေတော့ မာဂဏ္ဍီမိဖုရားက စောင်းပေါ်က ပိတ်ဆို့ထားသော ပန်းကုံးကိုဖယ်လိုက်ပြီး မလှမ်းမကမ်း နေရာမှာနေနေတာ ပေါ့။နှစ်ရက်၊သုံးရက်ပိတ်လှောင်ခံထားရတဲ့ မြွေဟောက်က အမျက်ထွက်ပြီးပါးပြင်း ကိုထောင်၍ ထွက်လာတော့ မာဂဏ္ဍီမိဖုရားက အထိတ်တလန့် တကြားအော်ဟစ် လိုက်ရာ မင်းကြီးလည်း မြွေဟောက်ကိုမြင်သဖြင့် များစွာထိတ်လန့် ကြောက်ရွံပြီး သာမာဝတီမိဖုရား အပေါ်ပြင်းစွာအမျက် ထွက်တော့တာပေါ့။

ဥတေနမင်းကြီးသည် သာမာဝတီမိဖုရား အပေါ်မှာ စိတ်ဆိုးလွန်းလို့ သာမာဝတီမိဖုရား နှင့်တကွ မောင်းမငါးရာ တို့ကိုတန်းစီစေပြီး ဗိုလ်ခြေတစ်ထောင်တင်သော လေးမှာအဆိပ်လူးမြားတပ်၍ ကိုယ်တော်တိုင် စီရင်မည်ဟု အမိန့်ချ မှတ်လိုက်လေသည်။ သာမာဝတီမိဖုရားက မေတ္တာအရာ၌ ဧတဒဂ် ရထားသူဖြစ်လေတော့ ဘုရင်နှင့်တကွ မာဂဏ္ဍီမိဖုရား အပေါ်မှာ အမျက်မထွက်ကြရန် နှင့်မိမိနဲ့ထပ်တူ မေတ္တာပွားကြရန် သူ့ရဲ့မောင်းမများကို သွန်သင်ပါတယ်။ သွန်သင်တဲ့အတိုင်း မောင်းမငါးရာ တို့ဟာ ဥတေနမင်းကြီး နဲ့မဂဏ္ဍီမိဖုရား အပေါ် မွန်မြတ်နက်ရှိုင်း သောမေတ္တာ ဘာဝနာကို ပွားကြပါတယ်။

ဦတေနမင်းကြီးသည် သူအမိန့်ချမှတ် ထားတဲ့အတိုင်း သာမာဝတီ အမှူးရှိသော မောင်းမတို့အား လေးဖြင့် ခွင်းမယ်ဆိုတော့ လေးကိုတင်လို့လည်းမရ၊ ချ၍လည်းမရနဲ့ မင်းကြီးအလွန် ထိတ်လန့်နေပါတယ်။ ကိုယ်မှာလည်း ဇောချွေးပြန်၊ အခြားကိုင်စရာ ယူစရာများ ကိုလည်း ကိုင်၍မရ၊ ယူ၍ မရဖြစ်နေတော့ မင်းကြီးက သာမာဝတီမိဖုရားကို သူ၏ကိုးကွယ်ရာဖြစ်ရန် တောင်းပန်တာပေါ့။ ဒါနဲ့ သာမာဝတီမိဖုရား ကလည်း မင်းကြီးကို မြတ်စွာဘုရားအား ကိုးကွယ်ရန် ပြောကြားလိုက်ပြီး မိဖုရားကိုယ်တိုင်ကလည်း မင်းကြီး လက်မှမြား လွတ်ပါစေ သတည်းဟု အဓိဋ္ဌာန်လိုက်ရာ မင်းကြီးလက်မှ လေးနဲ့မြှားလည်း လွတ်သွားပါတယ်။ ထိုအခါမှ မင်းကြီးသည် သက်သာရာရ သွားပါတော့တယ်။ ဒါဟာ သာမာဝတီမိဖုရားရဲ့ မေတ္တာနဲ့ သစ္စာ၏ အာနုဘော်ကြောင့်ပါ။

ဥတေနမင်းကြီး ကလည်းအဲဒီအချိန် ထဲကစပြီး မြတ်စွာဘုရားကို ကြည်ညိုသွားပါတယ်။ မြတ်စွာဘုရား အမှူးရှိသော သံဃာတော်များအား ခုနစ်ရက်တိုင်တိုင် နန်းတော်သို့ပင့်ပြီး ဆွမ်းလုပ်ကျွေးတယ်။ တရားတော်ကိုလည်း နာကြားတယ်လေ။ သာမာဝတီမိဖုရား နှင့်တကွ မောင်းမငါးရာ တို့အားလည်း မြတ်စွာဘုရားကျောင်း တော်ကိုသွားရောက် တရားနာ ခွင့်ပေးလိုက်တယ်။ တရားနာ သွားတဲ့အခါမှာလည်း အစောင့်အရှောက် ကိုလည်းထည့်ပေး လိုက်တယ်။ မြတ်စွာဘုရား၏ ခွင့်ပြုချက်ဖြင့် ရှင်အာနန္ဒာအား နေ့စဉ် သာမာဝတီမိဖုရား အဆောင်သို့ ဆွမ်းဘုဉ်းပေးရန်နှင့် တရားဒေသနာတော် ဟောကြားရန် ပင့်လျှောက်ပေးတယ်။ဒါတွေဟာ သာမာဝတီမိဖုရား နှင့်မောင်းမငါးရာတို့၏ မေတ္တာဘာဝနာ ဒိဋ္ဌဓမ္မအကျိုး ဖြစ်ပါတယ်။

မာဂဏ္ဍီိဖုရားကလည်း သူကြံစည်တိုင်း ပျက်ယွင်းတဲ့အတွက် များစွာခံပြင်း တော့တာပေါ့။ဒါကြောင့် မင်းကြီးကနေတဆင့် မဆောင်ရွက်တော့ပဲ ကိုယ်ကိုတိုင်ဆောင်ရွက်ဖို့ ဆုံးဖြတ်လိုက်တယ်။ ဒီလိုနဲ့ တစ်နေ့တော့ မင်းကြီး တောကစားထွက် နေခိုက်မှာ ဦးရီးတော် စူဋ္ဌမာဂဏ္ဍီပုဏ္ဏားကို သာမာဝတီရဲ့ နန်းပြာသာဒ်ဆောင် တစ်ခုလုံးကို မီးတိုက် စေခိုင်းတယ်။သာမာဝတီ အမှူးပြုသော မောင်းမငါးရာတို့လည်း မီးလောင် ကျွမ်း၍ ကွယ်လွန် ကြကုန်လေသည်။

အဲဒါဘာကြောင့်လည်း ဆိုတော့ အရင်အတိတ် ကာလက သာမာဝတီ အမှူးပြုသော မောင်းမငါးရာတို့သည် နိရောဓ သမာပတ် ၀င်စားနေတဲ့ ပစ္စေကဗုဒ္ဓါ တစ်ပါး၏ ချုံပုတ်ကို ပစ္စေကဗုဒ္ဓါ ရှိမှန်းမသိဘဲ မီးလှုံလိုသဖြင့် မီးတိုက်ခဲ့၏။နောက်မှ ပစ္စေကဗုဒ္ဓါ ကိုတွေ့တော့ ဘုရင်မင်းမြတ် ကိုးကွယ်တဲ့ ပစ္စေကဗုဒ္ဓါမှန်း သိလို့ မင်းဒဏ်သင့် ခံရမှာကြောက်တဲ့အတွက် အပြတ်ရှင်းရန် ဆက်လက် မီးတိုက်စေခဲ့တော့တယ်။ပစ္စေကဗုဒ္ဓါက နိရော ဓသမာပတ်၏ စွမ်းအင်ကြောင့် တစ်စုံတစ်ရာ အန္တရယ်မရှိခဲ့ပါဘူး။ သို့ပေမယ့် အဲဒီအကုသိုလ်ကံ က အရိပ်ပမာ လိုက်ခဲ့ပါတယ်။နှစ်သိန်းပေါင်းများစွာ ငရဲ၌ကျခဲ့ရတယ်။ ဘ၀တစ်ရာတိုင်တိုင် ယခုကဲ့သို့ အိမ်လုံးကျွတ် မီးလောင်၍ သေဆုံးခဲ့ရတယ်။

ဒါကြောင့် ကုသိုလ်ကံဖြစ်စေ၊ အကုသိုလ်ကံဖြစ်စေ ကံ၏အကျိုးကို တားမြစ်ရန် မည်သူမျှ မတတ်နိုင်ဟု မြတ်စွာ ဘုရားက ဟောတော်မူခြင်း ဖြစ်ပါတယ်။

မင်းကြီးလည်း သာမာဝတီမိဖုရားနဲ့ မောင်းမငါးရာတို့ နန်းပြာသာဒ် မီးလောင်ရာတွင် ပါသွားကြောင်း သိရတဲ့အခါ မာဂဏ္ဍီမိဖုရား ရဲ့လက်ချက်ဖြစ်တယ် ဆိုတာကို ရိပ်မိတယ်။ ဒါကြောင့် အတိအကျ ဖော်ထုတ်ဖို့ နန်းရင်ပြင်မှာ မှူးမတ်များရှေ့မှာ သာမာဝတီမိဖုရား ရန်ကိုအမြဲတမ်း စိုးရိမ်နေရတယ်။ အခုမှ အေးချမ်းစွာ နေရေပေတော့မယ်။ နန်းပြသာဒ်မီးရှို့ သူအားများစွာ ကျေးဇူးတင်တယ် ဟုမိန့်တော်မူလိုက်ရာ အနီးမှာ ခစားနေတဲ့ မာဂဏ္ဍီမိဖုရားက သူဆောင်ရွက်ခြင်း ဖြစ်ပါကြောင်း၊ ဆွေမျိုးတို့ကို သူခိုင်းခြင်း ဖြစ်ပါကြောင်း တင်လျှောက်တာပေါ့။ ဒါနဲ့မင်းကြီးက ယခုကိစ္စ၌ပါ ၀င်ဆောင်ရွက်သူ များကိုခေါ်ပါ။ ဆုလာဘ်များစွာ ချီးမြှင့် မည်ဟုဆိုပြီး ခေါ်လေသည်။ မင်းကြီးကလည်း ဆုတော်လာဘ်တော်များကို ထိုက်ထိုက်တန်တန် ချီးမြှင့်ပါတယ်။ ဆွေးမျိုးမကင်းသူများကပင် လာရောက်၍ဆုတော် များကိုယူကြပါတယ်။ နောက်ဆုံး ဆုလာဘ်တော်များ ယူတဲ့သူအကုန်လုံးကို ဖမ်းဆီးပြီးမင်းရင်ပြင်၌ မြေတွင်းကိုတူးစေကာ ချက်အထိ မြှုပ်ပြီးမီးရှို့၍ သတ်ရန် သေဒဏ် ပေးလိုက်လေသည်။

အဓမ္မနည်းဖြင့် ရယူခဲ့တဲ့ မာဂဏ္ဍီမိဖုရား၏ အောင်နိုင်မှု နိဂုံးသည် ဓမ္မအလှည့်သို့ ရောက်သောအခါ ကြီးစွာသော ကျဆုံးမှု အဖြစ်သို့ ရောက်သွားလေသည်။

မာဂဏ္ဍီမိဖုရား၏ အသားများကို လှီးဖြစ်၍ ကြော်စေပြီး ထိုအသားကြော်များကို မာဂဏ္ဍီ မိဖုရားအား စားစေလေသည်။ မာဂဏ္ဍီမိဖုရားသည် ကြီးစွာသော ဒုက္ခဝေဒနာကို ခံစား၍ ကွယ်လွန်ရှာလေသည်။

လောကတွင် မည်သည့်အလုပ်ကို လုပ်လုပ်မြင့်မြတ်သော စိတ်ထားရှိရမည်။ စူးစမ်း ဆင်ခြင်နိုင်သော အသိဉာဏ် ရှိရမည်။ လုပ်နည်းလုပ်ဟန် မှန်ရမည်။ ဤအင်္ဂါသုံးရပ်နဲ့ ညီလျှင် ထိုလုပ်ငန်းသည် နှစ်လိုဖွယ် ကောင်းသော လုပ်ငန်းဖြစ်၏ ဟုအနုဋ္ဋီကာဆရာ ဆိုကြောင်းကို ဆရာတော် ဦးသေဋ္ဌိလ (အဘိဓဇ မဟာရဋ္ဌဂုရု)ကမိန့်ဖူးပါတယ်။

ဤလောက၌ မာဂဏ္ဍီမိဖုရားလို အမျိုးသမီးတွေ ဘယ်နှစ်ယောက်များရှိမည်နည်း။ သာမာဝတီမိဖုရားလို အမျိုးသမီးများလည်း မည်မျှရှိလေမည်နည်း။ဥတေနမင်းကြီးလို ယောက်ျားမျိုးလည်း မည်မျှ ရှိလေမည်နည်း။

ဤပို့စ်ဖြစ်မြောက်ဖို့အတွက် အကူအညီပေးသော ဆရာတော်ညဏ်အား DREAM မှအထူး ကျေးဇူးတင်ပါတယ်။

ဆရာဦးရွှေအောင်၏ ဓမ္မပဒစာအုပ်မှ မှီငြမ်းပါတယ်။

Thursday, October 2, 2008

တို့မေတ္တာစွမ်းကမ္ဘာလွမ်းအေးချမ်းကြပါစေ


ကျွန်ုပ်နှင့်အတူဤBlogပိုင်ရှင်လေးအေးချမ်းပျော်ရွှင်ပါစေ



AVSEQ03 -


May I Be Free From Enmity And Dangers
May I be free from Mental Suffering
May I Be Free From Physical Suffering
May I Take Care Of Myself Happily .

May My Parents , Teachers , Relatives And Friends fellow Dhamma Faires
May They Be Free From Enmity and Dangers
May They Be Free From Mental Suffering
May They Be Free From Physical Suffering
May They Take Care Of Themselves Happily .

May All You Gaze In This Compound
Be Free From Enmity And Dangers
Be Free From Mental Suffering
Be Free From Physical Suffering
May They Take Care Of Themselves Happily .

May All Monks In This Compounds , Novice monk , Layman And Laywomen De cycle
May They Be Free From Enmity and Dangers
May They Be Free From Mental Suffering
May They Be Free From Physical Suffering
May They Care Of Themselves Happily .

May Are Donor Of The Prophet Of Clothing ,Food, Medicine and Voucer.
Be Free From Enmity And Dangers
Be Free From Mental Suffering
Be Free From Physical Suffering
May They Take Care Of Themselves Happily .

May Are Guardians Divas In This Monastery In This Dwelling , In This Compound.
May The Guardians Divas
May They Be Free From Enmity and Dangers
May They Be Free From Mental Suffering
May They Be Free From Physical Suffering
May They Care Of Themselves Happily.

May All Being , All Dwelling Things, All Creature , All Individuals ,
All Personality ,All Femal ,All Male ,All Nobleone
All wailling , all Dieties , All Human , All Those In The Four Worlds Who Praying .
May They Be Free From Enmity and Dangers
May They Be Free From Mental Suffering
May They Be Free From Physical Suffering
May They Take Care Of Themselves Happily .

May All Being ,Be Free From Suffering
May Whatever They Have Gain Not Be Lost.

သဗ္ဗေသတ္တာ ဝေနေယျာ ကျန်းမာ ချမ်းသာ ကြပါစေ။

ကျွန်ုပ်၏မေတ္တာကြောင့်လူသားအားလုံးငြိမ်းချမ်းကြပါစေ။


မေတ္တာ ပို့မယ်ဆိုရင် မိမိကိုယ်ကို မေတ္တာဓာတ် ကိန်းဝပ်အောင်
အရင်ဆုံး ပို့သရပါတယ်။
မိမိ၏စိတ် သဏ္ဌာန် ကြည်လင်မှသာ သူတပါးကို မေတ္တာပို့ရင် ပိုပြီးထိရောက်ပါတယ်။
ဒါကြောင့် စိတ်ညစ်ညူးနေ၊ ထိုင်းမှိုင်းနေတဲ့အခါ၊ အရင်ဆုံးစိတ်ကို တည်ငြိမ်အောင်
အရင်ထားပြီး မိမိကိုယ်ကို အရင်ဆုံး အေးချမ်းတည်ငြိမ်မှုရအောင် မေတ္တာပို့ပါ။အဲဒီ
နောက်ဆက်လက်ပြီး အခြားသူများကို မေတ္တာပို့သပါ။သင်ဟာ မလွဲမသွေ စိတ်ကြည်နူး
တာခံစားရပြီး သင်နှင့်အတူ သင့်ပတ်ဝန်းကျင်ပါ ကြည်နူးမှုကို ခံစားရမှာပါ။

ဒီမေတ္တာပို့လေးကို သေသေချာချာ လေးလေးနက်နက် နှင့်ရွတ်ဆိုပြီး မေတ္တာပို့ကြည့်ပါ။
သင်ဟာလုံးဝ စိတ်နှလုံး ကြည်နူးသွားတာကို
လက်တွေ့မှာခံစားရပါလိမ့်မယ်။Dream
ဒီမေတ္တာပို့လေးကို Blog ပေါ်မှာတင် ဖို့အတွက် မေတ္တာပို့ပါ စာသားကိုသေသေချာချာ
နားထောင်ပြီး
အတတ်နိုင်ဆုံး ကြိုးစားရေးသား ပြီးဖော်ပြ ပေးလိုက်ပါတယ်။ဒီလိုနား
ထောင်ပြီး ရေးတဲ့အခါမှာ Dream ရဲ့ ဥာဏ်ရည်နိမ့်မှုအရ စာလုံးပေါင်း အမှား၃နေရာ
ပါတယ်ဆိုတာ သိပါတယ်။ အဲဒါလေးကို ဘယ်လိုမှ မရေးတတ်အောင် ဖြစ်နေပါတယ်။
အခုစာဖတ်သူ တွေကသိခဲ့မယ်ဆိုရင် ကျေးဇူးပြုပြီး အဲဒီစာလုံးပေါင်း အမှားကို
အကြံပြု ရေးပေးပါလို့ တောင်းဆိုပါတယ်။

အားလုံးပျော်ရွှင်ပါစေလို့ဆန္ဒပြုပါတယ်။ :)