အမှတ်တရထဲကအမှတ်တရ

ပြောရမယ်ဆိုရင် သူနဲ့ စတွေ့ကတည်းက ထူးထူးခြားခြားပါပဲ။အရပ်က ကလန်ကလား၊ နဖူးကပြောင်ပြောင်၊ ဆံပင်ကရှည်ရှည်နဲ့ ဟွန်းးးးးလက်ထဲမှာ ကင်မရာကြီး တစ်လုံးနဲ့။ ဘယ်ဂိုင်းစတား အဖွဲ့ကလဲပေါ့ တစ်ယောက်ထဲ တွေးမိရင်း သူငယ်ချင်း တစ်ယောက်အိမ်မှာ ရှမ်းခေါက်ဆွဲ စားရင်း ဆုံမိကြတယ်။

ဟဲ့...မက်မက်...ဒါကမိုးကုတ်သားလို့ ခေါ်တယ်။
ဘာာ...မိုးခိုသား...ဟုတ်လား.... ဟွန်းးနာမည်ကြီးကလဲ....
အမဲသားရောင်းတဲ့သူလားမသိဘူး။ ဟိဟိ....
တကယ်က ကိုယ်က ကြားချင်ရာ ကြားနေတာ။ မိုးကုတ်သားကို မိုးခိုသားလို့ မှားကြားမိတာ။း)) အဲ့လိုနဲ့ စနောက်ပြောင်ရင်း ခင်မင်လာခဲ့ ကြတယ်ပေါ့လေ။

ဘယ်နေရာ ဘယ်ရောက်ရောက် ဘလော့ဂ်မောင်နှမတွေ တွေ့ဆုံတိုင်းမှာ သူမပါရင် ပွဲမစည်ဘူး။ (အင်းးး....ကင်မရာ မျက်နှာတော်တော် ကြီးတာပဲ..ဟတ်ဟတ်.... :P ) ကဲထားတော့..သူ့အတွက် အမှတ်တရ တခုခု ရေးမယ်လို့ ကြံမိပေမယ့် ဘလော့မှာ စာစီဖို့ လုပ်လိုက်ရင် စာမျက်နှာတွေ တော်တော်ကုန်မှာ စိုးတဲ့အတွက် (တကယ်က ဆင်ခြေပေးတာ :P ) အတိုချုံ့လိုက် ရပါတယ်။

သူနဲ့အမှတ်မထင် တွေ့ဆုံပြီး ခင်မင်ခွင့် ရခဲ့တဲ့သူ
စိတ်သဘောထား ပြည့်ဝပြီး ဘ၀ကို ရိုးသားစွာ ကြိုးစားပြီး ဖြတ်သန်းနေတဲ့သူ
၂၁ရာစုရဲ့ လူပျိုကြီး စာရင်းဝင် ဖြစ်တဲ့သူ ၊
အသက်ကြီးပေမယ့် စတိုင်လ်မိမိနဲ့ အမြဲတမ်း လန်းနေတဲ့သူ
စင်းဘလော့ဂ်ါများရဲ့သက်ကြီးတန်းဝင်သွားသူ :P
ဘလော့ဂ်ါမောင်နှမတိုင်းရဲ့ ချစ်ခင်ရသောသူ
ထိုသူကတော့ မိုးခိုသား မဟုတ်တဲ့ ကိုမိုးကုတ်သားခေါ် ကိုဘိုဘို ဖြစ်ပါတယ်။ ဘွဲ့နာမည်တွေကတော့ ထင်ထင်ရှားရှားပါပဲ။
တချို့ကလဲသူ့ကို ကိုမိုးကုတ်တဲ့
တချို့ကတော့ ကိုဘိုတဲ့
တချို့ကတော့ အုပိုပိုတဲ့
တချို့ကတော့ ကိုဘိုကြီးတဲ့
တချို့ကတော့ ကိုကိုတဲ့
တချို့ကတော့ အူးဘိုတဲ့။
သူ့ကိုယ်ကိုယ်တော့ ကိုမောင်ဟတ် တဲ့။ :P

ကဲ...အူးအူးဘိုဘို..မွေးနေ့မှာ စတင်ပြီး အမြန်ဆုံး စွံပါစေ.........လို့ မက်မက်က ဆုတောင်းပေးပါတယ်.... မွေးနေ့လက်ဆောင် အဖြစ်တော့ ထုံးစံအတိုင်း အာဝါးးမက်မက်က အာဝါးးးအမြှောက်တစ်သိန်းးးးကိုပဲလက်ဆောင် ပေးခဲ့မယ်နော်။း)


ဒီကနေ့ကတော့ ကိုဘိုဘိုခေါ် ကိုမိုးကုတ်သားရဲ့ သက်တော် ၃၆နှစ်မြောက် မွေးနေ့လေး ဖြစ်ပါတယ်။ :P (ဖော်ကောင်လုပ်တာ) မိမိမွေးနေ့လေးမှာ ကုသိုလ်ရေးကို မမေ့တဲ့ ကိုဘိုတစ်ယောက် အမွန်မြတ်ဆုံး ဒါနကုသိုလ်လေး တစ်ခုကို လုပ်ခဲ့အတွက် သာဓုခေါ်ပါတယ်။ မွေးနေ့မှာ ကိုယ့်အသွေးအသားကို ဖောက်ထုတ်လှူ ဒါန်းခဲ့တဲ့ မွေးနေ့ရှင်လေး အတွက် ထပ်တူထပ်မျှ ပီတိဖြစ်ရသလို ဂုဏ်လဲယူ မိပါတယ်။ မွေးနေ့ရှင် ကိုဘိုကြီး မွေးနေ့မှ စ၍ ၀င်သက်ထွက်သက် ရှိနေသမျှ ကာလပတ်လုံး ရောက်လေရာ နေရာ ၀န်းကျင်မှာ စိတ်ချမ်းသာခြင်းနဲ့ ပြည့်စုံပြီး အစစအရာရာ အဆင်ပြေပါစေ။ကြံစည်သမျှ အောင်မြင်ပါစေလို့ မက်မက်အဒေါ်ဖြစ်တဲ့ ဒွင်းက ဆုတောင်းပေးပါတယ်ရှင်။

HaPpY bIrThDaY .. mAnY hApPy rEtUrNs oF tHe dAy..........

Cheers!!

ကဲကဲ...မွေးနေ့ရှင်ကနေ စားစရာတွေ အများကြီးနဲ့ တည်ခင်းဧည့်ခံ ထားတယ်လို့ မှတ်ပြီး စားစရာရှိတာ စားသွားကြနော်..ဘာမှအားမနာနဲ့။း) ဘာပဲလိုလို ၊ဘာပဲစားချင်စားချင် မျက်စိမှိတ်ပြီး တလိုက်တာနဲ့ ဂူဂယ်လ်မှာ ရှိပါတယ်။ ရှာစားလိုက်ကြနော်။း)) အဟီးးး :P

မြင့်မြတ်သူတို့ရဲ့အလုပ်(သို့) မျက်နှာသုံးမျိုး

ဆရာတော် အရှင်ရာဇိန္ဒ(ရဝေနွယ်-အင်းမ)နှင့် ဆရာတော် အရှင်နေမိန္ဒာဘိဝံသ ဆရာတော် နှစ်ပါးတို့သည် ယခုလာမယ့် မေလ ၁၄၊ ၁၅ ၊၁၆ ရက်နေ့မှာ သိရီမင်္ဂလာကျောင်း(Portland Oregon)တွင် ဓမ္မမိတ်ဆွေ အပေါင်းတို့အား တရားတော်များ ဟောကြားချီးမြှင့်ပေး သွားမည်ဖြစ်ပါကြောင်းနဲ့ တရားပွဲတော်များအား http://livedhamma.com မှရုပ်သံတိုက်ရိုက် ထုတ်လွင့်ပေးမှာ ဖြစ်ကြောင်း သတင်းကောင်း ပါးရင်းနဲ့ ကဲ...မိတ်ဆွေတို့ရေ..တူတူတရား နာရအောင် ဖိတ်ပါတယ်နော်။

နောက်ပြီး ဘုန်းဘုန်းရာဇိန္ဒ ရေးသားထုတ်ဝေတဲ့ ဒီဆောင်းပါးစာစုလေးနဲ့ ဘုန်းဘုန်းကိုလဲ ပူဇော်ပါတယ်။ ခုတစ်လော စိတ်ပင်ပန်း ဆင်းရဲမှုတွေကြောင့် ကိုယ့်မျက်နှာဟာလဲ အပူဓာတ်များ လွန်းနေတဲ့ အတွက် မကြည်လင်နိုင်ပါ။ ဒီလိုတွေ ဖြစ်နေတာ ကိုယ့်ကိုယ်ကိုယ် သိလို့မေတ္တာဓာတ် နဲ့ငြိမ်းချမ်းအောင် လုပ်ယူနေ ရပေမယ့် အချိန်တိုင်း မရဘူး၊ သတိလွတ်တာနဲ့ စိတ်အစဉ်က ရွေ့တာပဲ။ ဒေါသ၊ မာနက ထန်လာရော။ စိတ်ကဆတ်တဲ့ လူဆိုတော့ ပိုဆိုးတာပေါ့။ ဒါကိုသိတာနဲ့ ချက်ချင်းပြန်ပြင် ယူပါတယ်။ မသိစိတ်က တအားနေရာ ယူတဲ့အခါ အပူသည်ရုပ် ငြိမ်းချမ်းမယ့် တစ်နေ့ကို မျှော်လင့်ရင်း ကိုယ့်ကိုကိုယ် အမြဲမေတ္တာ ပို့ပါတယ်။ (မိမိကိုယ်က အေးချမ်းမှ တစ်ပါးသူကို အေးချမ်းမှု ပေးနိုင်မယ်လို့ ထင်လို့ပါ) ဘုန်းဘုန်းပြောတဲ့ နံပါတ်သုံး အမျိုးအစားထဲမှာ ပါနေတာကို နံပါတ်နှစ် အမျိုးအစားထဲ ပါအောင် လေ့ကျင့်နေပါတယ်။ မေးလ်ကတဆင့် ၀င်လာတဲ့ ဘုန်းဘုန်းရဲ့ ဆောင်းပါးလေးကို ဖတ်ကြည့်လိုက် ပါဦးနော်။

မျက်နှာ က သုံးမျိုးရှိပါတယ်။ ပူသည့် မျက်နှာရယ်၊ အေးသည့် မျက်နှာရယ် ၊မပူမအေး မျက်နှာ ရယ်ပါ ။ တစ်ချို့များ မျက်နှာ မြင်လိုက် ရရင်ပဲ သူ့မျက်နှာမှာ အအေးဓာတ်က အထင်းသား ပေါ်နေတာပါ။ မျက်နှာက ကြည်နေတာပါ။ သူတင်လား ဆိုတော့ မဟုတ်ပါဘူး။ မြင်ရတဲ့ သူရဲ့ရင်ကို အေးသွားတာပါ။ ကုသိုလ်တွေ ရင်ထဲမှာ ပြည့်နေမယ်၊ စိတ်ထား လေးတွေကောင်း နေမယ်ဆိုရင် အေးတဲ့ မျက်နှာကို ရနေတာပါ။

တစ်ချို့ကျတော့ မျက်နှာမြင်လိုက် ရတာနဲ့ သူ့မျက်နှာ မှာ အပူဓာတ်က အထင်းသား ပေါ်နေတာပါ။ မြင်ရတဲ့သူ ရင်ထဲကိုတောင် ပူချင်ပူ သွားတာပါ။ အကုသိုလ်တွေ ရင်ထဲမှာ ပြည့်နေမယ် ၊စိတ်ထားလေးတွေ ညံ့နေမယ်ဆိုရင် ပူတဲ့ မျက်နှာကို ရနေတာပါ။ စကားလုံး လှလှတွေ အမူအရာ ကောင်းကောင်းတွေနဲ့ ဘယ်လောက်ပဲ ဟန်ဆောင်ထား နိုင်ပေမဲ့ မျက်နှာမှာတော့ ညာလို့မရပါဘူး။ အကုသိုလ် သိပ်များနေ တဲ့သူရဲ့ မျက်နှာဟာ ကြည်ကြည်လင်လင်ကို မရှိပါဘူး။ မျက်နှာကြည့်ရုံနဲ့ သိပ်သိသာပါတယ် ။ ရုပ်လှတာ မလှတာ၊ အသာဖြူတာ၊ မဖြူတာနဲ့ လည်းမဆိုင်ပါဘူး။ မျက်နှာမှာကို အပူဓာတ်ကသိသာ ပေါ်လွင်နေတာပါ။

အကောင်းဆုံး အလှပြင်ဆိုင် ကိုသွားပြီး အကောင်းဆုံး ပြင်ထားဦးတော့ ၊ရင်ထဲမှာ အကုသိုလ်တွေ ရှိနေရင် စိတ်ထားတွေ ညံ့နေရင် အပူမျက်နှာပဲ ဖြစ်နေမှာပါ။ အအေး မျက်နှာကို မရနိုင်ပါဘူး။တစ်ချို့ကျတော့ တစ်ခါတစ်လေ ကုသိုလ်စိတ် ဖြစ်လိုက်၊ တစ်ခါတစ်လေ အကုသိုလ်စိတ် ဖြစ်လိုက် စိတ်ထား ကောင်းလိုက် စိတ်ထား ညံ့လိုက်နဲ့ အဲလို လူမျိုးရဲ့ မျက်နှာ မပူမအေး မျက်နှာပါ ။
စာဖတ်သူကော မျက်နှာသုံးမျိုးထဲက ဘယ်မျက်နှာ မျိုးထဲမှာ ပါပါသလဲ ။ စာရေးသူကတော့ တစ်ခါတစ်လေ ပူတဲ့ မျက်နှာဖြစ်လိုက် တစ်ခါတစ်လေ အေးတဲ့ မျက်နှာ ဖြစ်လိုက်နဲ့ပါ။ ပူတဲ့မျက်နှာ ဖြစ်နေတယ် ဆိုရင် ကိုယ့်ကိုယ်ကိုယ် သိနေတာပါ။ အဲဒီ နေ့တွေများဆို ပရိတ်သတ်နဲ့ မတွေ့ချင်ပါဘူး။ အားနာလို့ပါ ။တွေ့ဖြစ်ခဲ့လျှင်လည်း အဆင်မပြေဖြစ် တတ်လွန်းလို့ပါ။ အအေးမျက်နှာ ရပြီဆိုရင်တော့ ဘယ်သူနဲ့ပဲ ဆက်ဆံဆက်ဆံ အစစအရာရာ အဆင်ပြေ နေတတ်ပါတယ်။

အမှန်တော့ ကိုယ့်မျက်နှာကိုယ် (မှန်ကြည့်သောအခါ) ရေချိုးခန်းထဲမှာ တံခါးပိတ်ပြီး အသေချာ ကြည့်ရင် သိသာပါတယ်။ တကယ်လို့ ကိုယ့်မျက်နှာဟာ ပူတဲ့မျက်နှာ ဖြစ်နေရင် ဘာမှအားငယ်စရာ မလိုပါဘူး ။ အေးတဲ့မျက်နှာ ဖြစ်အောင် ပြုပြင်ယူလို့ ရပါတယ်။ ကိုယ်က အေးတဲ့ မျက်နှာရှိချင် တဲ့သူဖြစ်ဖို့ ပဲလိုပါတယ်။ အေးတဲ့မျက်နှာ ဖြစ်ဖို့အတွက်တော့ လွယ်တဲ့ ကမ္မဋ္ဌန်း တစ်ခုခုကို အမြဲနှလုံးသွင်း နေလိုက်ရုံပါပဲ။ ခက်တဲ့ ကမ္မဋ္ဌန်းဆို မလုပ်ဖြစ်မှာ ဆိုးလို့ပါ။

ဥပမာ - နမောတဿ ကို အချိန်များများ ပွားနေလိုက်မယ် ဆိုရင်လည်း ရပါတယ်။ ထမင်းချက် ရင်းလည်း ပွားလို့ရတာပါ ပဲ။ ဈေးရောင်းရင်းလည်း ပွားလို့ရတယ်။ ဈေးဝယ်ရင်းလည်း ပွားလို့ရပါတယ်။ သွားရင်းလာရင်းလည်း ပွားလို့ရနေတာပါ ပဲ။နောက်ဆုံး ရေချိုးခန်း ၀င်ရင်းနဲ့လည်း ပွားလို့ရ နေတာပါပဲ။ တစ်ခါတစ်လေ မကောင်းတဲ့စိတ် တစ်ခုခုများ ၀င်ခဲ့ရင် ချက်ချင်းပဲ နမောတဿ ကိုးခေါက်၊ ဆယ်ခေါက်လောက် ပွားပစ်လိုက်ပါ။

မကောင်းတဲ့စိတ် ၀င်လိုက်တာနဲ့ နမောတဿ ပွားလိုက် နဲ့ ကြာလာတော့ မကောင်းတဲ့ အကုသိုလ် စိတ်ဝင်မှုတွေ လျော့သွားပါလိမ့်မယ်။ မကောင်းစိတ်တွေ လျော့လျော့သွားရင် မျက်နှာက အပူဓတ်တွေပါ လျော့လျော့သွားတာပါ။ ပွားရင်း၊ ပွားရင်းနဲ့ မျက်နှာမှာ အအေးဓတ်က ပေါ်လာတာပါ။ အဲဒီအခါမှာ မှန်ထဲပြန်ကြည့်ရင် အအေးဓာတ်နဲ့ ကိုယ့်မျက်နှာကိုယ် ကျေကျေနပ်နပ်နဲ့ တွေ့ရတော့မှာပါ။ ပွားစမှာတော့ အအေးမျက်နှာကို ချက်ချင်း ရဦးမှာ မဟုတ်ပါဘူး။ ပွားတဲ့အထုံ ရက်ကလေး ကြာလာမှ ရလာမှာပါ။ ကိုယ်က အလုပ်တစ်ခု အနေနဲ့ ပွားနေဖို့ပါပဲ။ အအေးဓာတ် မျက်နှာရ သွားပြီဆိုရင် နေရထိုင်ရ တာကစ ပေါ့ပေါ့ပါးပါးကို ရှိသွားတော့တာပါ။
လောကရဲ့ သဘောအရ အေးတဲ့ မျက်နှာရှိတဲ့ သူကိုပဲ လူတွေက ဆက်ဆံချင် ကြတာပါ။ ပူတဲ့မျက်နှာ ရှိတဲ့သူကို အလုပ်သဘောအရ ဆက်ဆံရဦးတော့ မဆက်ဆံ ချင်ကြပါဘူး။ ကိုယ်က ဒီအကျိုးအပစ် လေးတွေကို အာရုံပြုပြီး အေးတဲ့မျက်နှာဖြစ်အောင် အသိနဲ့ပြုပြင် ယူရမှာပါ။ ပုထုဇဉ်တွေ ဆိုတော့လည်း အမြဲတမ်း အေးတဲ့မျက်နှာ ဖြစ်နေဖို့ဆိုတာ မလွယ်ပါဘူး။ တစ်ခါတစ်လေ ဒေါသကြောင့်ပဲ ဖြစ်ဖြစ် ဣဿာ မစ္ဆရိယ ကြောင့်ပဲဖြစ်ဖြစ် ကိုယ့်ရဲ့ မျက်နှာက ပူတဲ့မျက်နှာ ဖြစ်သွားတတ်ပါတယ်။ ကိုယ့်မျက်နှာ ပြောင်းလဲ သွားပြီဆိုတာနဲ့ ကိုယ်က သိလိုက်ဖို့ပါပဲ။ သိပြီးရင်ပြုပြင်ယူ သွားဖို့ပါပဲ။ ကိုယ်က အေးတဲ့မျက်နှာ ရထားရင် အနုပညာ အလုပ်ကိုပဲ လုပ်လုပ် ၊ဈေးပဲရောင်းရောင်း ၊ စာပဲသင်သင် ၊ ဆိုက်ကားပဲနင်းနင်း၊ ဘာစီးပွားရေး ပဲလုပ်လုပ် ကိုယ့်ရဲ့အလုပ်ကို အအေးမျက်နှာက အထောက်အပံ့တွေ ပေးနေတာပါ။
ဘာပဲပြောပြော ရင်ထဲမှာ အကုသိုလ် စိတ်တွေဖြစ်မနေအောင် လွယ်ကူတဲ့ ကမ္မဋ္ဌန်း တစ်ခုခုကို အမြဲ နှလုံးသွင်း နေဖြစ်ရင် အအေး မျက်နှာကို ရနေတာပဲလေ ။တကယ်တော့ ဇနီး၊ ခင်ပွန်း၊ သားသမီး၊ ရာထူး၊ အာဏာ၊ ငွေကြေး၊ အရာအားလုံးဟာ ဘာမှ မမြဲပါဘူး။ မမြဲတဲ့ သဘောတရားတွေကို မမြဲဘူးလို့ ကိုယ်ကသိ လိုက်ဖို့ပါပဲ။

အဲဒီမမြဲတာတွေကိုပဲ အမှီပြုပြီး လောဘ၊ ဒေါသ၊ ဣဿာ မစ္ဆရိယ၊ ဖြစ်နေတာကိုက သိပ်ပြီးရှက်ဖို့ ကောင်းတာပါ။ ပြီးတော့သေရင် ကိုယ့်နောက်ပါမှာ ကျနေတာပဲ။ မမြဲတဲ့ သဘောတရားကို သိတတ်တဲ့ ဥာဏ်ဓာတ်ဟာ နောက်ဘ၀ နောက်ဘ၀ တွေအထိလည်း အထုံဓာတ် ပါသွားမှာပါ။ နောက်ဘ၀ နောက်ဘ၀ မှာလည်း အထုံဓာတ်က ပါလာတာ ဆိုတော့ မမြဲတဲ့ သဘောတရားတွေကို သတိဥာဏ် ပွင့်ပြီး နောက်ဘ၀ နောက်ဘ၀တွေမှလည်း တရားတွေ အားထုတ် ဖြစ်ရဦးမှာပါ။ နောက်ဘ၀ နောက်ဘ၀ တွေမှာလည်း တရားတွေ အားထုတ်ဖြစ်ပြီး နေက္ခမ္မ ပါရမီ (နေက္ခမ္မ ပါရမီ ဆိုသည်မှာ လောဘ စတဲ့ အကုသိုလ် တရားတွေကို ကိုယ့် သန္တာန် မှာ မရှိအောင် လုပ်တာပါ ) ကိုလည်း ဆင့်ကာ ဆင့်ကာ ဖြည့်ကျင့် နေကြဦးမှာပါ။နေက္ခမ္မ ပါရမီတွေ ဖြည့်ရင်း ဖြည့်ရင်းနဲ့ တစ်ဆင့်ထက် တစ်ဆင့် မြင့်လာပြီး ပါရမီတွေ ပြည့်လာတဲ့အခါ ဘ၀ရဲ့ တကယ့် ပန်းတိုင်ဖြစ်တဲ့ မဂ်ဖိုလ် နိဗ္ဗာန်ကို ရောက်ရှိသွား တော့မှာပါပဲလေ။

မြင့်မြတ်သူ တို့ရဲ့ အလုပ် ရဝေနွယ် (အင်းမ) ဓမ္မ အမြုတေ စာစဉ် ၁၀ စာအုပ်၊ စာမျက်နှာ ၉၄ ~ ၉၉ မှ ထုတ် နုတ် ကူးယူ ပူဇော်ပါသည်။

ငယ်ချစ်ဟောင်းနဲ့စောင်းအိုရှင်

စောင်းသံမပီ တေးလည်းမညီလေပြီ
လူလည်းအို စောင်းအိုငယ်ကျွမ်းနဲ့
ရည်ရွယ်လှမ်းရာ လမ်းရှာသူ အဖြစ်များသည်
ငယ်ချစ်ဟောင်းကို အောက်မေ့သတိရ
စောင်းမှတေးသံ ခေါ်ဟန်လေလား
အစွဲအလမ်းနဲ့ ချစ်အားငယ်လေပြီ....

စိတ်တူကိုယ်တူ အနုပညာ မြတ်နိုးကြတာညီ
ဒါတွေမမေ့နိုင်ချေပြီ စည်းနဲ့ဝါးကို စိတ်အလိုရွှင်ပျ
ငယ်ချစ်ကကိုင်ကာ နုသောနွဲ့သော တေးအလှတွေသီ
ခိုင်မြဲတည်ကြည် ရည်ရွယ်မှု အသိတရားများသည်
ချစ်သူနှစ်ဦးစလုံးမှာ အပြုံးကလေးတွေ ကိုယ်စီ
ကိုယ့်စောင်းသံသည် သာယာညိမ့်ညောင်း
မင်္ဂလာအပေါင်းနဲ့ ပြည့်လေပြီ။

အဖြစ်ဟောင်းဆိုတာ လူတိုင်းကိုယ်စီ ရှိကြလေပြီ
သူနဲ့ကိုယ့်အကြောင်း ကိုယ့်စောင်းသံသည်
ဆန့်ကျင်ဖီလာ သံသာငုတ်လျှိုး
စောင်းကြိုးတွေလဲ ပြတ်ရှာလေပြီ။

အော်...ကိုယ့်တစ်ယောက်တည်း အဖော်ကွဲ
တကယ်မဖြစ်ကောင်းတဲ့ အကြောင်းတွေသည်
ငယ်ချစ်ဟောင်းနဲ့ နှောင်းခဲ့လေပြီ

ဒီသီချင်းကို ကြိုက်လို့ပါ။ စာသားကလဲ မိုက်တယ်။ သံစဉ်ကလဲ ညိမ့်တယ်။ အသံကလဲ နားဝင်ချိုတယ်။ အသံရော သံစဉ်နဲ့စာသားပါ အေးအေးလေးနဲ့ နှလုံးသားကို စွဲကိုင်နိုင်တဲ့ သီချင်းတစ်ပုဒ်ပါပဲ။ ကိုယ့်အကြိုက်ဆုံး မြန်မာသီချင်း စစ်စစ်ထဲက သီချင်းတစ်ပုဒ်ပေါ့။ ကဲ...အဲ့လိုမြန်မာသံနဲ့ မြန်မာသီချင်း စစ်စစ်ကို သူတို့တွေများ ကြိုက်တတ်မလား မသိဘူးနော်။ မြန်မာမှန်ရင် မြန်မာသံစဉ် စစ်စစ် သီချင်းကိုတော့ ကြိုက်မယ့်သူ ရှိမှာပါ။ မေးကြည့်ဦးမှပဲ....အဟမ်းအဟမ်းး.....သူတို့ကလည်း အခုလို မြန်မာသံနဲ့ မြန်မာသံစဉ် စစ်စစ်ကို အင်မတန် ကြိုက်ပါသတဲ့လေ။ အဲ..နေဦး...စည်းကမ်းကတော့ နံပါတ်တစ်-မြန်မာသံစဉ် စစ်စစ်ဖြစ်ရမယ်။ နံပါတ်နှစ်-ဗုဒ္ဓ၀င်တေး မဖြစ်စေရ။(ရှေးသီချင်း ဖြစ်လည်း ရပါတယ်။)နံပါတ်သုံး-အချစ်တေး သီချင်းသာ(အလွမ်းအဆွေး နှစ်သက်ရာ) ဖြစ်ရမည်။ နံပါတ်လေး- ပို့စ်ခေါင်းစဉ်သည် သီချင်းခေါင်းစဉ်သာ ဖြစ်ရမည်။ နံပါတ်ငါး-သီချင်းစာသားပါဝင်ရပါမည်။

ကဲ..မိတ်ဆွေ သင့်ရဲ့ LUCKY DRAW ကဘယ်လောက်လဲ။ ဟဲဟဲ...အာဝါးးးးးးးးနော်.....ချစ်လို့ တက်ခ် လိုက်တာ။
(ဘလော့တွေမှာ မြန်မာသံစဉ်နဲ့ အလှဆင်ရန် ရည်ရွယ်၍ သာစိတ်ကူးခြင်း ဖြစ်ပါသည်။ ပို့စ်မရေးချင်ပဲ နေနေတဲ့ သူတွေကိုလဲ စိတ်ပြေလက်ပျောက် လမ်းဖောက်လိုက်တာပါ။ ) အားမနာတမ်း ပြောရရင် ဆား ချက်တာ.... :P ငါ့နံပါတ် ဘယ်လောက်လဲ ဖြစ်မလဲဆိုပြီး နံပါတ်တွေ တစ်ခုချင်း လိုက်နှိတ်နေရလို့ မှားပါတယ် မက်မက်ရယ် လို့မပြောနဲ့နော်။ ကံစမ်းမဲ ပေါက်တဲ့သူတွေကို အာဝါးးးးးးးးးးအမြှောက်နှစ်သိန်း ပေးထားပါတယ်နော်။ ဟဲဟဲ....... :P :P

1 ဦးဦးဝင်းလတ်(ဗေဒါလမ်း-ဒေါ်ကြည်၂ဌေး) Done
2
3
4
5 တီတီဆောင်းဦး(မအေးကိုချစ်လို့ပါ-လွှမ်းမိုး)Done
6
7
8 တီတီ၅၁၆/တီတီပန်း(ပန်းတောက်ဝါ)
9
10တီတီနန်း(အရိန္ဒမာအသိဆုံးပါ-ပိုးအိစံ)Done
11ဦးကိုကိုမောင်(ပန်းရနံ့)(ချစ်မိုးကြီး-ဖြူသီ)Done
12
13
14
15
16မမိုးခါး(ဆောင်းအမှီ/ပျို့မှာတမ်း-ဒေါ်မေရှင်)Done
17မကောင်းကင်ပြာ(ကသစ်ပန်း-ကိုအံ့ကြီး)Done
18
19ကိုဖိုးစိန်(ဂုဏ်မြင့်သူ-မောင်နေ၀ါ/ရာဇာဝင်းတင့်) Done
20ကိုဖိုးသင်္ကြန်(ချစ်မိုးဆွေ-ပြည်လှဖေ)Done
21ကိုမိုးခိုသား(လူချွန်လူကောင်း-ကိုအံ့ကြီး) Done
22
23
24
25မပွင့်မြူးဇင်(အညာမြေတမာလမ်းက ရွှေညာသူအလွမ်း-ချိုပြုံး) Done
26
27
28
29
30
31
32
33
34
35
36ကိုပိုးဟပ်လေး(ချစ်ခွင့်ပေးပါတော့ချစ်သူရယ်-သန်းဖေလေး)Done
37
38
39
40
41
42
43မချိုချိုသဇင်(ချစ်အာရုံ-မို့မို့ဇော်ဝင်း)Done
44
45
46
47၀က်ဝံလေး(မွှေးလွန်းသည့်ပန်း-စန္ဒားချစ်ဆွေ) Done

စိတ်ဝင်စားစရာသချာင်္ကမ္ဘာ

1 x 8 + 1 = 9
12 x 8 + 2 = 98
123 x 8 + 3 = 987
1234 x 8 + 4 = 9876
12345 x 8 + 5 = 98765
123456 x 8 + 6 = 987654
1234567 x 8 + 7 = 9876543
12345678 x 8 + 8 = 98765432
123456789 x 8 + 9 =987654321

1 x 9 + 2 =11
12 x 9 + 3 =111
123 x 9 + 4 =1111
1234 x 9 + 5 =11111
12345 x 9 + 6 =111111
123456 x 9 + 7 =1111111
1234567 x 9 + 8=11111111
12345678 x 9 + 9 =111111111
123456789 x 9 +10=1111111111


9 x 9 + 7 =88
98 x 9 + 6 =888
987 x 9 + 5 =8888
9876 x 9 + 4=88888
98765 x 9 + 3 =888888
987654 x 9 + 2 =8888888
9876543 x 9 + 1=88888888
98765432 x 9 + 0 =888888888

1 x 1=1
11 x 11 =121
111 x 111 =12321
1111 x 1111 =1234321
11111 x 11111 =123454321
111111 x 111111=12345654321
1111111 x 1111111 =1234567654321
11111111 x 11111111 =123456787654321
111111111 x 111111111 =12345678987654321

ပျင်းနေတာနဲ့ METACAFE ကနေ ရှာလာတာ။ အဟဲ... ဆားချက်တာလေ...တစ်တို့လောက် တို့သွားဦး... :P

မှားလား

မှားလားတဲ့ ..ဟုတ်ပါတယ်။လောကကြီးမှာ လူတိုင်းမ မှားဘူးတာ ရှိကြမယ် မထင်ပါဘူး။ ဒါမို့လို့လဲ မမှားသော ရှေ့နေ မသေသော ဆေးသမားစတဲ့ စကားပုံတွေ ပေါ်ထွန်းလာတာ ဖြစ်ပါလိမ့်မယ်။ အဲ..အမှားဆိုလို့ အဆိုတော်တွေတောင် ဆိုထားတာ ရှိသေးတယ်။ ပလေးဘွိုင်း သန်းနိုင်ဖြစ်မယ် ထင်တယ်။ ဘာတဲ့... (မှားလားးး....တို့နှစ်ဦး ချစ်ကြတာ မှားလား.....ဘ၀ခြင်းက ဝေးကွာ ခြားနား .....)စတဲ့..စတဲ့ မှားတာတွေလဲ ရှိကြမှာပဲ နော်။ ဒါက ဆယ်ကျော်သက်တွေ ဖြစ်ကြတဲ့အမှား။

ဟော..ငယ်ငယ်တုန်းက ကလေးအရွယ်မှာ ကျောင်းစာတွေ လုပ်တဲ့အခါ ခဏခဏ မှားလွန်းလို့ မိဘဆရာတွေက
ခဲဖျက်တောင် ထည့်ပေးရတာ မဟုတ်လား။ အဟား....စာရေးသူတို့ ငယ်ငယ် ကျောင်းသူကျောင်းသား အရွယ်တုန်းကတော့ ပြောခဲ့တဲ့ စာဆိုလေးတောင် ရှိသေးတယ်။ ဘာတဲ့။ "ဆရာမှားရင် ဆောတီး၊ တပည့်မှားရင် ဗျောတီး" ဆိုပြီးတော့လေ။ တချို့လူကြီး မိဘတွေကြတော့ သူတို့မှားလုပ်၊ မှားပြောမိ တဲ့အခါ ငြိမ်နေတတ်ကြပြီး ကလေးတွေမှားပြော၊ မှားလုပ်မိ တဲ့အခါ ဆူကြတာလဲ ရှိပါတယ်။ အဲဒီအခါ "လူကြီးမှားတော့ ဆောရီး ၊ ကလေးမှားရင် ဗျောတီး" ဆိုပြီး ကလေးတွေက ပြောဆိုတတ် ကြပါတယ်။

ဒါဆို အမှားတွေကို ဘယ်လိုတွေ ပြုလုပ်မိတတ် ကြသလဲ။ မှားပုံမှား နည်းတွေတာ မတူရင် မတူကြမယ်။ ကလေးအစ လူကြီးအဆုံး အမှားလုပ်တတ် ကြတာတော့ လူတိုင်းပါပဲ။ တချို့က လုပ်ငန်းခွင်မှာ၊ တချို့က လူမှုရေးမှာ ၊ တချို့က စီးပွားရေးမှာ ၊ တချို့က အချစ်ရေးမှာ၊ တချို့က ဒေါသ၊ မောဟ၊ လောဘရမ္မက် စုံလင်စွာနဲ့ စသည်ဖြင့် အမှားတွေ ကျူးလွန်မိမယ်။


တချို့အမှားတွေက ပြင်လို့ရတဲ့ အမှားရှိသလို တသက်လုံး ဘယ်တော့မှ ပြင်လို့မရတဲ့ အမှားလဲ ရှိတယ်။သိသိကြီး နဲ့မှားတာ ရှိသလို ၊ မသိဘဲ မှားကြတာလဲ ရှိတယ်။ ဒီနေရာမှာ လောဘ၊မောဟ၊ ဒေါသဇောတွေ ကပ်နေရင် ဘာမှမမြင်ဘဲ မှားတတ်ကြပါတယ်။ မှားတယ်ဆိုရာမှာလဲ မိမိကိုယ်တိုင်ကြောင့်၊ တချို့ကတော့ အပေါင်းအသင်းကြောင့်၊ တချို့က ပတ်ဝန်းကျင်ကြောင့် မှားတတ်ကြပါတယ်။ ဘယ်လိုပဲ မှားမှား ၊ ဘာကြောင့်ပဲ မှားမှား ၊ လွန်လွန်ကျူးကျူး မှားတတ်တဲ့ အမှားမျိုး ဟုတ်မဟုတ်၊ မှားနိုင်မမှားနိုင်၊ မှားသင့် မမှားသင့်ကို မမှားခင်က ဝေဖန်ပိုင်းခြား သိနိုင်စွမ်း ရှိရမယ်။(ဆိုလိုချင်တာက ဘုန်းကြီးထိပ်ခေါက်ပြီးမှ ကန်တော့၊ကန်တော့ လို့ပြောတာထက် အဲဒီလို မလုပ်ခင်က သင့်ဧ။် မသင့်ဧ။် ဆိုတာကို ပိုင်းခြားဝေဖန် နိုင်ရမှာပါ။)

တချို့မှားကြတဲ့ အမှားက တဖက်သား ဘ၀ကို ထိခိုက်နိုင်လောက်တဲ့ အမှားမျိုး ဖြစ်တတ်ပါတယ်။ တချို့ကြတော့လဲ မတော်တဆ ပြုလုပ်လိုက်တဲ့ အမှားတခုကြောင့် တစ်ဘ၀လုံး ပေးဆပ်လိုက်ရတဲ့ အမှားမျိုးလည်း ရှိတတ်ပါတယ်။ တချို့ကြတော့လဲ မထင်မှတ်တဲ့ အမှားတစ်ခုကြောင့် အသက်ရှင်ရက်နဲ့ ဘ၀သေဆုံး နေကြတဲ့သူတွေ ရှိပါတယ်။ တချို့ကျတော့လဲ အမှားတစ်ခုကြောင့် ဘ၀ပါပျက် သွားရတဲ့ သူတွေ အများကြီးပါ။ တစ်ချို့ကျတော့လည်း ကိုယ်လုပ်လိုက်တဲ့ အမှားကြောင့် မိသားစုတစ်စု၊ အိမ်ထောင်စုတစ်ခုဖြင့် အသက်ပါ သေဆုံးကြရတာ ယနေ့တိုင် အထိပါပဲ။ တချို့ကြတော့လဲ မှားမှန်းသိရဲ့နဲ့ အဲဒီအမှားကိုပဲ ခုံမင်စွာ ဆက်လက်ပြုလုပ် မှားကြတာလဲ ရှိပါတယ်။

ဘယ်လိုအမှားမျိုးပဲ ဖြစ်ဖြစ် ၊ သိရဲ့နဲ့ ကျူးလွန်မိတဲ့ အမှား၊ မသိပဲ ကျူးလွန်မိတဲ့ အမှား၊ တိုက်ရိုက်သော် လည်းကောင်း၊ သွယ်ဝိုက်သော် လည်းကောင်း မိမိကိုယ်တိုင်နဲ့ ပတ်သတ် ဆက်နွယ်ပါတယ်။ ဘယ်သူမပြု မိမိမှု ဆိုသည့်အတိုင်း ကိုယ်ကိုတိုင်မှာ တာဝန်ရှိပါတယ်။ ဘယ်အမှား ပဲမဆို အားလုံးကို ဆင်ခြင်နိုင်မှ တော်ရာကျပါမယ်။ ကိုယ့်ကြောင့် သူတစ်ပါး ထိခိုက်နစ်နာ သွားစေမယ့် အမှားမျိုးဆို ပိုတောင်ရှောင်ကြဉ် ရပါမယ်။

အမှားဆိုသည်မှာ ပြန်ပြင်၍ ရနိုင်သော အမှားနဲ့ ပြုပြင်လို့ မရနိုင်သော အမှားဆိုပြီး ခွဲခြားထား တယ်ဆိုတော့ အဲဒီအမှား တွေကရော ခွင့်လွတ်နိုင် စရာအမှားလား၊ ခွင့်မလွတ်နိုင်တဲ့ အမှားလား ။သိသိကြီးနဲ့ မှားတဲ့အမှား၊ မသိလို့ မှားမိတဲ့ အမှား ၊မတော်တဆနဲ့ မှားသွားတဲ့ အမှားတွေမှာ ဘယ်အမှားက ခွင့်လွတ်ဖို့ သင့်သလဲ လို့မေးရင်တော့ ၊ ဟုတ်ကဲ့။ သိသိကြီးနဲ့ ဆက်ပြီးမှားတဲ့ အမှားက ခွင့်လွတ်နိုင်စရာ အကြောင်းမရှိ ပါဘူးလို့ပဲ ဖြေရမှာပေါ့။ မသိလို့ မှားတဲ့အမှား တစ်ခုကို သိတဲ့အချိန်ကနေ စပြီးပြန်ပြင်ယူလို့ ရပါတယ်။ အဲဒီလို ပြုပြင်တဲ့သူကို လူတော်လို့ လူ့ပတ်ဝန်းကျင်မှ သတ်မှတ်ကြပြီး၊ ပြုပြင်တဲ့ သူတွေကို လူ့ပတ်ဝန်းကျင်မှာ ပြန်လည် လူတောတိုးနိုင်အောင် လက်တွဲ ခေါ်ယူနိုင် ရပါမယ်။ တဖန် အခွင့်အရေး ပေးသင့်ပါတယ်။ မှားမှန်းသိသိကြီးနဲ့ ဆက်ပြီး ပြုလုပ်တဲ့ အမှားကြတော့ ဘယ်လောက်ပဲ ပညာတတ်၊ ချမ်းသာနေပါစေ အလကား လူပါပဲ။ တဖန် လူမိုက်လို့ ဆိုထိုက်ပါတယ်။

ခွင့်လွတ်ထိုက်တဲ့ အမှားနဲ့ ခွင့်မလွတ်ထိုက်တဲ့ အမှားဆို ရာမှာလည်း သတ်မှတ်ထားတဲ့ ဥပဒေ စည်းမျဉ်း၊ ဘာသာရေးကျင့်ဝတ်၊ လူမှု့ရေး ကျင့်ဝတ်၊ စတာတွေနဲ့ တိုင်းတာပြီး တစ်ခုနဲ့ တစ်ခုဆက်စပ်လျှက် ရှိနေပြန်ပါတယ်။ တချို့အမှားက ဥပဒေက(မည်သို့အကြောင်းကြောင့်) ခွင့်လွတ်လိုက်ပေမယ့် လူမှုရေး စည်းမျှဉ်းအရ ခွင့်လွတ်ထိုက်စရာ မရှိပါဘူး။ လူမှုရေး စည်းမျှဉ်းအရ ခွင့်မလွတ် နိုင်ရင်လည်း ဘာသာရေး စည်းမျှဉ်းအရ ခွင့်လွတ်နိုင်စရာ မရှိပါဘူး။ တစ်ခါ ဒီနေရာမှာလည်း လူမှုရေးနဲ့ ဘာသာရေးက အရမ်းနီးစပ်ပါတယ်။(ဒါက စာရေးသူအမြင်၊ သဘောထား ကွဲလွဲနိုင်ခွင့် ရှိပါသည်)။

ဒါဆို သင်ရော ငယ်စဉ်ကလေး ဘ၀ကစပြီး အခုချိန်ထိ အမှားတွေ ဘယ်လောက်လုပ်ခဲ့ မိဘူးလဲ ။ငါလုပ်ခဲ့မိတဲ့ အမှားတွေက သူတစ်ပါးအပေါ် သွယ်ဝိုက်သော်လည်းကောင်း၊ တိုက်ရိုက်သော်လည်းကောင်း ထိခိုက်စေခဲ့သလား၊ ငါ့အမှားကြောင့် လူဘယ်နှစ်ယောက် ထိခိုက်ခဲ့သလဲ၊ ဆိုတာကို ညအိပ်ရာဝင်တိုင်း နဖူးပေါ် လက်တင်ပြီး စဉ်းစားမိဖူး ခဲ့ရဲ့လား။ သူတပါးအပေါ် ထိခိုက်အောင် မလုပ်တဲ့ အမှားဆိုရင် ချစ်စရာ အမှားလေးတွေပါ။ ကိုယ့်ကြောင့် သူတစ်ဖက်သား ထိခိုက်နစ်နာမှု မဖြစ်ရင်တော့ အကောင်းတကာ့ အကောင်းဆုံးပေါ့ရှင်....နော့်။

မမှားဘူးသော ရှေ့နေ၊ မသေဖူးသော ဆေးသမား ဆိုသည့်အတိုင်း လူတိုင်းအမှားနဲ့ မကင်းကြဘူး။ လူသားတိုင်း ချစ်စရာ အမှားလေးတွေဖြင့်သာ ဘ၀မှာ မှားနိုင်ကြပါစေ။ မှားခဲ့မိတိုင်းကိုလည်း ခွင့်လွတ်နိုင်သော သူဖြစ်နိုင်ကြပါစေ။

ဒီပို့စ်ထဲက အမှားတွေ အကြောင်းကို ဖတ်ပြီး မှားပါတယ် မက်မက်ရယ်လို့ တွေးနေပြီး မက်မက်ရော အမှားနဲ့ ကင်းရဲ့လား လို့ ပြန်မေးရင် ဟုတ်ကဲ့ အခုစာရေးသူ မက်မက်လဲ အမှားနဲ့ မကင်းပါဘူး။ တစ်ခုမဟုတ် တစ်ခုကို အမြဲလိုလို အလွဲလွဲ အချော်ချော်နဲ့ ယနေ့တိုင် မှားနေပါသေးတယ်။ ဒါပေမယ့် ချစ်စရာ အမှားတွေပါနော်။

အဟားး..အမှားဆိုလို့ ဂျီတော့ခ်မှာ အာဝါးးးးးတောင် မှားပေးမိတဲ့ အဖြစ်ကလဲ ရှိသေးတယ်။ အကြောင်းသိ စင်္ကာပူက ဘလော့င်္ဂါ သူငယ်ချင်းတွေ ရူး......တိုးတိုးနေနော်။ ဘယ်ရိုမွှား ဒါရဲချိုဒါ အဒူမှပေါနဲ့... အာဝါးးအမြှောက် တစ်သိန်းပေးမယ်နော်......အဟား...ကျေနပ်လား......မှားပါတယ် မက်မက်ရယ်တော့ မလုပ်နဲ့နော်....ဒါဗြဲ......) :P

နှစ်ဟောင်းမှာ တနှစ်တာလုံး ပြုလုပ်ခဲ့တဲ့ အမှားတွေ ၊ ဆိုးပေတေခဲ့ သမျှတွေ၊ နိမ့်ကျခဲ့ သိမ်ဖျင်းခဲ့ မိတဲ့ စိတ်ဓာတ်တွေ၊ ကြုံခဲ့သမျှ ဘေးဆိုးတွေ ၊ မကောင်းသောကံတွေ ၊ အငြိုးအာဂါတတွေ ၊ အမုန်းတွေ စတဲ့ နှစ်ဟောင်းမှာ ကြုံခဲ့ဆုံခဲ့သမျှ မကောင်းသော အရာဟူသမျှ သင်္ကြန်ရဲ့ နောက်ဆုံး အတက်နေ့မှာ အားလုံးထားခဲ့ပြီး နှစ်သစ်မှာ စိတ်သစ်၊ လူသစ် ဘ၀သစ်နဲ့၊ ကံကောင်းခြင်းတွေ ခညောင်းရောက်ရှိပြီး ဘေးဘရာ ကင်းကွာ၍ မြင့်မြတ်သော စိတ်ထားဖြင့် ဘ၀ပန်းတိုင်ကို ဆက်လက်ချီတက် နိုင်ကြပါစေလို့ သင်္ကြန်အတက်နေ့မှာ တောင်းဆုပြုရင်း အမှတ်တရ ရေးသားလိုက်ရပါတယ်။

(သင်္ကြန်တွင်းမှာ ကံကုန်၍ သေဆုံးသည်ပဲ ဖြစ်ဖြစ် သေကံရှိလို့ သေဆုံးတာပဲ ဖြစ်ဖြစ် ၊အကြတ်နေ့မှာ မတော်တဆ သေဆုံးခဲ့သူတွေလည်း ဒီဘ၀ ဒီနှစ်မှာပါ ၀ဋ်ကြွေးတွေ ပြေပျောက်ပါစေ ၊ ဘ၀ဆက်တိုင်းမှာ ဒီလိုအဖြစ်ဆိုး၊ ဥပါဒ်ဆိုးမှ ကင်းဝေးပါစေ)

အာဝါးမက်မက် ပြန်လာပြီ

လူမူရေး စီးပွားရေးမှာ အခက်အခဲတွေ နဲ့စိတ်ရှုတ်နေတုန်း ဘလော့မှာေ၇ာ ဂျီတော့ခ်မှာရော သူငယ်ချင်း မောင်နှမတွေရဲ့ အားပေးမှုက မက်မက်အတွက် တကယ့်ကို အားဆေးတခွက် ဖြစ်ခဲ့ပါတယ်။ ခုတလော မက်မက်ရဲ့ သူငယ်ချင်း မောင်နှမတွေကို စိတ်ပူအောင် လုပ်ခဲ့သလို ဖြစ်သွားတယ်။ဝမ်းနည်းနေချိန်မှာ အားပေးစကား ပြောတဲ့သူတွေ အားလုံးကို တကယ်ကျေးဇူး တင်ပါတယ်။ စိတ်ပူအောင် အပူအပင်တွေ ပေးခဲ့မိတဲ့သလို ဖြစ်သွားတဲ့အတွက် တကယ်ကို စိတ်မကောင်း ဖြစ်မိပါတယ် ။ မောင်နှမတွေ စိတ်ပူမှာစိုးလို့ နောက်နောင် မက်မက်ရဲ့ ကိုယ်ရေးကိုယ်တာ အကြောင်းတွေ၊ အဆင်မပြေ မှုတွေကို အတတ်နိုင်ဆုံး ဘလော့မှာ လုံးဝမတင်တော့ပါဘူး။ အမြဲတမ်း ပျော်ပျော်ပဲ ပြန်နေတော့မယ်လို့ ကတိပေး ပါတယ်နော့်။ ပို့စ်တွေလဲ တင်နိုင်အောင် ရေးပါ့မယ်။ အဟား.....အားဝါးးးးမက်မက် ပြန်လာပါပြီ။ အားလုံးကို အာဝါးးးးးးးးးးးးးးးးးးးးးးးးးးးးးးးးးးးးးး အင်ဖနတီ အထိပါနော်......

စနေဂြိုလ်(သို့မဟုတ်)၀ဋ်ကြွေးတစ်ခု

စနေဂြိုလ်ထဲ ရောက်နေတဲ့ မက်မက် စနေဂြိုလ်ဆိုး ခတ်သွားတာ ခံရလုိ့ အစိတ်စိတ် အမွှာမွှာ ကွဲသွားတဲ့ ဘ၀လေးကို တစီစီ ပြန်ကောက်ပြီး နလန်ပြန် ထူနိုင်အောင် ကြိုးစားလိုက်ပါဦးမယ်။

တစ်ခုသော ဘ၀သံသရာက ပြုလုပ်ခဲ့တဲ့ မကောင်းတဲ့ကံဧ။် အကျိုးဆက်ကို ယခုဘ၀မှာ ၀ဋ်ကြွေးအဖြစ် ပေးဆပ်လိုက် ရတယ်လို့ သတ်မှတ်ပါတယ်။ ၀ဋ်ကြွေးရှိ ခဲ့ပါကလဲ ဒီနေ့ဒီရက်မှ စ၍ကြေပါစေတော့။

တချိန်ချိန်မှာတော့ ခံစားရသမျှကို စာစီပြီး ပြောပြမှာပါ။ ခုတော့ ခံစားချက်တွေ ပြောပြချင်ပေမယ့် စကားလုံးတွေက ပါးစပ်ထဲက ထွက်မလာတော့လို့ ရင်ဘတ်နဲ့သာ ဖတ်သွားပေးပါ။

ဒီပို့စ်မှာ ဘာမှမရှိဘူးလို့ ဆိုပေမယ့် ရင်နဲ့အမျှ နေ့တိုင်းခံစား ရတာတွေကို ရင်ဘတ်နဲ့ရင်းပြီး မျက်ရည်များနဲ့ ရေးထားပါတယ်။ ရင်ဘတ်တူ တဲ့သူတိုင်း မက်မက် ရေးထားတာကို ဖောက်ထွင်းပြီး မြင်နိုင်၊ ခံစားနိုင်မှာပါ။ :'(